သစ္စာတရားအတွက် မီးအိမ်တစ်လုံးနှင့်

၁။
အရှင်...
သင်၏ခေါ်ရာ
ထပ်ချပ်...ငါ...လိုက်ပါမည်။
ကြယ်တစ်ပွင့်ကိုဆွဲယူ
ငါ့ကို...ထူပါ။

ဟိုးမှာ...
သေအံ့မူးမူးလူက
မြေပြင်ပေါ်ကသူ့အရိပ်ကို
ကပျာကယာ အိတ်ထဲယူကောက်
လက်သည်းတွေတောင် ခွေခေါက်နေပြီ။

ဒီမှာ...
ဦးခေါင်းခွံထက်
ဆံဖြူတွေဝပ်တွားတက်နေတဲ့အဘိုးအို
တောင်ဝှေးကျိုးကိုရီဝေကြည့်ငေး
သူ...ဘာတွေ တွေးပြီနည်း။

စမ်းရေကိုငုံ့သောက်မှ
ကိုယ်မျက်နှာကိုယ်ပြန်မြင်ရသောလူများ
အခြားဘာကိုတွေ့ စွမ်းမလဲကွယ်။

အတ္တဆိုင်းဘုတ်ကို
လည်မျိုမှာသံငုတ်နဲ့ရိုက်
လမ်းမှာလိုက်သောခရီးသည်များ
သံသရာရထားကိုစောင့်နေသည်။

ဝါးတစ်ပင်ရိပ်မှာ
ခြင်္သေ့တို့ပင်အိပ်ဝံ့ပါသလား။
ဝါးတစ်ပင်ရိပ်၌
သူတော်စင်တို့ ပျှော်ပိုက်ခဲ့ကြပြီ။

အမှောင်ကနက်၏
ကြယ်ကလက်မည်
ဤခရီးဝေးသလား
ငါ...ရောက်အောင်သွားပါမည်လေ...။

၂။
နွေ...နွေ မိုး မိုး
တွင်းထဲမှာ နှင်းခဲတွေပုပ်သိုးနေရော့သလား။

ဆောင်းကိုပန်ပြီး
မြောက်ပြန်လေရောက်လာမှ
ပြာဝေမှိုင်းအုပ်
ဟော ... နှင်းတွေတစ်ဆုပ်ပြီးတစ်ဆုပ်။

သဲကန္တာရက
သဲတွေနဲ့ဖွဲ့စည်းပြသလို
မာယာလောက
မာယာတွေနဲ့ မှုံရီအုံချနေတယ်။

ကျောက်ဆစ်ရုပ်က
ခေါင်းညိတ်ပြရုံမဟုတ်
လက်ခုပ်တီးပြီး လက်အုပ်ချီပြတာ
ငါ တွေ့ခဲ့ဖူးပြီ။

သွေးစက်တွေနောက်မှာ
လက်သည်းနီစက်ရဲရဲတောက်ပြတာ
ငါ တွေ့ဖူးပြီ။

ကျွဲချိုမှုတ်ပြီး
ကျွဲအုပ်ကိုဖျော်ဖြေတာ
ပျော်စရာမှမဟုတ်ပဲကွယ်။

၁၂ကြိုးကသော
လောက၏ကဝေလက်ချောင်းများ
ငါ့အား...ဆွဲခေါ်
ငါ... မမွေ့ပျှော်တော့ပါပြီ အရှင်။

၃။
ငါသည်...တစ်ခါက ဖယောင်းတိုင်ကဲ့သို့ဖြစ်၏
ထို့ကြောင့်
မီးတောက်ကိုချစ်လေသည်။

မိုး၏အမြင့်ကိုမသိ...ဟု
ကိုယ့်ကိုယ်ကို အထင်ရှိ၏။
အမှန်ကား...
မြေ၏အနက်မှာပင်ေ၀၀ါးဆဲ။

စီးမျောရာတွင်
ဗေဒါကို ကုပ်ဖက်
အနက်ရောင် လှိုင်းခေါင်းများကြားမှာ
ဒေါသအမျက်ချောင်းချောင်းပွားလျက်။

ထိုသော... မနေ့ကငါသည်
ဝါကျင်ဟောင်းနွမ်း နေလုံးကိုထမ်း၍
တောင်စွယ်တန်းမှာ ၀င်ရောက်ပျောက်ကွယ်ခဲ့ပြီ။

ဤယနေ့ ... ငါ ... သည်
မီးခိုးကဲ့သို့ မိုးပေါ်ထိုးတက်
နှုတ်ဆက်ထွက်ခွါ
အားလုံးကို လွှတ်ချခဲ့ချင်ပါပြီ။

ငါသည် ငါ၏ဘုရင်ဖြစ်၍
ငါသည် ငါ၏ပြည်သူဖြစ်၏
ငါ့ကိုငါက အုပ်ချုပ်၍
ငါ့အလုပ်ကိုငါလုပ်ရပေတော့မည်။

၎။
ဥပုသ်သည် သီလကျိုးတော့
ဘုရားရှိခိုးရင်း ရှက်လေသည်။

ငါတို့သည်...လူသားများဖြစ်၏
လက်ဖ၀ါးမှာ
အမှားလက္ခဏာပါလေသည်။

ဟိုချိုး ... သည်ကွေ့
ချွတ်ယွင်းသော မောင်းတံဖြင့်ရွှေ့လျား
လမ်းလျှောက်နေသော သင်္ချိုင်းမှတ်တိုင်များဖြစ်၏။

အပ်ချည်နှင့်ပြန်ချုပ်ထားသော
စက်ရုပ်၏အစိတ်အပိုင်းများပမာ
တစ်ခါတစ်ခါ
မှီတွယ်ရာလည်း မဲ့တတ်သည်။

အို ... ``လူသားအားလုံးချမ်းမြေ့ပါစေသား´´
အားလုံးထဲမှာ
ငါသည်လည်း ပါဝင်ချမ်းမြေ့ပါစေသား။

သူတစ်ပါးကိုလည်းခွင့်လွှတ်
ကိုယ့်ကိုယ်ကိုလည်းခွင့်လွှတ်
အနာရွတ်မှန်သမျှ
ဆွဲချွတ်ဖယ်ရှားကြပါ။

နင်းလာသောခြေထောက်ကို
မြေမှုန့်သဲကျောက်တို့က
ခွင့်လွှတ်ကြသလိုမျိုး
ရိုးသားပြည့်ဝ
တစ်ယောက်ကိုတစ်ယောက် ခွင့်လွှတ်ကြပါ။

၅။
ထမင်းဝိုင်းမှာ
လျှာနှင့်ခပ်၍စားကြသူများ
သွားကြားထိုးတံစူးကြလေသည်။

စပါးစေ့(၁၀၀)နှင့်
သင်လုံလောက်ပါက
စပါးစေ့(၁၀၁)
နောက်လူအတွက် ဖြစ်ပါစေကွယ်။

ဆင်ဖြူတော်မှီပြီးတော့လည်း
ကြံမစုပ်ကြပါနှင့်၊
ကြံကျွေးပြီးတော့လည်း
ဆင်ကိုနှာမောင်းမဖြုတ်ကြပါနှင့်။

ညောင်ရွက်တွေနဲ့မိုးတဲ့
ရေအိုးစင်လေးပမာ
သာယာမြေ့ချမ်း
နေပူလမ်းမှာ တွဲခေါ်ကြပါ။

အမှန်စင်စစ်
ခေါင်းငုံ့ပေးလိုက်ခြင်းဟာ
ခေါင်းမော့ထားရခြင်းလောက်
ညောင်းညာလိမ့်မည်မဟုတ်ပါ။

ဝင်သက်နှင့်ယူခဲ့သမျှ
ထွက်သက်နှင့် ပြန်ပေးရမည်။
ဒါ ... ကမ္ဘာအစရဲ့
ပထမသီအိုရီပဲဖြစ်သည်။

ငါကတော့(ရမည်ဆိုပါလျှင်)
သေလွန်ပြီးခါမှ
အင်အားတစ်စပြန်ယူသုံး
ငါ့အခေါင်းကို ငါပဲဖုံးသွားချင်တော့၏။

၆။
ငြိမ်းချမ်းရေးအတွက်တော့
လင်းပွင့်မြင့်မြတ်ရဦးမည်။
ထို့အတွက်
ကိုယ့်ကိုယ်ကို တံမြက်စည်းလှဲပြီး
တဖွားဖွား ခြွေချပစ်ရမည်။

လက်သီးဆုပ်ခြင်း ... ဆိုတာ
တုန်ခါဖြူဖျော့ ထော့လန်ကွေးလုပ်
လက်ချောင်းတွေအချင်းချင်း ပြန်ဖမ်းချုပ်ကြခြင်းဖြစ်၏။

ကိုယ့်ကိုယ်ကို ဒိုင်းနဲ့ကာထားပြီးမှ
သူတစ်ပါးကို ဓါးဖြင့်ရွယ်ရဲလျှင်
သူရဲကောင်းဟု မခေါ်ချင်။

တစ်ခါက
ဤလက်တို့အလံလုခဲ့ကြ၏။
ထို ... ဆုတံဆိပ်
ယခု ဘယ်ဆီချိတ်မည်နည်း။

ငါ့ရိပ်မြုံကို
ရုပ်ပုံစာတမ်း
ဘာမှမကပ်တမ်း
လမ်းဘေးမှာ မြက်ဖြင့်ဆောက်မည်။

မာနကိုဖြေလျော့
ရေစင်အေးဖြင့် ငါ ကန်တော့ပါအံ့။
ခြေဖ၀ါးမှ ဦးကင်း
မေတ္တာဖြူဖြင့် လင်းလိုလှပါတော့သည် ငါ့အရှင် ...။

၇။
(လောကကြီးသည် အံ့ဖွယ်အတိပြီး၏။
နဂိုမူလ တိမ်သည်ဟုထင်ရသော တွင်းများပင်လျှင်
ဆင်းကြည့်ခါမှ နက်ရှလှိုက်စား
ပို၍ ... နိမ့်ဝင်သွားတတ်၏။)

ကြက်ခြေခတ် ... ၏
ဆုံရပ်မှာနေ ရီဝေထွေပြားသောညများ
မိုးခါးရနံ့ သင်းပျံ့နေတတ်၏။

ငါ့ရှေ့မှလူများ
ငါ့ကိုပိတ်၍ကာထား၏
ငါ့နောက်မှလူများ
ငါ့ကိုတွန်း၍ကျော်သွား၏။

ထို့နောက် ...
ချောက်ကမ္ဘားရောက်မှ
ကြောက်အားဖြင့်လှည့်ပြန်
ငါနှင့်တဖန် ...
လူချင်းလဲကြပြန်၏။

အောင်မြင်ကြပါစေကွယ်
နေရောင်လရောင်ဖြန့်ခင်း
အလင်းတဝေေ၀နဲ့
နေ့တွေညတွေ
ငြိမ်းချမ်းသည်ထက်ငြိမ်းချမ်းပါစေ။

သူဖုန်းစားလည်း
မြေသားပန်းကန်မှာ
ကောက်နှံပင်တို့ဝေဖြိုး
အသရေတိုးသည်ထက်တိုးပါစေ။

သူကြွယ်ကြီးလည်း
ငရဲပြည်ကဓါးကို
ရှောင်ရှားပိုင်းချင့်
နှိမ့်ချအပ်သောဦးခေါင်းဖြင့်
မြင့်သည်ထက်မြင့်ပါစေ။

၈။
ငိုကြွေးဖို့အတွက်
အသက်ဝင်လာသောလူများ
သစ္စာတရားကို
ဟားတိုက်ရယ်မောနေကြသည်။

ရှင်သေမင်းက
အစွယ်တ၀င်းဝင်းနှင့်စောင့်စား
သက်တမ်းကျွံသည်နှင့်
တမလွန်မှာ
အခွံခွါ၍စားလိမ့်မည်။

ဟိုစဉ်ခါက
ငါသည်လည်းစိုးကြောက်
ကျောက်တောင်ကို ပန်းနှင့်ပြန်ပေါက်ရင်း
ခြေမြှောက်လက်မြှောက်
ခြောက်ခြားဖူးသည်။

တုန်ကောက်မရှိသူ ... နှင့်
ချိုင်းထောက်မရှိသူ ...
လမ်းလျှောက်ရန်မှာပင်
ဒုက္ခချင်းမတူကြ။

တဂျောက်ဂျောက်နှင့်
ရွှံ့ရုပ်သားကောင်
မုဆိုးကို ပြန်လှောင်သည့်
မှော်ရုံထောင်ချောက်
မျက်လှည့်ဆရာတွေ ကြွေအံခေါက်နေသည်။

မျက်စိကိုမှိတ်ပြီး
ကိုယ်ထဲကို တိတ်တိတ်ကလေးပြန်ကြည့်သောအခါ
ညှို့ပြာယှက်သန်း
တစ်လောကလုံး အနက်ရောင်လွှမ်းတော့၏။

ထိုသို့ ဖြင့်
နှင်းရည်စိုသော
မှိုပွင့်ကလေး၏ပင်ခြေရင်းမှာ
မာနကိုအိပ်မွေ့ချ
ထာဝရ ငါ ... ထားခဲ့ချင်ပါပြီလေ။

၉။
လောကဓံတရားက
နဂါးရှစ်ကောင်ပမာ
မြေကိုထိုးခွဲ လေကိုဆွဲဖြဲ
လူတွေထဲမှာ
ပျံသန်းသွားလာနေသည်။

ယဉ်ကျေးမှုအရ
တစ်နေရာတွင်ဖိနပ်စီးရသော ငါတို့သည်
ယဉ်ကျေးမှုအရပင်
တစ်နေရာတွင်ဖိနပ်ချွတ်ရဦးတော့မည်။

ဘုရားပြောတာကိုမှ
ငါ... မယုံရဘူးဆိုလျှင်
မာရ်နတ်ပြောတာကို
ငါ... ယုံရတော့မည်လော။

အစိုးမရသော
လောက၏နာရီစက်သံကို
လက်တံတို့က မောင်းနှင်ဖန်တီး
နီး ...နီး ...နီး၍လာခဲ့ပြီ။

မီးကိုကျော်ဖြတ်
ရေကိုကျော်ဖြတ်
သံချပ်ကာဝတ်ရုံ
ခြုံလို့မလုံပါဘူးကွယ်။

တရားရိပ်မှာ
စိတ်ကိုထုတ်ပြီးဖုန်ခါ
ပြီးတော့ ...
ကိုယ်ထဲမှာ ပြန်လည်သော့ပိတ်
သုညကလေးလို
ငြိမ်သက်တိတ်ဆိတ်နေရမည်။

စေတီအိုဟောင်းမှ
ခေါင်းလောင်းသံ တိုးဖွတိုးညှင်း
အို ... အရှင် ...
မြေမှထသော ငါ့ကိုမြင်ပါ။

၁၀။
အချို့သောလူများ
လယ်ထွန်သွားရင်း
နွားပေါ်အိပ်နေကြပါသလား။
အချို့သောလူများ
လယ်ထွန်သွားရင်း
စပါးဖြစ်အောင် စိုက်ကြပါသလား။

လူသားတစ်ယောက်အနေနှင့်
မိုးကောင်းကင်အောက်မှာ
ခိုင်မာကျစ်လျစ်
တာဝန်ကျေသော ပေတစ်ဆစ်မျှတော့
ဖစ်သင့်သည်။

အရပ်ရပ်မှလာသော လေတို့၌
မြေစိုက်ကျောက်တိုိင်တို့
မတုန်လှုပ်ကြသကဲ့သို့
ငါတို့ နေသွားရမည်။

အရှင်ယူဆောင်သည့်
ကြယ်တစ်ထောင်မြင့်ခေါင် ၀င်းပသည့်ညကား
လွှလွှဖွေးဆွတ်
လှံသွားတို့ကိုပင် ခွေညွတ်စေတော့၏။

ဓမ္မတေးကို
သွေးအစက်စက်တိုင်အောင်ဖြန်းဆွတ်
နှုတ်ဆက်တော်ရွတ်ဆိုသံများ
တိုးကာ ကျယ်ကာ ငါ ... ကြားနေရ၏။

လေပြေညင်းတွင်
ရွှေအဆင်းဖြင့် သွားနှင့်ကြသူများ
ဥပေက္ခာကို
ဘာမှမပြောဘဲ ထားသွား၏။

ထိုသူတို့နောက်
ငါ တကောက်ကောက်လိုက်ပါတော့အံ့။
ထိုသူတို့နောက်
တောက်လျှောက်လိုက်ပါတော့အံ့။
ကြယ်ရောင်ကွေ့ကောက်
ထိုသော ကောင်းကင်မျဉ်းကြောင်းများအောက်မှပင်
ငါ့အား
လမ်းပြစေစားတော်မူပါလော့ ... မြတ်သော ငါ့ ...အရှင်။ ။

(ဗုဒ္ဓ ... သို့ )

တာရာမင်းဝေ

မင်းကိုလောကကြီးကစောင့်ကြည့်နေတယ် (တိုးဝေ)

ရေသေအိုင်ဆွေးလို
ငြိမ်အီမနေစမ်းပါနဲ့
စုန်ရဲဆန်ရဲတဲ့ မြစ်တစ်မြစ်အဖြစ်
ကိုယ့်မာန်ကိုယ်သွေး
ခပ်ဝေးဝေး လှမ်းကြည့်လိုက်စမ်းပါ...
ဝါးမျှစ်စို့တိုင်း
မြေကိုတိုးထွက်ခဲ့ကြတယ်
လောကကို ရင်မဆိုင်ရဲတဲ့သစ်စေ့ဟာ
အမှိုက် ယက်ရှာတဲ့
ကြက်တစ်ကောင်ရဲ့ နှုတ်သီးဖျားမှာ
လည်စင်းပေးလိုက်ရမှာပဲ။
တောက်ပခဲ့ဖူးတဲ့
ရှေးရှေးက ကြယ်ပွင့်များ
အတိတ်ည ရှည်ရှည်တွေကို
ဘယ်ပုံဘယ်နည်း ဖြတ်သန်းခဲ့ကြသလဲ
ကိုယ်တိုင် ကြုံတွေ့နေရတဲ့ ညမှာ
ကိုယ်တိုင် အလင်းဆုံး ကြယ်တစ်ပွင့်
မဖြစ်သင့်ဘူးလား
ရှည်ရှည်ဝေးဝေး စဉ်းစားစရာမလိုတဲ့
အဖြေမှန်တစ်ခု မင်းရင်ထဲ
အသေအချာရှိနေမယ်ဆိုတာ ယုံတယ်။
ခေတ်က မြန်လွန်းတယ်...
တကယ်တော့ နည်းပညာတွေရဲ့ နှုန်းစံနဲ့
ခေတ်က လိုက်မြန်နေရတာပါ
အရှိန်နဲ့ပြန့်ကားနေတဲ့ ရဲရင့်မှုတွေထဲ
စိမ့်ဝင်နိုင်ဖို့ရာ ဘွာမခတ်မိစေနဲ့
တစ်ထစ်ချင်း နင်းတက်စမ်းပါ...။
“မစူးစမ်းတဲ့အရွယ်
ရူးနှမ်းနှမ်း အရွယ်ပါတဲ့”
မင်းနားတွေကို ပိတ်ထားလိုက်...
အထင်သေး အမြင်သေး အကြည့်အပြောတွေ
မင်း တည့်တည့်က အဆို့အပိတ်တွေကို
တွန်းတိုးဖောက်ထွက်လိုက်
နှင်းဆီတွေခင်းထားတဲ့ အရုဏ်သစ်
အရှေ့မိုးကောင်းကင်မှာ ၀င်းဝင်းပြက်ပြက်
မင်းယုံကြည်ရာ မုခ်ဦးမှာ
ပန်းဝတ်မှုံတွေ ထုံမွှေးနေမှာ...။
စိတ်ရိုင်းကို အလိုလိုက်တာ
ကိုယ့်ပဲ့ကို ကိုယ်ဖြုတ်ချလိုက်တာပဲ
မြားရွက်နောက်မြီး မပါရင်တော့
ဘယ်လောက်ချွန်ချွန် ဘယ်လောက်ဖြောင့်ဖြောင့်
ဘယ်ပစ်မှတ်ကို စိုက်မှာလဲ
အပျင်းဓာတ်ကလည်း
မင်းသွေးစီးနှုန်းတွေကို နှေးစေတဲ့
ခပ်ဆိမ့်ဆိမ့် အဆိပ်ပြင်းပဲ
ညံ့ဖျင်းမှုဆိုတာ
အစာမတပ်ဘဲ ရေထဲချထားတဲ့
မင်းရဲ့ ငါးမျှားချိတ်
တစ်နေ့မှာ ကိုယ့်အလွမ်းမှားတွေနဲ့
ကိုယ်ပဲ ရှက်သွေးမဖြာရအောင်
ကိုယ့်ကိုယ်ကိုယ် လှုပ်နိုးရမှာပေါ့။
မင်းရဲ့ တင်းတင်းဆုပ်မိတဲ့ လက်တွေ
မင်းရဲ့ တင်းတင်းကြုတ်မိတဲ့ မျက်မှောင်တွေ
မင်းရဲ့ တင်းတင်းစေ့မိတဲ့ နှုတ်ခမ်းတွေ
မင်းရဲ့ တိတ်ဆိတ်စွာ ပေါက်ကွဲမှုတွေ
မင်းဆက်မယ့် ခြေလှမ်းတွေထဲ အားဖြည့်ဆေးအဖြစ်
ခပ်သာသာ ပြောင်းလဲပစ်လိုက်ပါ။
မီးမနာတဲ့ ဓား
အသွားပဲ့မြန်သတဲ့
ခြေဖ၀ါး မြေစားလို့ပွန်းရော့
အမာရွတ်တိုင်းမှာ သင်ခန်းစာရှိရမယ်
သံလွင်တစ်ခက်အတွက်
ချွေးစက်ကုဋေ ခြွေရဲဖို့
မင်းမျက်ဝန်းထဲ မီးစုန်းတွေထည့်လို့
အမှောင်ဆိုတာ အရောင်တစ်ရောင်ပဲ
မဖြစ်မနေ နှိုက်ရမယ့် မဲလိပ်ထဲ... စိတ်ချ
ကံတရား တစ်ခုတော့ ပါလိမ့်မယ်။
ကျောက်ဘယ်လောက်မာမာ
ခတ်တတ်မှလည်း မီးပွင့်တယ်
ဆီးဆူး ဆီးချွန် ခံဆူး ခံချွန်တဲ့
သောင်ပြင်ပေါ် မှောက်လျက်လဲ
ခပ်ယို့ယို့ ပြန်သွားတဲ့ လှိုင်းညံ့တွေလို
မင်း မညွတ်ခွေဖို့တော့ လိုတယ်
ပဉ္စလက် မာယာတွေ ပွက်ထ
ညှို့ကွက်တွေ ရှို့ချက်တွေ လျှို့ဝှက်တွေပြွမ်းလို့
မင်းဦးနှောက်ထဲ အချက်ပြ ခေါင်းလောင်းထည့်ခဲ့
ပြီးတော့... ရှေ့ပဲ တွင်တွင်တိုး ပြီးတော့... ထပ်ပြီးတိုး
အရွဲ့မတိုက်နဲ့ အတည့်တိုက်
မင်းရဲ့ ယုံကြည်ချက် သစ္စာတရားတွေ
မင်းအပေါ် ထိန်ထိန်ညီးစေရမယ်။
သစ်တောကြီးတွေနဲ့ ဝေးရာမှာ
တစ်ပင်တည်း ထီးထီးပေါက်နေတဲ့
ဝက်သစ်ချပင်ရဲ့ ကြံ့ခိုင်မှုမျိုး
မင်း အသည်းညွန့်မှာ ကွန့်မြူးပါစေ
လေယာဉ်ပျံ ထိုးဖောက်သွားတဲ့ တိမ်မဖြစ်ရ
တိမ်တိုက်တိုင်းကို ဖောက်ထွက်မယ့် လေယာဉ်ပျံဘ၀
မင်း ရွေးချယ်မှုက
မင်း စံမြန်းရမယ့် ရဲတိုက်ဗိမာန်
မင်းကို လောကကြီးက
လက်ခုပ်သြဘာပေးဖို့ မျှော်လင့်တကြီး
စောင့်ကြည့်နေတယ်။
တိုးဝေ

အကောင်းမြင်ဝါဒီတစ်ယောက်ရဲ့ မြို့(နေမျိုး)


နေ့တစ်နေ့
မြို့ ကြီးသို့ သားလီးဓားအပြည့် တင်ဆောင်ထားသော
လော်ရီကားကြီးများ ၀င်ရောက်လာခဲ့သည်။

နောက်တစ်နေ့
မြို့ ကြီးသို့ ခွဲစိတ်ကုဆရာဝန်များ
ရောက်လာခဲ့သည်။

နောက်တစ်နေ့
မြို့ ကြီးသို့ မိန်းမပျက်နှင့် ကဗျာဆရာများ
ရောက်လာခဲ့သည်။

နောက်တစ်နေ့
မြို့ ကြီးသို့ စည်သွတ်ဘူးနှင့် ပူပူနွေးနွေးချက်လက်မှတ်များ
ရောက်လာခဲ့သည်။

နောက်တစ်နေ့
မြို့ ကြီးသို့ "အငမ်းမရဖြစ်ခြင်းနှင့် ကောင်းစွာသေဆုံး
ခြင်း" စာအုပ်အသစ်များ
ရောက်လာခဲ့သည်။

နောက်တစ်နေ့
မြို့ ကြီးသို့ ကောင်းကင်ဘုံက ရိုက်လိုက်တဲ့ သံကြိုးစာ
ရောက်လာခဲ့သည်။

နောက်တစ်နေ့
မြို့ ကြီးသို့ တရားဟောဆရာ(တွေးခေါ်ရှင်) နှင့်
အမဲလိုက်ခွေးများ
ရောက်လာခဲ့သည်။

နောက်တစ်နေ့
မြို့ ကြီးသို့ အိပ်ပျော်ရသော သစ်စေ့ (သူ့အိပ်မက်က
သစ်ပင်တဲ့) နှင့် ပိုးဟပ်များ
ရောက်လာခဲ့သည်။

နောက်တစ်နေ့
မြို့ ကြီးသို့ မီးသတ်သမားနှင့် နတ်ကတော်များ
ရောက်လာခဲ့သည်။

နောက်တစ်နေ့
မြို့ ကြီးသို့ နှိုးစက်နှင့် ဘူဖဲများ
ရောက်လာခဲ့သည်။

နောက်တစ်နေ့
မြို့ ကြီးသို့ နေရောင်ခြည်နှင့် လတ်လတ်ဆတ်ဆတ်
ဆီးနှင်းများ ရောက်လာခဲ့သည်။

နောက်တစ်နေ့
"ကောင်းသောနံနက်ခင်းပါ"
မြို့ ကြီးရဲ့ နှုတ်ခွန်းဆက် သ၀ဏ်လွှာကို
ကျွန်တော်က လူကြီးမင်းထံ ရေးသားပေးပို့လိုက်ပါသည်။

နေမျိုး

ကမ်းရှာငှက် (ငြိမ်းအေးအိမ်)

ကမ်းရှာငှက်
ကမ်းရှာငှက် (ငြိမ်းအေးအိမ်)

(၁)
မှတ်ချက်။ ။ မူရင်းစာမျက်နှာ(၁) image file အား ဖွင့်မရပါသဖြင့် ၎င်း စာမျက်နှာအားချန်လှပ်၍ စာမျက်နှာ(၂)၊(၃)နှင့်(၄) ကိုသာ ဖော်ပြခွင့်ရပါသည်။
------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------
နှလုံးသားတွေခမျာ ဘယ်လိုရှိကြရှာမလဲ။ “ဘယ်တော့များမှ” မေးခွန်းတွေ ဘယ်တော့များမှ အဆုံးသတ်သွား ကြမှာလဲ။ တလက်လက် တရွဲရွဲ ပုလဲလုံးတွေအတွက် အစတေးခံလိုက်ရတဲ့ ကမာကောင်တွေကို ဘယ်သူ သတိရဖူးသလဲ။ ပိတ်ထားတဲ့မျက်ခွံအောက်မှာ မေးခွန်းတွေချည်းပဲ ၀ဲလှည့်နေတာနဲ့ မျက်လုံးပြန်ဖွင့်လိုက် တော့ ကျနော့်ကိုကျနော် မန္တလေးအဆန်ရထားပေါ်မှာ တွေ့လိုက်ရတယ်။ ကျနော်က(အကြီး)ကို တွေ့တာပါ။ လက်ထဲမှာ စာအုပ်တစ်အုပ်၊ ရထားတွဲပေါ်မှာ တစ်ညစာလိုက်ငှားတဲ့ မဂ္ဂဇင်းတွေထဲက တစ်အုပ်ပေါ့။
သူ (ကျနော် (အကြီး))ဟာ ၂၀၀၅ခု မတ်လထုတ်၊ ရုပ်ရှင်သစ္စာမဂ္ဂဇင်း၊ အမှတ်(၂၇၂)စာအုပ်ထဲက ကဗျာတွေဖတ်နေတယ်။ အဲဒီကဗျာတွေထဲက “လက်ျာဝင်း” ရဲ့ “ကျန်ရစ်သူ” ကဗျာကိုဖတ်ပြီးတဲ့အခါ ကျန်တာတွေကို ဆက်မဖတ်တော့ဘူး။ မဟုတ်ဘူး။ ဖတ်သေးတယ်။ အဲဒီကဗျာကိုပဲ ဆက်ဖတ်တယ်။ တစ်ခေါက်၊ နှစ်ခေါက်၊ သုံးခေါက်၊ ထပ်ဖတ်ပြန်တယ်။ တစ်ပိုဒ်ချင်းစီ၊ နောက်တော့စာအုပ်ကို ရင်ဘတ်ပေါ် တင်ပြီး သူ့မျက်လုံးကိုမှိတ်လိုက်တယ်။ သူ့မျက်လုံးထဲမှာ ကျနော်(အငယ်ကောင်) ထပ်ပေါ်လာတယ်။ သံကိုသံချင်း ပွတ်တိုက်သံတွေ ကျယ်လောင်လာလိုက်တာ၊ အမှောင်တွေကလည်း ဘာကိုမှ တိုးမပေါက် လောက်အောင် ပိန်းပိတ်လို့။
လူတွေ၊ လူတွေ၊ ပန်းပွင့်တွေ၊ တိမ်တိုက်တွေ၊ ကလေးမျက်ဝန်းလဲ့လဲ့တွေ၊ သနပ်ခါးနံ့တွေ၊ သစ်တော ညို့ညို့တွေ၊ တောင်တန်းမြင့်မြင့်တွေ၊ တိမ်ထူထူတွေ၊ မျုသားအလိပ်လိပ်တွေ၊ သံယောဇဉ်ကြိုးတွေ၊ တာဝန် ရှိခြင်းနဲ့ တာဝန်သိခြင်းတွေ၊ ဆီပြားမပါတဲ့ ဟင်းလျှာတွေ၊ ကျောင်းလွယ်အိတ်လေးလေးကြီးတွေ၊ ဆံပင်ဖြူဖြူ တွေ၊ ပါဝါမျက်မှန်တွေ၊ ရေစီးသံတွေ၊ မရပ်မနားပေါ်လာတယ်။ ပေါ်နေတယ်၊ သူ မျက်လုံးပြန်ဖွင့်တယ်။ ကဗျာ ဆက်ဖတ်တယ်။ ဆက်ဖတ်ဖို့ကြိုးစားတယ်။ မရတော့ဘူး။ ကဗျာက သူ့ကိုပြန်ဖတ်သွားတယ်။ အသံတွေက သူ့ကိုပြန်ဖတ်တယ်။ အတိတ်မြင်ကွင်းတွေက သူ့ကိုပြန်ဖတ်တယ်။ အမှောင်တွေက သူ့ကိုပြန်ဖတ်တယ်။ သူကိုယ်တိုင်က သူ့ကိုပြန်ဖတ်သွားတောတယ်။ အကြိမ်ကြိမ်။

(၂)
“ ခြံဝက ဘောစကိုင်းတွေ
အရိပ်တောင်ရနေပါပကော
အိမ်ရှေ့မြောင်းထဲ
ကန်စွန်းနွယ်တို့
အလွမ်းသယ်ခဲ့ကြတာ
တစ်နွေပြီးတစ်နွေ ”

ဘောစကိုင်းပင်ဟာ တစ်နှစ်ကိုအရပ်ဘယ်လောက် ရှည်ထွက်တတ်ပါသလဲ။ ဘောစကိုင်းတစ်ပင်ဆီက အရိပ်ရဖို့ နှစ်တွေဘယ်လောက် စောင့်ဆိုင်းရပါသလဲ။ အချိန်တွေက ခါးလျှား ရှည်လွန်းလှလိုက်တာ။ စောင့်ဆိုင်းနေရသူအတွက် ကွဲကွာခြင်းဝေဒနာကို ခံစားနေရသူတွေအတွက်တော့ ပုံမှန်ထက်ကို ပိုရှည်လျှား နေလိမ့်မယ်။ ”ကြာခဲ့ပြီပဲ” ဆိုတဲ့ တစ်ကိုယ်ရေ ညည်းညူသံမှာ စ်ိတ်မသက်သာစရာတွေ ဘယ်လောက်တောင် များ ပါဝင်နေလိမ့်မလဲ။
အိမ်ရှေ့မြောင်းထဲက ကန်စွမ်းနွယ်တွေ အလွမ်းသယ်ခဲ့ကြတာ တစ်နွေပြီးတစ်နွေတဲ့။ အဲဒီဝါကျကိုဖတ်ရတာ အလွမ်းပြဇာတ်တစ်ပုဒ်ရဲ့ အဖွင့်ကိုကြည့်မြင်ခွင့်ရလိုက်သလိုပဲ။
အိမ်ရှေ့မှာ ရေမြောင်းကလေးရှိသတဲ့။
ဒါဆို ကဗျာထဲက အိမ်ကလေးဟာ ၀င်ဒါမီယာမှာ မဖြစ်နိုင်ဘူး။ လုံးချင်းအိမ်ယာနဲ့ ကွန်ဒိုတိုက်ခန်း မဖြစ်နိုင်ဘူး။ သာမာန်အရပ်သူ အရပ်သားတွေနေတဲ့ (မြို့အစွန်က ရပ်ကွက်လေးတစ်ခုမှာ ဖြစ်ချင်လည်း ဖြစ်မှာပေါ့) ရပ်ကွက်လေးတစ်ခုထဲက အိမ်ကလေးပဲဖြစ်မှာပေါ့။ အိမ်ကလေးရဲ့ မိသားစုဝင်တွေဟာ ဒီမြောင်း လေးထဲက ကန်စွန်းနွယ်တွေကိုသာ အဓိက အာဟာရအဖြစ် ဘယ်လောက်တောင်များ မှီခိုအားထားခဲ့ရပါ သလဲလို့ တွေးနေမိတယ်။ အိမ်ရှင်နဲ့ နေ့တဓူဝ ထိတွေ့ ဆက်ဆံနေရတဲ့ ကန်စွမ်းနွယ်လေးတွေဟာ သူတို့မတွေ့မြင်ရတာ ကြာပြီဖြစ်တဲ့ အိမ်ရှင်ကိုလွမ်းနေလိုက်ကြတာ တစ်နွေပြီးတစ်နွေတဲ့၊ တစ်နှစ်ပြီး တစ်နှစ်ဆိုတဲ့ ကာလအကြာကြီးကို ပြောချင်တာ၊ ပြချင်တာနေမှာ။
ကဗျာရဲ့ ပထမပိုဒ်မှာတင် ကျန်ရစ်သူ ခွဲခွာသူတွေနဲ့ ဖွဲ့တည်ထားတဲ့ ဇာတ်လမ်းတစ်ပုဒ်ကို စိတ်ဝင်စားဖွယ် မြင်တွေ့လိုက်ရပါတယ်။

“ မြောင်းကူးတံတားလေးပေါ့
သူ့သခင်ပြန်သည်အထိ
သူ့ကျန်းမာရေးက
စိတ်မှစိတ်ချရပါ့မလာလို့။ ”

ခုနက အိမ်ကလေးရဲ့ရှေ့မှာ ရေမြောင်းကလေးရှိမယ်။ အဲဒီမြောင်းကို ဖြတ်ပြီးဆောက်ထားတဲ့ တံတားလေးတစ်စင်းရှိမယ်။ မြောင်းကူး တံတားလေးပေါ့။ ဒီတံတားလေးကို အိမ်ရှင်ကိုယ်တိုင် ဆောက်လုပ်ထားခဲ့တာလည်း ဖြစ်နိုင်တာပဲ။ ဘယ်လို တံတားမျိုးလေးပါလိမ့်။ ခနော်နီခနော်နဲ့ သစ်သားတံတားလေးလား။ ၀ါးတွေကို ဟိုတစ်ချောင်းဒီတစ်ချောင်း ပြီးစလွယ် စုချည်ထားတဲ့ တံတားမျိုးလား။ တံတားမှာ သူ့သခင်ရှိခဲ့တယ်။ သခင်ဟာ သူ့ကိုယ်ပေါ်မှာ နေ့နေ့ညည ဖြတ်ကူးခဲ့ဖူးတယ်။ တစ်ခါတစ်ရံ အလေးအပင်တွေ သယ်မ, လာတဲ့အခါမျိုးမှာဆို လက်ရမ်းကိုတင်းတင်းဆုပ် ဖြည်းဖြည်းချင်းလှမ်းလို့၊ တစ်ချို့ရက်တွေမှာတော့ ကဗျာကသီ ကသုတ်ကယက် ခပ်သုတ်သုတ်ဖြတ်ကူးလို့၊ တစ်ခါတစ်လေမှာ ဇနီးသည်ကိုလက်ကဆွဲ အေးအေးလူလူ လျှောက်လှမ်းလို့။
ကြာခဲ့ပြီ။ အဲဒီရက်တွေကြာခဲ့ပြီ။ သူ့သခင်ဟာ တံတားလေးရဲ့ကျောပေါ် ဖြတ်မနင်းခဲ့တာကြာလှပါပြီ။ သခင်နဲ့သူ ကင်းကွာခဲ့တာ ရာသီအလီလီရှိပေါ့။ နှစ်လတွေ ညောင်းလှပေါ့။ ခုဆို တံတားလေးတောင် အိုမင်းစပြုနေပြီ။ အသက်ကြီးလာတဲ့ တံတားအိုလေးဟာ ကျန်းမာရေးလည်း ချူချာလာပြီ။ သူ… (တံတားအိုလေး)ဟာ သခင်ကိုလွမ်းနေရဲ့။ တစ်နေ့နေ့ တစ်ချိန်ချိန်မှာတော့ သခင်ပြန်လာကောင်းရဲ့လို့ မျှော်နေရှာတယ်။ သခင်ဘယ်တော့များမှ ပြန်လာမလဲ။ ချူချာလာတဲ့ကျန်းမာရေးက သခင်ပြန်လာတဲ့အထိ သူ့ကိုအသက်ရှင်နေထိုင်ခွင့်ပြုမှာ သေချာရဲ့လား။ ရာသီအမျိုးမျိုးကသူ့ကို တတိတိတိုက်စားနေတဲ့ကြားထဲမှာ တံတားအိုလေးဟာ သူ့သခင်ကိုမျှော်လင့် ကြိုးစားစောင့်နေရှာတယ်။
ကဗျာထဲက မြောင်းကူးတံတားလေးဟာ ဇာတ်ကောင်တစ်ကောင်အဖြစ်ပါဝင်လာခဲ့ပြီ။ ဟောဒီ အိမ်လေးမှာ လွန်ခဲ့တဲ့နှစ်ပေါင်း များစွာကတည်းက သူကိုစွန့်ခွာသွားခဲ့သူတစ်ဦး ရှိခဲ့ဖူးကြောင်း ပြောပြလာခဲ့ပါတယ်။

“ အုန်းပင်လေးကတော့
သူ သီးပွင့်တွေ ဝေမြိုင်လာတဲ့အခါ
ဥယျာဉ်မှုး ရှိမနေမှာဘဲ စိုးသတဲ့။ ”

စွန့်ခွာသူဟာ သူရှိစဉ်က ဒီအုန်းပင်လေးကို ခြံခတ်ပြီး အကာအကွယ်ပေးကောင်း ပေးခဲ့လိမ့်မယ်။ ခုတော့ ဒီအပင်လေးဟာ သီးချိန်တန်ခဲ့ပြီ။ အုန်းပင်လေးခမျာ သီးပွင့်ချိန်တန်သည်အထိ ပြုစုကာကွယ် စောင့်ရှောက်မယ့်သူ မရှိဘဲ နှစ်ပေါင်းဘယ်လောက်ကြာအောင် ဖြတ်သန်းခဲ့ရပါသလဲ။ ဘာပဲဖြစ်ဖြစ် အုန်းပင်လေးခမျာတော့ ဒီအရွယ်ရောက်သည်အထိ “ပျိုးလက်” ကိုတမ်းတစွာ လွမ်းနေဆဲ။ သူ့အသီးတွေ ဝေတဲ့အခါ သူ့သခင်ကိုရှိစေချင်တဲ့ စိတ်ကလေးကိုက လွမ်းစရာကောင်းလိုက်တာ…
စွန့်ခွာသွားသူနဲ့ ပတ်သက်သမျှတွေကတော့ အဲဒီလူကို လွမ်းတမ်းတတ စောင့်မျှော်နေကြတယ်။ သူတို့သခင် အိမ်ပြန်ချိန်ကိုပေါ့။ ပြည်တော်ဝင်ချိန်ကိုပေါ့။ ဒါဆို ဒီလူဟာ အားလုံးရဲ့ချစ်ခင်လေးစားခြင်းကိုခံရတဲ့ လူကောင်းလူမွန်တစ်ယောက်၊ ချစ်စရာကောင်းတဲ့လူတစ်ယောက် ဖြစ်မှာပေါ့။ ဘာရယ်မသိသေးပေမယ့် စိတ်ဝင်စားဖို့ ကောင်းလှတဲ့ဇာတ်လမ်း ဖြစ်စဉ်လေးကတော့ ခေါင်းထဲမှာ တစ်လက်လက်နဲ့ လူးလွန့် လာနေပါတော့တယ်။

“ ရင်သွေးငယ်လေးရဲ့ ပညာရေးမှတ်တမ်းမှာ
နောက်ထပ်
လက်မှတ် ဘယ်နှစ်ခါထိုးရဦးမှာလဲ။ ”
စွန့်ခွာသွားသူဟာ ပျိုရွယ်တဲ့အိမ်ထောင်ရှင်၊ အိမ်ထောင်ဦးစီးတစ်ယောက်ဖြစ်ခဲ့တာ နည်းနည်း ရုပ်လုံးပေါ်လာပါပြီ။ “ခြံဝမှာ ဘောစကိုင်းပင်တွေ အရိပ်တောင်ရနေပါပကော” လို့ တစ်ကိုယ်တည်း တမ်းတမ်းတတ ပြောခဲ့သူဟာလည်း ရင်သွေးငယ်တစ်ဦးရဲ့ မိခင်ဖြစ်ကြောင်း ရိုးတိုးရိတ်တိတ် ပေါ်လာပါတယ်။ အများအားဖြင့်တော့ ကလေးပညာရေးမှတ်တမ်းစာအုပ်ရဲ့ မိဘလက်မှတ်နေရာမှာ အိမ်ထောင်ဦစီးဖြစ်တဲ့ အဖေတွေကသာ လက်မှတ်ထိုးပေးလေ့ရှိတယ်၊ အဖေမရှိမှ အဖေ့ကိုယ်စား အမေက လက်မှတ်ထိုးပေးလေ့ ရှိကြတာကိုး။ ဒီကဗျာထဲမှာတော့ ရင်သွေးငယ်ရဲ့ ပညာရေးမှတ်တမ်းမှာ စွန့်ခွာသွားသူ ခင်ပွန်းသည်ကိုယ်စား မိခင်က လက်မှတ်ထိုးပေးနေတာ အကြိမ်ပေါင်းများစွာ ရှိရော့မယ်။ သူ ပင်ပန်းလွန်းလှပါပြီ။ ကလေးအဖေ ကိုယ်တိုင်ကို လက်မှတ်ထိုးစေချင်လှပါပြီ။ “ရင်သွေးငယ်ရဲ့ပညာရေးမှတ်တမ်းမှာ နောက်ထပ် ဘယ်နှစ်ခါ လက်မှတ်ထိုးရဦးမလဲ” တဲ့ မောဟိုက်နွမ်းနယ်နေတဲ့ အိမ်ထောင်ဦးစီးမဲ့ မိခင်တစ်ယောက်ရဲ့ တမ်းတစကား မေးခွန်းဟာ ဇာတ်ကိုပို အရှိန်မြင့်စေခဲ့ပါတော့တယ်။

“ ဓနိတွေပိုးဖောက်လို့
မိုးပေါက်ပေါက်ယိုလေတိုင်း
ဓားကိုသာ နာနာဖိသွေးရ
မုဆိုးမအိမ်မှ မဟုတ်ပဲလေ။ ”

ဓနိတွေပိုးဖောက်လို့ မိုးပေါက်ပေါက်ယိုတဲ့အခါ အားကိုးစရာလင်သားမရှိဘဲ မိန်မတစ်ယောက်ထဲ ရုန်းကန်နေရတဲ့ နှစ်ရှည်လများ ရက်စွဲများကို အားနာနေမိပါတော့တယ်။
ဘာလို့လင်သားမရှိတာလဲ။
ဆုံးပါးသွားလို့မရှိတာမဟုတ်ပါဘူး။ ချန်ရစ်မိသား ခွဲရလို့မရှိတာပါ။ သူ ကျန်နေရစ်ခဲ့ရလို့ မရှိတာဖြစ်ကြောင်း “မုဆိုးမအိမ်မှ မဟုတ်ပဲလေ” ဆိုတဲ့စာကြောင်းနဲ့ဖော်ပြခဲ့ပါတယ်။ ဓားတုံးတုံးတွေကို မုဆိုးမအိမ်ကဓားလို့ ကျနော်တို့တင်စားနေကြ မဟုတ်လား။ ကဗျာထဲက ကျန်ရစ်သူအမျိုးသမီးကတော့ အဲသလိုကို အပြောမခံနိုင်လို့ သူ့ဓားကိုအမြဲထက်နေအောင် နာနာသွေးနေရကြောင်း ပြောလိုက်ပါတယ်။ ကိုယ့်အားကိုယ်ကိုးပြီး အခိုအတွယ်မဲ့ရပ်တည်နေရခြင်း ရုန်းကန်နေရခြင်းတွေနဲ့အတူ လောကဓံကို ကြံ့ကြံ့ခံရင်ဆိုင်နေရတဲ့ ထက်မြက်တဲ့ မိန်းမတစ်ယောက်ရဲ့ မာနကို လှစ်ခနဲမြင်ရအောင် အတိုဆုံးဖွဲ့ပြလိုက်တာပါပဲ။

“ ကမ်းရှာသူရေ
လေကောင်းလေသန့်တွေ ရွှဲအီနေတဲ့
သံလွင်ပင်များနဲ့ ကမ်းခြေ
အမြန်ဆုံး သက်ဆင်းနိုင်ပါစေ။ ”

“ကမ်းရှာသူရေ…” ဆိုတဲ့ ကျန်ရစ်ခဲ့သူရဲ့ တမ်းတရေရွတ်ခြင်းမှာ အနက်အဓိပ္ပါယ်တွေ များလွန်းလှပါတယ်။ “ကမ်း” ဟာ ပန်းတိုင်ဖြစ်တယ်။ အောင်ပွဲဖြစ်တယ်။ ခရီးဆုံးဖြစ်တယ်။ မျှော်လင့်ချက်ဖြစ်တယ်။ တစ်ဘ၀လုံးရင်းခဲ့ပြီးမှ ပြန်လာရတဲ့ ရတနာဖြစ်မယ်။ စောင့်ဆိုင်းခဲ့ရပြီးတဲ့ နေ့ရက်ရှည်များရဲ့ အလင်းဝိညာဉ်ဖြစ်တယ်။ လူတစ်ယောက်ရဲ့ မိသားတစ်စုရဲ့၊ ဒါမှမဟုတ် လူတွေ အများကြီးရဲ့ အရာရာဖြစ်မယ်။
ကျန်ရစ်ခဲ့သူက အဲဒီ“ကမ်း”ကို ဘယ်လိုကမ်းမျိုး ဖြစ်စေချင်ပါသလဲ။
“လေကောင်းလေသန့်တွေ ရွှဲအီနေတဲ့၊ သံလွင်ပင်များနဲ့ ကမ်းခြေ” တဲ့။ ဒီစာတစ်ကြောင်းက ရင်ထဲမှာ အလင်းဓာတ်ရသွားစေခဲ့တယ်။ အသက်ရူလို့ ၀သွားတယ်။ မွန်းကြပ်ပင်ပန်းခဲ့သမျှ ပြေပျောက်သွားတယ်။ ချက်ချင်းလိုလိုပဲ ခရီးကြမ်းကြီးကို အပမ်းတကြီး ဖြတ်သန်းခဲ့ပြီးပြီ။ စိတ်ချလုံခြုံရာကမ်းခြေမှာ ဆိုက်ကပ်နိုင်တဲ့ လှေတစ်စီးဖြစ်သွားတယ်။ တစ်ကိုယ်လုံးမှာ အပျော်တွေ လျှံတက်လာတယ်။
ကိုယ့်ကိုယ်ကို ကမန်းကတန်း ပြန်ကြည့်မိတယ်။
အော်……. လွန်ခဲ့တဲ့ အနှစ်နှစ်ဆယ်ကျော်က အဆန်ရထားနဲ့ ခရီးထွက်ခဲ့တဲ့ ကျနော်(အငယ်)ဟာ အတော်အိုနေပြီပဲ။
သူ (ကျနော်အငယ်) ကမ်းကပ်ခွင့်ကြုံခဲ့ပါသလား။
လေကောင်းလေသန့်နဲ့ ရွှဲအီနေတဲ့ အောင်မြင်ခြင်း သင်္ကေတ သံလွင်ပင်များ ကမ်းလုံးပြည့်တဲ့ ဒေသကို ရောက်ဖူးခဲ့ပါသလား။
ခေါင်းမှာ ဆံပင်တွေမရှိတော့ဘဲ ပြောင်ချော်ချော် အရေပြားတစ်ချပ်ကိုသာ ဦးထုပ်လိုဆောင်းထားတဲ့ မှုန်ဝေေ၀ ကျနော့်မျက်လုံးတွေက ကျနော့်ကို ငေးရီကြည့်နေကြ။
အဲဒီ ခဏလေးမှာ ဒီ “ကျန်ရစ်သူ”ကဗျာကိုရေးဖွဲ့ခဲ့တဲ့ ကဗျာဆရာ “လက်ျာဝင်း”ကို အဲဒီကဗျာအတွက် ကျနော်မုန်းတီးသွားမိပါသလား။ သိပ်ကို ကျေးဇူးတင်မိလိုက်ပါသလား။ ကိုယ့်ဘာသာ အသေအချာမသိတော့။
သိပ်သေချာတာကတော့ “ကျန်ရစ်သူ”ကဗျာဟာ ကျနော့်အတွက်တော့ သိပ်ကိုခံစားရလွန်းတယ်။
“လေးဖြူ” ကိုမုန်းတယ်၊ “သော်ဒီဝေ” ကိုမုန်းတယ်။ “အလင်းရောင်”သီချင်းကိုမုန်းတယ်။
ကျနော်ဘာကြောင့် မုန်းတာလဲ။
ဒီသီချင်းကိုခင်ဗျားတို့ နားထောင်ကြည့်လိုက်ပါဦး။ ပါဝါ အားကြီးလှတဲ့အသံနဲ့ မုန်းစရာကောင်းလွန်းအောင် လှပအားရှိတဲ့ စကားလုံးတွေ။

“မျှော်လင့်ထားရခြင်း
ရင်မှာရှုးသွပ်ဆဲ
အလင်းရောင်
ရင်ခုန်သံတွေ နီးစပ်ပါရစေအချစ်ရေ
ဒီကံကြမ္မာအမှောင်တွေကို ကြောက်ရွံ့နေဆဲ
နေရောင်ခြည် မနက်ခင်းကို ရောက်မယ်
အကြင်နာရင်မှာလေ ကိုယ့်ရဲ့လမင်း (အလင်းရာင်)
ရင်ခုန်သံတွေစာနာပါကွယ် ချစ်သူ
အလင်းရောင်
သန်းခေါင်ယံညနက်ထဲ
ဒဏ်ရာများနဲ့ အိပ်စက်
အလင်းရောင်”
နားထဲမှာ “အလင်းရောင် .. .. .. အလင်းရောင်” ဆိုတဲ့ အသံတွေချည်း ကြားနေရတယ်။ ကျနော့်ရထားကြီး ဘယ်အရပ်ဆီသွားနေပါလိမ့်။ မှောင်ချည်းမဲမဲမှာ သံကိုသံချင်းပွတ်သံတွေပဲ ကြားနေရတယ်။ လွင့်ခါယိမ်းထိုးမှုတွေကိုပဲ ခံစားနေရတယ်။ ဒါပေမယ့် ကျနော်တို့ ခရီးသွားနေတယ်။ ရထားကြီးက သူ့အလုပ် သူလုပ်လို့။ ကျနော်တို့က ရထားကြီးပေါ်မှာလိုက်ပါလို့။ တစ်ချိန်ချိန်မှာ ကျနော် (အကြီးရော အငယ်ပါ) ပျောက်ကွယ်သွားလိမ့်မယ်။ သွားနေတဲ့ရထားကြီးလဲ ဘူတာဆိုက်ရောက် ရပ်တန့်သွားလိမ့်မယ်။ မှောင်နေတဲ့ ညကို အလင်းနေ့က အစားထိုးဝင်ရောက်လာလိမ့်မယ်။
“ကျန်ရစ်သူ” ကဗျာကိုဖတ်ရလို့ ခံစားရတဲ့ ရှတခါးသက် လွမ်းမောခြင်းအနာသာ ဘယ်အချိန်အထိ ကျနော့်ရင်ထဲ ထင်းထင်းကြီးပါနေမှာပါလိမ့်။ ။
ငြိမ်းအေးအိမ်

(အခက်အခဲအရ စာရေးသူထံမှ ခွင့်ပြုချက်တောင်းခံ နိုင်ခဲ့ခြင်းမရှိပါ။ မူရင်းသည် image ဖိုင်ဖြစ်သောကြောင့် ထင်ထင်ရှားရှား ဖတ်ရှုရန်ခက်ခဲသဖြင့် ထပ်ဆင့်ကူးယူဖော်ပြခြင်းသာဖြစ်ကြောင်း ၀န်ခံပါသည်။)
ဂျိုး(ငြိမ်းချမ်းရေး)

ငှက်တွေ ဆောင်းမခိုမီ(ငြိမ်းအေးအိမ်)

ငှက်တွေ ဆောင်းမခိုမီ
(ငြိမ်းအေးအိမ်)

(၁)
ကျနော်ဟာ အခါအားလျော်စွာ ကဗျာတွေကို စုတတ်ပါတယ်။ ချစ်လို့ပါ။ ကျနော့ စက်ထဲမှာ “စုထားတဲ့ကဗျာ“ဆိုတဲ့ နာမည်နဲ့ ဖိုင်လေး ဖွင့်ပြီး၊ ကိုယ်ဖတ်ဖြစ်တဲ့အထဲက နှစ်သက်ရာကဗျာတွေကို သိမ်းထားလေ့ရှိတာ အကျင့်တစ်ခုလို ဖြစ်နေပါပြီ။
အားလပ်တဲ့အခါမျိုး၊ စိတ်ဆာတဲ့အခါမျိုးမှာ အဲဒီဖိုင်လေးပြန်ပြန်ဖွင့်ပြီး ဖတ်လေ့ရှိပါတယ်။ တခါတလေ ဒီဖိုင်လေးကို ပြန်ဖွင့် ဖြစ်ဖို့ လ ပေါင်းများစွာ ကြာချင်လည်း ကြာသွားတတ်ပါရဲ့။ အားလပ်ခြင်းနဲ့ စိတ်ဆာခြင်း နှစ်မျိုးစလုံး တစ်ပြိုင်နက်ဖြစ်ဖို့ အဲသည်လောက် အချိန် တွေကြာဖို့ လိုသလားတော့ မပြောတတ်ပါ။
ကျနော့ဖိုင်လေးထဲမှာ အင်္ဂလိပ်ကဗျာတွေပါတယ်။ မြန်မာကဗျာတွေပါတယ်။ ရွတ်ဆိုလို့ရတဲ့ ကဗျာတွေပါတယ်။ အမြင်ကဗျာတွေလည်း ပါတယ်။ အလွယ်တကူ ဆွဲယူ (download) လို့ရတဲ့ အွန်လိုင်းတင် မဂ္ဂဇင်းက ဟာတွေ ပါတတ်တယ်။ စက်ဖွင့်ထားတုန်း လစဉ်ထုတ် မြန်မာမဂ္ဂဇင်းထဲက ကြိုက်တာလေးများတွေ့ရင်လည်း ကောက်ကက်ရိုက်ထည့်လိုက်တာပါပဲ။ အောက်ခြေမှာ ဘယ်လထုတ်၊ ဘယ် စာအုပ်ထဲက ဘယ်သူရေးတာဖြစ်ကြောင်းလေးပါအောင်၊ ထည့်သိမ်းလေ့ရှိပါတယ်။
တစ်ရက်မှာတော့ ဒီလိုတောင်လိုပုံနေတဲ့ ကဗျာတွေကြားထဲမှာ၊ ပုံနှိပ်မှတ်တမ်းရိုက်ဖို့၊ (ဒါမှမဟုတ်) ဆွဲယူလိုက်ဖို့ မေ့လျော့ သွားပုံရတဲ့ ကဗျာလေးတစ်ပုဒ် တွေ့လိုက်ရပါတယ်။ ကျနော်သိမ်းထားတာ ဘယ်လောက်တောင်ကြာပြီလဲ မသိတတ်တော့။ ရေးသူကိုကြည့်တော့ လဲ ကြားဖူးနေကျထဲကမဟုတ်။ ကဗျာပုံသဏ္ဍာန်က မိုးဝေခေတ်ကာလတုန်းကလိုမျိုး၊ နည်းနည်းဆင် သလို ရှိပေမယ့် ပါဝင်တဲ့ အကြောင်းအရာကတော့ ဒီဘက်ခေတ်ကို တော်တော်ကြီးရောက်နေပါတယ်။ “ဆားရောဂါ” “ရက်ပ်သီချင်း ” “ဂလိုဘယ်လိုက်ဇေးရှင်း” “အကြမ်းဖက်သမား” “အီရတ်စစ်ပွဲ” အကြောင်းအရာတွေက (၂၀၀၅) ခုနှစ်နဲ့ သိပ်တော့မဝေးကွာလှသေးဘူးလို့ ညွှန်ပြနေပါတယ်။
သူ့ကဗျာထဲမှာ “၇၀ နှစ်လွန် ကဗျာဆရာများ” နှစ်သက်စွာ သုံးစွဲတတ်တဲ့ မောင်သာနိုးရဲ့ မလင်းပြာ၊ နဲ့ ဒါးတောင်သံချောင်း ကို တွေ့ လိုက်ရတော့ ...။ရွှေဘကို အရှင်လတ်လတ်မြင်လိုက်ရတော့...။ဒီဆရာဟာ လူငယ်ကဗျာဆရာတစ်ယောက်မှ ဟုတ်ပါရဲ့လားဆိုတဲ့ အတွေးတွေ ၀င်လာပါတယ်။ကြီးတာ၊ငယ်တာ၊ သစ်တာ၊ ဟောင်းတာ ကျနော့အတွက် သိပ်ကိစ္စ မရှိပါ။ ကြိုက်လို့ပဲ ကျနော့်ဖိုင်ထဲ ရောက်နေပြီပဲ။ကဗျာကို ကျနော် ပြန်ဖတ်မိပါတယ်။ တစ်ကြိမ်၊ နှစ်ကြိမ်၊... သုံးလေးကြိမ်။အဲဒီနောက်တော့ ခုရေးနေတဲ့ ကဗျာခံစားမှုဆောင်းပါးလေး ဖြစ်လာတော့တာပါပဲ။ ကဗျာဆရာက ယောဟန်အောင်ဖြစ်ပြီး၊ သူ့ကဗျာ ခေါင်းစဉ်က လက်ျာအစွန်းရောက်ဆောင်း ပါတဲ့။
(၂)
လက်ျာအစွန်းရောက်ဆောင်း

အနွေးထည်ပွပွကြီးတွေ
ထပ်ထပ်ကျပ်စည်းထားတဲ့သူ
ငါလည်း အနှစ်အသားနည်းနည်း
အခေါက်အပွေးထူထူ လူလိုဖြစ်နေရ။
ခေတ်ကိုက မကောင်းတာပါ။
ဒီတခါဆောင်းက အကြောင်းဖန်တယ်။
ဒို့မိဘများ ပြောတတ်တဲ့
ဆုပ်ကပ်ဆိုတာမျိုးပေါ့။
အလွန်အေးတဲ့အရပ်မှာ။ ဘာမှ လုပ်စရာအလုပ်မရှိတဲ့ အခြေအနေမျိုးမှာ။ ငေါင်းစင်းစင်းနေခဲ့ရတဲ့ရက်တွေ ကျနော့ဘ၀မှာ ရှိခဲ့ဖူးပါတယ်။ အဲလို အခါမျိုးမှာ ကိုယ့်ဘာသာကိုယ် ပြန်တွေးနေမိတတ်ရဲ့။ ထုံးစံအတိုင်း ဘ၀အဓိပ္ပါယ်တို့။ ကိုယ့်ရဲ့တည်ရှိ ခြင်းတို့။ ဖြစ်တည် ခြင်းတို့။ အဓိပ္ပါယ်ရှိစွာ ရှင်သန်နေထိုင်ခြင်းနဲ့ သေဆုံးသွားခြင်းတို့ စသဖြင့်ပေါ့။ ဘာအဖြေမှ ရေရေရာရာ ရလိုက်တယ် မရှိခဲ့ပါဘူး။ ကိုယ့်ကိုယ်ကို တော့ ဖြတ်သန်းမှုတွေ အများကြီးရှိခဲ့။ လုပ်ဆောင်ချက်တွေ တစ်ပုံကြီး ပြီးစီးခဲ့။ သိထားတာတွေကလည်း မနည်းမနော ရှိခဲ့လို့ အထင်တကြီးဖြစ်နေပေမယ့်၊ လက်တွေ့မှာ ဘာတစ်ခုမှ ဖြစ်မလာတာကို လည်း ကိုယ့်ဘာသာသေသေချာချာကြီးကို သိနေပြန်ပါ တယ်။ ကိုယ့်မှာ တစ်ခုခုလိုနေတာကိုသာ သိနေတယ်။ ဒါကို ဘယ်လို ဖော်ပြရမယ် မသိခဲ့ဘူး။ ကိုယ့်အခြေအနေနဲ့ အဖြစ်အပျက်နဲ့ လိုက်ဖက်ညီတဲ့ စကားလုံး၊ ၀ါကျ တစ်ခုတလေမှ မတွေးမိခဲ့ဘူး။ မတွေးတတ်ခဲ့ဘူး။ ဟော .... ခုတော့ ကဗျာဆရာက ကျနော့လိုအပ်ချက်ကို ဖြည့်ပေးလိုက်ပါပြီ။ဟောသလို ၀ါကျတစ်ကြောင်း သူရေးပြခဲ့တယ်။
အနွေးထည်ပွပွကြီးတွေ၊ ထပ်ထပ်ကျပ်စည်းထားတဲ့သူ(ငါလည်း) အနှစ်အသားနည်းနည်း၊ အခေါက်အပွေးထူထူ လူလိုဖြစ်နေရ။
ပြီးကြပါလေရော။ ဒါဟာ ကဗျာဆရာက ကျနော့ရင်ထဲ တည့်တည့်ကြီး ရိုက်ထည့်လိုက်တဲ့ စကားလုံးတွေပါပဲ။ ဟုတ်ပ။ ကျနော်ဟာ အနွေးထည် ထူထူကြီးဝတ်ပြီး၊ ဟန်ရေးပြနေတဲ့ အနှစ်အသားနည်းနည်းနဲ့ အခေါက်အပွေးထူထူ အကောင် တစ်ကောင်ဗျ။
နောက်တော့ သူ့ကဗျာထဲမှာတွေ့ရတဲ့ “ဆုပ်ကပ်” ဆိုတဲ့စကားလုံးက ကျနော်တို့ဖိုးဖွားတွေကို သတိရစေခဲ့တယ်။ လွန်ခဲ့တဲ့နှစ်ပေါင်း သုံးလေးဆယ်လောက် ကတည်းက၊ ကျနော့အိမ်က အဖိုးအဖွားတွေဟာ ဆုပ်ကပ်ဆိုတာကို မကြာမကြာ ငြီးတွားတတ်ကြတယ်။ သူတို့ စီးပွားရှာဖွေ မကောင်းဘဲ ဆုတ်ယုတ်လာလို့၊ ဆုပ်ကပ်လို့ သုံးနှုံးကြတာလား၊ ဘာသာရေးအရ ကိုင်းရှိုင်းမှုတွေကို လျော့နည်းလာတယ် ထင်ပြီး၊ ဆုပ်ကပ်လို့ ဆိုကြတာလား၊ ကျနော်လည်း မသိဘူး။ ဒါပေမယ့် ဒီစကားလုံး ကြီးက ကျနော့ကိုယ်ထဲ အကြိမ်ပေါင်းဘယ်လောက် တောင် ၀င်ရောက်နေထိုင်ခဲ့ဘူးလဲ မသိတော့ပါဘူး။ ခုချိန်၊ ခုအရွယ် အထိ အဲဒီစကားလုံးကြီးက ကျနော့ရင်ထဲ တပ်စွဲနေထိုင်တုန်း။
လာပြန်ပြီတစ်ခါ။ ကျနော့လို လူမျိုး အဲဒီကဗျာဆရာပေါ့။ သူ့မိဘတွေကလည်း သူ့ကို ဆုပ်ကပ်အကြောင်းပြောပြသတဲ့။ ဒါဆို ကဗျာဆရာနဲ့ ကျနော်ဟာ ခေတ်ကာလတစ်ခုတည်းမှာ လူဖြစ်နေကြသူတွေ ဖြစ်မယ်ထင်ရဲ့။

(၃)
ဂလိုဘယ်လိုက်ဇေးရှင်းကြီးလဲ လာပါလေရော။
ငါလည်း
ဘောင်းဘီတိုဝတ်ရ
ရက်ပ်သီချင်းကြိုက်ရ
သီချင်းသံကြားရင် ကိုယ်တွန့်ခါရ
ကိုယ့်ကိုကိုယ် လစ်လရယ်လိုက်ဇ်နည်းနည်းလုပ်ရ။
အဆီလျော့စားတာနဲ့ယောဂအကြောင်း ပြောရ။
အမေရိကန်ဆန်အောင်
အလံထောင် ဟိတ်ဟန်လုပ်ရ။
ဒီကဗျာပိုဒ်ထဲမှာ လှုပ်ရှားမှုတွေပါတယ်။ သူ့လှုပ်ရှားမှုတွေကို သွက်သွက်ရှင်ရှင်မြင်ရတော့ သူဖြစ်နေမယ့်ပုံကို စိတ်ကူးကြည့် ရင်း ရယ် မိတယ်။ ကျနော်စဉ်းစားတယ်။ ဒီကဗျာဆရာဟာ မြို့သားဖြစ်ရမယ်။ ပညာတတ်ဖြစ်ရမယ်။ ဟိုးဝေလံခေါင်ဖျားက တောသား တစ်ယောက်ဆိုရင်တော့ ဂလိုဘယ်လိုက်ဇေးရှင်းနဲ့ ရက်ပ်သီချင်းကို သိမယ်မထင်။ အဆီလျော့စားဖို့နဲ့ ယောဂ အကြောင်းပြောဖို့ စဉ်းစားမိမှာ မဟုတ်။
ကျနော့ခြေလက်တွေတောင် နည်းနည်းလှုပ်ချင်လာပါလေရော။ အိပ်ဇင်ဘယ်လ်ရဲ့ရက်ပ်။ အက်ဆစ်ရဲ့ ရက်ပ်။ တူးဘစ်ရဲ့ရက်ပ်။ ထွန်းထွန်းရဲ့ရက်ပ်။ နိုးအဖွဲ့ရဲ့ ရက်ပ်။ ဘာဘူရဲ့ရက်ပ်။ စိုင်းစိုင်းရဲ့ရက်ပ်။ အောင်ကောင်းထက်ရဲ့ရက်ပ်။ ခြေလှုပ်လက်လှုပ်လုပ်ရင်း ကောင်းကင်ကိုမော့ကြည့်တော့ ပြည်တွင်းဖြစ်ရက်ပ်သီချင်းတွေ တအိအိပြိုကျလာတာ တွေ့ရ တယ်။ ဖူဂျီယာမတောင်ထိပ်မှာ နှင်းတွေ ဖုံးသလို ကျနော်တို့ဆီက မြို့လမ်းမတွေမှာလည်း၊ ရက်ပ်သီချင်းတွေ ဖုံးတော့မယ်။
ဘဲဥနဲ့ ငါးဖယ်ကျော်တစ်ခုပါတဲ့ မုန့်ဟင်းခါးတစ်ပွဲမှာ ကယ်လိုရီ (၃၈၀)။ ထမင်း (၆) ကျပ်သားမှာ ကယ်လိုရီ (၁၅၅)။ ၀က်သားနှပ် (၁၀၀) ဂရမ် ကယ်လိုရီ (၃၃၈)။ မြေပဲဆီ (၁၀၀) ဂရမ် ကယ်လိုရီ (၈၈၄)။ အဆီဓါတ် (၉၉.၉) ။ တစ်ရက်ကို ကယ်လိုရီ (၂၀၀၀) ထက် ပိုမ၀င်စေနဲ့။ ပိုမယ့် ကယ်လိုရီတွေ ကိုယ်လက်လှုပ်ရှားမှုနဲ့ ရှို့ပစ်။ နို့မို့ရင် အသည်းအဆီဖုန်းမယ်။ ခါးတုတ်မယ်။ ဗိုက်ထွက်မယ်။ ယောဂ ကျင့်စဉ် ဗီစီဒီအချပ်တွေ ၀ယ်ကျင့်။ မနက်မနက်ကို ဗန္ဒုလပန်းခြံမှာ ဖြစ်ဖြစ်၊ ပြည်သူ့ရင်ပြင်ရှေ့မှာ ဖြစ်ဖြစ် “တိုက်ချီချွမ်“ သွားကစား။ ကျန်းမာရေးက အရေးကြီးတယ်။ လူချင်းတွေ့ရင် လက်ကလေး မြှောက်ပြ။ “ဟိုင်း“ လို့ ဆိုကြမယ်။ ကဗျာကို ဖတ်ရင်း ကျနော့ရင်ထဲ ပေါက်ချလာတဲ့ အတွေးတွေကို နှုတ်က ရွရွ ဆိုနေမိ တယ်။ ဒါဟာ မြို့ပြမှာလူဖြစ်သူတစ်ယောက်ရဲ့ ဘ၀နေထိုင်မှုပုံစံပဲလား။
တောင်ယာခုတ်နေတဲ့ တောင်သူတစ်ယောက်က ဓါးကိုပစ်ချ။ ခါးကို မတ်လိုက်ပြီး ကျနော့ကိုကြည့်တယ်။ ကျနော်ပြောတာတွေ နား ထောင်တယ်။ ပြီးတော့ စကားတစ်ခွန်းပြောတယ်။“မင်းတို့ မြို့မှာလူဖြစ်ရတာ ရှုပ်နေတာပဲ”

(၄)
အရှေ့အလယ်ပိုင်းမှာ
လူတွေသေနေတာကို
တယ်မိုက်ကြသကွယ်လို့ ဟန်လုပ်နေရ။
စစ်ကတော့ ဖြစ်မှာပဲ
ကိုယ့်ဘာသာလွတ်အောင်နေ
ကိုယ့်အရေးကလွဲပြီး များများ
ဘာမှ မစဉ်းစားနဲ့။
ကိုယ့်ဘာသာ အားပေးပြန်ရ။(အေးလွန်းတဲ့ဆောင်းကငါ့နှလုံးသားကိုခဲခံစားမှုနည်းအောင် ပြောင်းခဲ့ပုံရတယ်။)
မျိုးရိုးဗီဇ ပြောင်းထားတဲ့ ပန်းသီးမွကိုကိုက်
ဆိုဒါရှိန်းမြရေကို ကျိုက်ချရင်း
စီအဲန်အဲန် ဟိုက်ဘရစ်သတင်းကိုကြည့်
အဆာမပြေဘူး။
ရေငတ်တယ်...
ရေငတ်တယ်...
ခင်ဗျားတို့မှာ စလောင်းရှိလား။ ဒါမှမဟုတ် ဂျာနယ်တွေပုံမှန် ဖတ်လေ့ရှိလား။ သတင်းစာလောက်ကို နေ့တိုင်းဖတ်လည်း ဖြစ်ပါတယ်။ မျက်လုံးနဲ့နားက၊ မီးခိုးတအူအူနဲ့ အရှေ့အလယ်ပိုင်း မြင်ကွင်းရယ်။ တဒိုင်းဒိုင်းသေနတ်သံ။ တ၀ုန်းဝုန်းဗုံးသံ တွေရယ်ကို လွတ်အောင် ရှောင်နိုင်ကြတာမှ မဟုတ်တာ။ရယ်ရတယ် ကဗျာဆရာ...ကျနော်ရယ်တာ ခင်ဗျားကို မဟုတ်ဘူး။ကျနော့ကိုယ်ကျနော် ပြန်ရယ်တာ။ လှောင်တာ။ မဟုတ်သေးပါဘူး။ ခင်ဗျားကိုရော၊ ကျနော့ကိုပါ ပြန် “ဟား”တာ။ တူလွန်းလို့ပါဗျာ။တွေးပုံ၊ နေပုံ၊ ရှောင်ပုံ၊ တိမ်းပုံ၊ လွှဲချပုံ၊ နေသာသလို နေတတ်ပုံ၊ အပြစ်ကင်းချင်ယောင်ဆောင်ပုံ။ ကိုယ်နဲ့ လားလားမှ မဆိုင်သလို ဟန်လုပ်တတ်ပုံတွေက တူလိုက်သမှ။ တူတူတူတူတူနဲ့တောင် နေသေး။ ဟုတ်ဖူးလား၊ ကျနော်ပြောတာ ခင်ဗျား သဘောမတူဖူး လား။ မတူရင်လဲ... ကဲ... ခင်ဗျား ပြောပေါက်ဆိုပေါက်ကို ကြည့်လိုက်ဦး။
အရှေ့အလယ်ပိုင်းမှာ လူတွေသေနေတာကို၊ တယ်မိုက်ကြသကွယ်လို့ ဟန်လုပ်နေရ။စစ်ကတော့ ဖြစ်မှာပဲ၊ ကိုယ့်ဘာသာလွတ်အောင်နေ၊ ကိုယ့်အရေးကလွဲပြီး များများဘာမှ မစဉ်းစားနဲ့။ ကိုယ့်ဘာသာ အားပေးပြန်ရ။
ခင်ဗျား ပြောပုံလေးက ဘယ်လောက်သင်းလိုက်သလဲ။ ဘယ်လောက်များ နာနာရိုက်ပစ်ဖို့ ကောင်းလိုက်သလဲ။ အဲဒီ “ချင်ခြင်း” စိတ်က ခင်ဗျားနဲ့အတူတူ၊ ကျနော့ကိုလည်း ပယ်ပယ်နယ်နယ်ရိုက်ပစ်နေလေရဲ့။ ဘာကြောင့်လဲဆို ဒီစကားကို ခင်ဗျားလိုပဲ၊ ကျနော်ကိုယ်တိုင် လည်း မကြာခဏပြောဖြစ်နေကြမို့ပေါ့ဗျာ။
တစ်ရွာတည်းနေသူချင်း၊ ကိုယ့်ရွာထဲမှာ အရက်မူးရန်ဖြစ်ပြီး၊ အိမ်မီးရှို့နေတာ တွေ့လျက်နဲ့ “တယ်မိုက်ကြသကွယ်”လို့ အာလုပ်သံကြီးနဲ့ ပြော။ ပြီးရင် ကိုယ့်အမှုကိုယ်ဆက်ပြုလို့ မသိကျိုးကျွံနေ။ ခင်ဗျားလို၊ ကျနော်လို လူတွေ ဘယ်နှစ်ယောက် တောင် ရှိမလဲ ကဗျာဆရာ။ ကမ္ဘာကြီးကတော့ လှမ်းပြောရဲ့။“မင်းတို့အတွက် ငါ ၀မ်းရည်စပ်တယ်တဲ့” ဗျား။
အေးလွန်းတဲ့ဆောင်းကငါ့နှလုံးသားကိုခဲခံစားမှုနည်းအောင် ပြောင်းခဲ့ပုံရတယ်။ လို့ ကိုယ့်ကိုကိုယ် ကာကွယ်ဖို့၊ ခင်ဗျားတို့၊ ကျနော်တို့ ကတုပ်တူးခဲ့ကြတယ်။ ပြီးတော့ အဲဒီ ကတုပ်ထဲမှာ အကျအနထိုင်ပြီး၊ နည်းပညာရဲ့ ကောင်းမွန်ချိုမြိန်တဲ့ရလဒ်၊ မြို့ပြမှာသာ ရနိုင်တဲ့ “အကောင်း ဓါတ်” တွေကို အတော မသတ်မြိုချကြတယ်။ အငမ်းမရ စားသောက်ကြတယ်။ကဗျာဆရာ...ခင်ဗျားရော၊ ကျနော်ပါ ရေငတ်ပြေခဲ့ကြပါသလား။အဲဒီမေးခွန်းရဲ့အဖြေကို မဖြေချင်ကာမှနေရော၊ ခင်ဗျားလည်းသိ၊ ကျနောလည်းသိ၊ နှစ်ယောက်လုံး ကောင်းကောင်းကြီးကို သိနေခဲ့ကြတယ် မဟုတ်လားဗျာ။
ကမ္ဘာကြီးကတော့ ၀မ်းရည်စပ်နေလေရဲ့။

(၅)
သစ်ခေါက်တွေ ၀ါးနေရသလိုပဲ။
စမ်းချောင်းလေးကို ငတ်တယ်
တောအရက်ကိုငတ်တယ်
ဂန္ဓီရုပ်ရှင်ကားကို ငတ်တယ်
ငြိမ်းချမ်းရေးကို ငတ်တယ်။
ရွှေဘကိုငတ်တယ်။
မောင်သာနိုးရဲ့ မလင်းပြာကိုငတ်တယ်။
စွန့်လွှတ်ပေးဆပ်
သူရဲကောင်း ဇာတ်လမ်းထဲက
ဒါးတောင်သံချောင်းကို ငတ်တယ်။
များတယ် ကဗျာဆရာ၊ သိပ်များတယ်။ခင်ဗျားငတ်နေတာတွေ များလွန်းတယ်။ခုနကတော့ ရေငတ်သတဲ့။ ရေငတ်သတဲ့။ဟော... ခုတခါ ခင်ဗျားငတ်နေတာတွေ အတောမသတ်ပါပဲလား။ ဒါပေမယ့် အပြစ်မတင်ရက်ပါဘူးဗျာ။ ဘာကြောင့်လဲဆို ကျနော်တို့ လည်း၊ ခင်ဗျားလို ငတ်ခြင်းများစွာကို အကြိမ်ကြိမ် အထပ်ထပ် ငတ်နေခဲ့ကြလို့ပါပဲ။
သစ်ခေါက်တွေ ၀ါးနေရသလိုပဲ။
ခင်ဗျားညည်းညူသံကို ကျနော်တို့ကောင်းကောင်း ကြားနေကြရပါတယ်။ သစ်ခေါက်ဆိုတာ စားစရာမဟုတ်ဘူး၊ အရည်မရ အဖတ်မရ ကွမ်းယာလည်း မဟုတ်ဘူး၊ အရည်မြို အဖတ်ထွေးရတဲ့ ပီကေလိုလည်း မဟုတ်ပြန်ဘူး။ အခြေအနေတစ်ခုခုအောက်မှာ သစ်ခေါက်တွေ ၀ါးဝါးနေရတဲ့ ခင်ဗျားပါးစပ်ကြီးကိုတော့ဖြင့် သနားလှပါသဗျာ။ ခက်တာက အဲဒါကြီးဟာ ကျနော်တို့ပါးစပ်ကြီးလည်းဖြစ်နေပြန်ရဲ့။ခင်ဗျားငတ်နေတာတွေကို သိပါရဲ့ကဗျာဆရာ။ စာနာမိပေါ့။
ဟောသမှာ သစ်ဝါးရိပ်ကိုဖြတ်လျှောက်လို့ ရေကြည်စမ်းလေး စီးနေတယ်။ ခင်ဗျားဟာ စမ်းကလေးနဘေး အရိပ်အေးအေး မှာ မောင်ချောနွယ်ရဲ့ တောအရက်ပုလင်းလေးတစ်ပုလင်းကို နည်းနည်းချင်းစီငှဲ့၊ တစ်ယောက်တစ်လက်။ လူစေ့ခွက်လှည့် သောက်ချင် နေလိမ့်မယ်။ခင်ဗျားငတ်နေတာ အေးချမ်းခြင်း မဟုတ်လား......။
ဂန္ဓီကို ခင်ဗျားငတ်တယ်ဆိုရာမှာလည်း၊ သူဝတ်ထားတဲ့အ၀တ်လိုဖြူစင်တဲ့ သူ့နှလုံးသားကိုသာ ခင်ဗျားငတ်မှာပါ။ ဒါပေမယ့် ကျနော်တို့ သောက်ခွင့်ရမှာက အဲဒီနှလုံးသားကိုဖောက်ထုတ်လိုက်တဲ့ ကျည်ဆံပေါက်ရာက ကျလာတဲ့သွေးနီနီတွေ ဆိုရင် ကော...။ ဘယ်နှယ်လုပ်ပါ့ မလဲ။ အကောင်းကိုရှာသည်၊ အကောင်းကားမတွေ့လို့တော့ ဂန္ဓီကြီးကတော့ ညည်းညူမသွားခဲ့ ပါဘူး။ တစ်ဘ၀လုံးကိုစတေးလို့ သူ့တိုင်းပြည်အတွက် အကောင်းဆုံးလုပ်သွားသူကို ခင်ဗျားငတ်တာ အဆန်းမှ မဟုတ်တာ။
ခင်ဗျားငတ်နေတာ အနစ်နာခံခြင်း မဟုတ်လား။
ငြိမ်းချမ်းရေးကိုတော့ ကမ္ဘာသူကမ္ဘာသား အားလုံးနီးပါးငတ်မွတ်ကြတယ်လို့တော့ ထင်ပါရဲ့ဗျာ။ ဒါပေမယ့်လည်း နေရာအနှံ့ မှာ ယမ်းနံ့နံ နေတာ၊ ပေါက်ကွဲသံတွေ ကြားနေရတာ၊ ညည်းညူအော်ဟစ်သံတွေ ပေပွနေတာ၊ ဘာကြောင့်လဲလို့ မမေးပါနဲ့။ ငြိမ်းချမ်းရေးကို ငတ်ပါရဲ့။
ရွှေဘတဲ့။ခင်ဗျားတ ခဲ့တဲ့နာမည်။ကျနော်လည်း အဲဒီရွှေဘကြီးကို အနည်းအကျဉ်းတော့ မီလိုက်ပါသဗျ။ ကျနော်သိမီသမျှတော့ ရွှေဘဆိုတာ ကျောမွဲများ၊ လယ်သမား များရဲ့ သူရဲကောင်း။ ဖိနှိပ်မှုကို တော်လှန်သူ။ နယ်ချဲ့လက်ပါးစေ ဆန့်ကျင်သူ။ ပြည်သူ့ အချစ်တော်ကြီးပါလား။ နယ်ရုံတွေမှာ ရွှေဘနဲ့ လူဆိုး ထိုးသတ်ကြလို့၊ ရွှေဘခံနေရပြီဆိုရင်၊ “မကြာခင်၊ ကိုရွှေဘ ပြန်နိုင်ပါတော့မယ် ခင်ဗျား” လို့ အော်လံနဲ့ အော်သံပေးထားရသတဲ့။ ဘာကြောင့်ရှုံးရှုံး၊ ရွှေဘရှုံးတာကို မခံနိုင်ကြဘူးတဲ့။ လူထုက၊ ပရိသတ်က၊ ပြည်သူက၊ ရွှေဘကို အဲသလောက်ချစ်ကြဆိုပဲ။ ကြားဘူးတာ။ အော်... ခင်ဗျားမလဲ၊ ရွှေဘကို ငတ်သူတွေထဲက တစ်ယောက်ပါပဲလား၊ ကဗျာဆရာ။ ခင်ဗျားငတ်နေတာ နိမ့်ပါးသူ အများစုရှေ့က ထွက်ရပ်တဲ့ သူရဲကောင်းဇာတ် မဟုတ်လား။
ခုချိန်မှာတော့ရွှေဘကို ငတ်ခဲ့တဲ့မလင်းပြာကိုငတ်ခဲ့တဲ့ဓါးတောင်သံချောင်းကို ငတ်ခဲ့တဲ့ ခင်ဗျားကိုကျနော် ပြန်ငတ်နေပါတယ်။ တကယ်။

(၆)
ဒီတစ်ခါဆောင်းက
ပိုတစ်ကိုယ်ကောင်းဆန်တယ်။
ပိုဟိတ်ဟန်ကြီးတယ်။
ပို ဖြီးလုံးဖြန်းလုံးထုတ်တယ်။
မှန်ပြူတင်းမှာ
နှင်းခိုးပိန်းရိုက်လာ
ဟုတ်ပါရဲ့လား။
အဆိပ်ခိုးတွေ
ဓါတုမိုးရည်
ဆားစ်ပိုးတွေလို့ ထင်နေသေးတယ်။
(မျက်ရည်တွေနဲ့ သွေးတွေလည်း ဖြစ်နေနိုင်ခဲ့။)
ခေါင်းစွပ်မဲမဲလက်အိပ်မဲမဲနဲ့ လမ်းထဲသွားရင်အကြမ်းဖက်သမား ထင်လေလားလို့ငါ့ကိုယ်ငါ စိုးလာရပြန်နှင်းခါးကြားထဲ မျက်နှာကို ပြန်ဖွင့်ပြရတယ်။
ဟလိုက်ရင် “၀ှားကနဲ“ ထွက်သွားတဲ့အငွေ့တွေပြန်ပြန်လိုက်သိမ်းအမေရိကန်ဆန့်ကျင်ရေး လေစိမ်းတွေထင်သွားမှာ စိုးလို့မြိုချရာဘာချိုဝါးရည်နဲ့ လှိမ့်ချရတယ်။ကိုယ့်လျှာကို ပြန်ကိုက်သိမ်းမျက်မှန်စိမ်းတပ်၊နားတွေလည်း ပြားကပ်နေတော့တယ်.... ။
ငယ်ငယ်က၊ ကျောင်းသားဘ၀တုန်းက “သံသယ“ဆိုတဲ့ ကဗျာတစ်ပုဒ် သင်ရတာ မှတ်မိလာတယ်။ အဏုမြုလက်နက်ဆန်းတွေ စမ်းသပ် လာတဲ့ ကာလကြီးမှာ၊ လေရှုမိရင် လေထဲမှာ အဆိပ်ငွေ့ပါလာလေမလား။ ရေသောက်မိရင် ရေထဲမှာ အဆိပ်ငွေ့ပါလာလေ မလားနဲ့ နေစရာ စားစရာ မရှိလောက်အောင်စိုးရွံ့နေတဲ့၊ မော်ဒန်လူသားတစ်ဦးရဲ့ စိတ်ကို ဖွဲ့ပြတဲ့ကဗျာပါ။
ခုဖတ်လိုက်ရတဲ့ ကဗျာကတော့ (၂၁) ရာစုလူသားရဲ့ အရှိုက်ကို မိမိရရထိုးလိုက်တဲ့ ပင့်လက်သီးပါပဲ။ ဒီနေရာထဲမှာ သံသယ ကဗျာထဲက လူသားရဲ့ ခံစားမှုထက် ပိုရှုပ်ထွေးလာပါတယ်။ အဆိပ်မိုး၊ ဓါတုမိုး၊ ဆားစ်ပိုး၊ အကြမ်းဖက်မှုတွေနဲ့ ကြောက်နေရ တဲ့အရာတွေ ပိုများလာတယ်။ (ဘာကြောင့် အိပ်ဒ်စ် AIDS ကို ထည့်မဖွဲ့ခဲ့သလဲလို့ တွေးနေမိပါတယ်။)
မျက်မှောက်ခေတ်ကာလကြီးမှာ၊ လူကောင်းနဲ့ လူဆိုး ဒွေးရောယှက်တင် ရှိနေလိုက်ပုံများ။ အကြမ်းဖက်သမားထင်ခံရမှာ စိုးလို့တဲ့။ သူ့ ခမျာ လက်အိပ်မဲနဲ့ ခေါင်းစွပ်မဲတွေတောင် မ၀တ်ရဲတဲ့ဘ၀။ အမြင်တွေကို အရောင်နဲ့ဘောင်ခတ်။ နားတွေကို ပြားကပ်အောင်ကြပ်ညှပ် ထားရတဲ့ အခြေအနေ။ ဆရာရေ့။ ဒီလေထုထဲမှာ ခင်ဗျား ဘယ်လောက်များ အသက်ရှုကြပ်နေလိမ့်မယ်။ စာနာတယ်.... ။
ကဗျာဆရာရယ်။(၂၁) ရာစု အရောက်မှာ ရာသီဥတုကလည်း ပိုပူလာတယ်။ တစ်ယောက်နဲ့တစ်ယောက်ကြား အမုန်းပွားမှုကလည်း ပိုသည်း သန်လာတယ်။ထွက်သက်လေတောင် ကုန်စင်အောင် မထုတ်ရဲ။ကောင်းကင်ကြီးပဲ ပိုနိမ့်လာသလို။ဆူနာမီဘေးရစ်ချတ်တာစကေး ကိုးဒဿမလေး ငလျင်အာရှမှာ အဆိုးရွားဆုံးရေဘေးဖြစ်တာ၊ ဟိမ၀န္တာတောင်ထိပ်မယ်တစ်ဒီဂရီဆဲဆီးယပ်စစ် အပူချိန်လျော့သွားလို့တဲ့။ဆောင်းတွေ တစ်ကိုယ်ကောင်းဆန်နေတာ တစ်ရာသီစာ မကတော့ဘူး ထင်ပါရဲ့ဗျာ။

(၇)
ကွင်းပြင်တွေက တစပြင်လို ဖြူဖွေး
သစ်ကိုင်းတွေက အရိုးပြိုင်းပြိုင်းထောင်
ခဲနေတဲ့လေတွေက စောစောအမှောင်ချပစ်တယ်။
ကမ္ဘာတစ်ဘက်ခြမ်းမှာ
ငတ်နေတာ မဖြစ်နိုင်ပါဘူး။
တောင်းဆိုလွှာတော်တော်များများမှာ
ငါ လက်မှတ်ထိုးခဲ့သားပဲ။
ဝေလငါးတွေ မသတ်ဖို့
မြေမြှုပ်မိုင်းတွေရပ်ဖို့။
သစ်ပင်တွေ အခုတ်ရပ်ဖို့
စီးကရက်ဖြတ်ဖို့
ငါ လက်မှတ်ထိုးခဲ့ပါတယ်။
အရာရာလိုလေသေး မရှိစေရဘဲ၊ သက်တောင့်သက်သာရှိအောင် ဖန်တီးထားတဲ့ အခန်းတစ်ခုထဲက ၊ ကိုယ့်လုပ်ငန်းရဲ့ အခြေအနေမှန် ကို မသိတဲ့ မန်နေဂျင်းဒါရိုက်တာတစ်ယောက်ရဲ့ မျက်နှာကို ပြေးမြင်မိ။ ကြည့်လေ.... ။
ကမ္ဘာတစ်ဘက်ခြမ်းမှာ၊ ငတ်နေတာ မဖြစ်နိုင်ပါဘူး။တောင်းဆိုလွှာတော်တော်များများမှာ၊ ငါ လက်မှတ်ထိုးခဲ့သားပဲ။
လက်ထဲရောက်လာတဲ့ အစီရင်ခံစာကို အထပ်ထပ်ဖတ်ရင်း၊ အမှန်တကယ်ဖြစ်နေတဲ့ အဖြစ်ပျက်တစ်ခုလုံးကို နားမလည်စွာ ဖြစ်နေတဲ့ ဒင်းကို သနားရမလား။ ဟား ရမလား။ နားရင်း ရိုက်ရမလား။ သင်း ပစ်လိုက်ရမလား။ မိတ်ဆွေ ကိုယ်တိုင်စဉ်းစား ပါ။ လူနဲ့ လူ့ပတ်ဝန်း ကျင်ပိုမိုကောင်းမွန်ရေး စာချုပ်တွေကိုသာ တွင်တွင် လက်မှတ်ရေးထိုးနေတဲ့သူ့ခမျာ၊ တကယ့်ဇာတ် ညွှန်းရဲ့ အောက်ပါအခန်းခွဲတွေကို မြင်ဖူးပုံ မပေါ်ပါ။
ကျူးကျော်စစ်။ ညူကလီယာ လက်နက်ပြိုင်ဆိုင်မှု။ ဘာသာရေး အစွန်းရောက်သူများ။ လူမျိုးရေးဖိနှိပ်ခြင်း။ ဈေးကွက် အသာစီးရရေး မဟာဗျူဟာ။ ရေနံ သယံဇာတများ စိုးမိုးရေး။ အယူဝါဒ တင်ပို့၊ တင်သွင်းခြင်း။ အစုလိုက် အပြုံလိုက် သတ်ဖြတ်ပွဲ။ ကိုယ့်သြဇာချဲ့ထွင်မှု။ အခွင့်အာဏာ ခိုင်မတ်အောင် စိုက်ထူမှု။ ...... ။ .......။ .......။
ဆက်ပြုစုရရင် ခေါင်းစဉ်ကိုက ဒုတစ်ထွာလောက် ထူသွားနိုင်တယ်။
ကဗျာဆရာရေ့။ လူသားချင်း ရိုင်းပင်းမှု။ ချစ်ခင်စိတ်တွေနဲ့ အမြဲနွေးထွေးနေရမယ့် ဟောဒီကမ္ဘာမြေမှာ နှလုံးသားတွေဟာ ဒီလိုအေးခဲ နေမယ်ဆိုရင်၊ ခင်ဗျားရဲ့ကဗျာစာကြောင်းတွေဟာ မှန်ပြောင်းနဲ့ လှမ်းကြည့်တဲ့အခါ၊ အနာဂတ်မှာ မြင်ရမယ့် စစ် တလင်းကို တွေ့လိုက်ရ သလိုပါပဲ။
ကွင်းပြင်တွေက တစပြင်လို ဖြူဖွေးသစ်ကိုင်းတွေက အရိုးပြိုင်းပြိုင်းထောင်ခဲနေတဲ့လေတွေက စောစောအမှောင်ချပစ်တယ်။
တကယ်တော့ မသွားအပ်တဲ့အရပ်တွေသာ စရင်းတို့ရရင်၊ အီရတ်တင် မကတော့ပါဘူးဆိုတဲ့ စကားတစ်ခွန်းကို ကဗျာဆရာ ကြားအောင် ဘယ်သူနဲ့ လူကြုံပါး လှမ်းပြောရပါ့။
ငှက်တွေ ဆောင်းမခိုမီတစ်ကိုယ်ကောင်းဆန်လှတဲ့ဆောင်းကိုဘယ်သူကများသဘောထားပြောင်းအောင် သွန်သင်ညွှန်ပြနိုင်မလဲ...သိချင်လိုက်တာ.... ။
ငြိမ်းအေးအိမ်
www.cherrythitsar.org

ကဗျာတိုများ

ပန်းတိုင်

မရောက်သေးရင် ရောက်အောင်သွား
ရောက်ရင် တစ်ထောက်နား
ပြီးရင်ရှေ့ဆက်သွား
အဲဒီမှာဘာမှမရှိဘူး။
မောင်သိန်းဇော်( နှင်းရည်စက်လက်+ရှုမျှော်ခင်း ၂၁ မှ)
..............................................................

ရှုမျှော်ခင်း

အဆုံးမရှိအောင်ကျယ်ဝန်းတဲ့ အမှားထဲ
တိမ်တွေ လှလိုက်တာ
ကိုယ့်မှာ တရားနဲ့ဖြေရတယ်။
မောင်သိန်းဇော်

ကိုသန်းထွန်း ၏ ကဗျာများ ( စတစ်ကာလူ၊ ဇောင်း၊ ထွက်တော်မူကြီး )

စတစ်ကာလူ

ဇရပ်ခါးပန်းလို
ပတ်ကြမ်းတိုက်အရေပြားနဲ့
“ငါလို ယောကျာင်္း
ပြဿဒါးမရှိ” ဆိုရဲသူ။
“ဘက်တူရင် လူမရွေး” တဲ့လား
နဂါး ဂဠုန်နဲ့
ကျားအခုန် ဓားအစုံနဲ့
သွားဟုန်ဟုန် ဥုံတွေအကွက်တွေရဲ့ အပြင
်(အမယ်) “ဘ၀ကို ပုံသေ မတွက်နဲ့” တဲ့
ကောက်ချက်နဲ့လူ။
(ဟုတ်ပ) သူ….
ဘူတာကြီးရဲ့  မွေးစားသား။
ကဲ…ဆေးမင်ကြောင်တစ်ကိုယ်လုံး
(နောက်ဆုံး)
ပုခုံးအသာပင့်ကြည့်ကာမှ
အား……..
ကြယ်ပွင့်နီန
ီ“ဘယ်ရီကတ်” စောင်းစောင်း
ခေါင်းမွေးအလိပ်လိပ်
မုတ်ဆိတ်ကျင်စွယ်ဖားဖားနဲ့
လား… လား
ဒါရဲဘော် “ချေဂွေဗားရား”။ ။
ကိုသန်းထွန်း
..............................................................

ဇောင်း
မာနသံ တဖြောင်းဖြောင်း
ထောင်လမောင်းထမွှေနှောက်
ထုတ်ချင်းပေါက် လျင်မြန်မှုမျိုးနဲ့
လောကရဲ့  တစ်နံတစ်လျားကိုပဲ
ပိုင်းခြားပစ်ခွင်းတော့မလို
စူးရဲပြိုးပြက်
ကတ္တီပါကျောက်ကုန်းရဲ့  အခင်းအကျင်းကလည်း
ဖျဉ်းကနဲမာန်သွင်း
ပါးပြင်းထမြွေဟောက်တစ်ကောင်လို
တောက်လောင်ကျွမ်းမြိုက်လို့၊
နှာမှုတ်
ခွာရှပ်
(တစ်ခါ တစ်ခါ) ပတပ်ရပ်လိုက်တာများ
မြေသားကိကန်ထွက်
တိမ် ညွှန့်မြက်ခင်း
စိတ်ရှိတိုင်း ချနင်းတော့မလို
သူရဲကောင်းတစ်ဦးတလေကများ
သူ့ကျောလျားရှည်ကြီးပေါ်
အကျအနတက်ခ
ွမပေးမချင်း
ဒီ… သူကောင်းမြင်းမျိုးရဲ့  ဂုဏ်မာန
ဖုတ်ထနေဦးတော့မယ် ထင်ရဲ့ ။ ။
ကိုသန်းထွန်း
..............................................................


ထွက်တော်မူကြီး

သူဟာ
ပျောက်ဆုံးနေဆဲ အမြီးတစ်ချောင်းအတွက်
ကျည်းပေါင်းတက်ခြေဖ၀ါး
ရင်းစားလိုက်ရတဲ့ လူတစ်ကောင်ပေါ့။
သူဟာ
ထူထူထောင် ခေါင်းတစ်လုံးအားကိုးနဲ့
ပုဆိုးတွေ ထမီတွေချုပ်လိုချုပ်
အိုးတွေ အိမ်တွေ လုပ်လိုလုပ်
နောက်ဆုံး ကြိုးတွေကြိမ်တွေတုပ်လာမှ
သူ့ကိုသူ ရွေးနှုတ်ဖို့ကြိုးစား
သူ့အားနဲ့သူ မလုံလောက်လေတော့
သူ့တရားနဲ့သူ စုံထောက်ရင်း
သူ့ဖ၀ါးနဲ့သူ ခုန်ပေါက်ရင်း
မျောက်တစ်ကောင် ဖြစ်လာပါရောတဲ့။
ဒါပေမယ့်
သူဟာ
အမှတ်သညာဆိုလို့ နည်းနည်းမှမရှိ
သူ့ကိုသူ အဖတ်ဆယ်စရာ
တစ်ပတ်လည်လာမယ့် ရာဇ၀င်ကို
စောင့်ဖို့ပဲရှိသတဲ့လေ
သူကျစ်တဲ့ကြိုးနဲ့သူကိုသူ ထမ်းပိုးလျှိုထမ်း
ဟော...ဒီ
တောလမ်းကလေးအတိုင်းသွားလေရဲ့။
ကိုသန်းထွန်း(ဧကစာ မီးခိုးကဗျာစာအုပ်မှ)

ဆရာကြည်မောင်သန်း၏ ကဗျာများ (ဒီပရင်္ဂ၊ အကြောင်းကြောင်းကြောင့်)

ဒီပရင်္ဂင်္

ပုံပြင်ထဲက မြို့လည်းမဟုတ်
ဒဏ္ဍာရီထဲက မြို့လည်းမဟုတ်
ရာဇ၀င်ထဲက မြို့တစ်မြို့
ပုဂံခေတ်ထဲက ရှိတဲ့ မြို့တစ်မြို့
လွန်ခဲ့တဲ့နှစ်ပေါင်း ၇၀၀ကျော်တည်းကရှိတဲ့မြို့တစ်မြို့
သမိုင်းဝင် မြို့တစ်မြို့။
ဒီမြို့ကို ကတူးလူမျိုးတွေ တည်ထောင်ခဲ့တယ်
အလောင်းစည်သူမင်း
တိုင်းခန်းလှည့်လည်ရင်း
မြောက်ဘက်အရပ်အရောက်
အရှေ့ဘက်ကနတ်တွေ ဆိတ်ယောင်ဆောင်
ရေသောက်မယ့်ဟန် မြည်သံပေးတာကို
အစွဲပြုလို့ဒီမြို့ ဒီနာမည်တွင်ခဲ့ရ။
အရှေ့မှာ ဧရာဝတီ
အနောက်မှာ ချင်းတွင်း
မနီးဝေးမှာ မူးမြစ်နဲ့
စိုက်ပျိုးရေးလုပ်ငန်းတွေ ဖြစ်ထွန်းခဲ့တယ်။
သာသနိက အဆောက်အအုံတွေပေါများ
ရဟန်းပညာရှိ လူပညာရှိတွေ ထွန်းကား
တခြားမြို့တွေနဲ့စီးပွားကူသန်းသွားလာဖို့လွယ်ကူ
ဘိုးတော်ဘုရားလက်ထက် စစ်တမ်းတွေအရ
အစည်ကားဆုံးမြို့ ၁၂မြို့ထဲက မြို့တစ်မြို့။
အလောင်းဘုရားလက်ထက်မှာ
အိမ်ရှေ့စံ နောင်တော်ကြီး ဒီမြို့ကိုစားရ
ဘိုးတော်ဘုရားလက်ထက်မှာ
စစ်သူကြီးမဟာဗန္ဓုလနေမျိုးသူရ ရဲခေါင်ဘွဲ့နဲ့ ဒီမြို့ရဲ့မြို့ဝန်
ဘုံခန်းပျို့ဆရာ အရှင်အဂ္ဂသမာဓိ
စစ်သူကြီး မဟာဗန္ဓုလ
မုံတိုင်ပင် ဆရာအရှင်ဝံသ
အတုလ ဆရာတော် အရှင်ယဿ
မြသိန်းတန် ဆရာတော်အရှင်ဇိန
အယူတော်မင်္ဂလာဦးနိုး
ဒါ... ဒီမြို့သား ပုဂ္ဂိုလ်ကျော်တွေ
ဒီမြို့မှာ
မင်းတုန်းမင်းကို ပုန်ကန်ခြားနားတဲ့
ပတိမ်းမင်းသား ခိုလှုံခဲ့ဖူးတယ်
ဒီမြို့ကနေကောက်ကျစ်ယုတ်မာတဲ့ မြို့ဝန်ဦးမှန်း
အောက်ပြည်ကို ထွက်ပြေးခဲ့ရတယ်
ဒီလိုနဲ့
ဒီမြို့မှာ
သူရဲကောင်းတွေ ပျောက်ဆုံးခဲ့ရတယ်
ဒီမြို့မှာ
သစ္စာဖောက်တွေ အတောင်ပေါက်ခဲ့ကြတယ်
ဒီမြို့မှာ
လူငယ်လေးတစ်ယောက်သူ့ဆိုင်ကယ် ကျပျောက်ခဲ့ရတယ်
ဒီမြို့မှာ
အမျိုးသမီးတစ်ယောက်သေကံမရောက် သက်မပျောက်ဖြစ်ခဲ့ရတယ်
ဒီမြို့မှာ
အံကြိတ်ရ တက်ခေါက်ရတဲ့
အဖြစ်အပျက်တွေ ရှိခဲ့တယ်။
တစ်နေ့တော့
မိုးနည်းတဲ့ ဒီဒေသ
ဆောင်းတွင်းအခါ သမယမှာ
မိုးရွာဖို့ မဆိုထားနဲ့
မိုးအုံ့ဖို့တောင် အကြောင်းမရှိပေမဲ့
ရုတ်တရက် မိုးကြီးရွာချလိုက်တယ်
ဆင်ခြေရာတွေတောင်
တိမ်ကောပပျောက်သွားအောင်ရွာတဲ့ မိုးမို့
အညာအခေါ် ဆင်ရာတိမ်းမိုးတဲ့လေ။
မုံရွာ-ရေဦးလမ်းကို ဖြတ်သန်းရင်း
ဒီမြို့ကို ကားပေါ်က လှမ်းကြည့်မိတဲ့အခါ
အတိတ်တစ္ဆေက ငါ့ကို ခြောက်လှန့်နေလေရဲ့။ ။
ကြည်မောင်သန်း(၂၀၀၈ ဇွန်လ ချယ်ရီမဂ္ဂဇင်း)
(ကဗျာရွတ်သံနားဆင်ရန်)

အကြောင်းကြောင်းကြောင့်

အကြောင်းကြောင်းကြောင့်
ရွဲ့စောင်းနေတဲ့ကမ္ဘာကြီးမှာလူဖြစ်ခဲ့ရတယ်
အကြောင်းကြောင်းကြောင့်
ဆံပင်အရောင်တွေပြောင်းလဲသွားရပြီ
အကြောင်းကြောင်းကြောင့်
အရောင်းအ၀ယ်မကောင်းတဲ့နေ့တွေမှာနေခဲ့တယ်
အကြောင်းကြောင်းကြောင့်
ခေတ်ကာလကိုလက်ဝါးစောင်းနဲ့ခုတ်ချင်တယ်
အကြောင်းကြောင်းကြောင့်
မြောင်းထဲကဘ၀တွေကို လိုက်ဆယ်နေမိတယ်
အကြောင်းကြောင်းကြောင့်
စာအုပ်အဟောင်းတွေပြန်ဖတ်နေရတယ်
အကြောင်းကြောင်းကြောင့်
ကိုယ့်ဘ၀ကိုယ်ပြန်ချောင်းကြည့်မိတယ်
အကြောင်းကြောင်းကြောင့်
အ၀တ်အဟောင်းတွေ ၀ယ်ဝတ်နေရတယ်
အကြောင်းကြောင်းကြောင့်
တစ်နေရာကနေ တစ်နေရာကိုပြောင်းခဲ့ရတယ်
အကြောင်းကြောင်းကြောင့်
ငယ်ငယ်တုန်းကအကြောင်းတွေ မတွေးတော့ပါဘူး
အကြောင်းကြောင်းကြောင့်
သူရဲကောင်းတွေနဲ့ပေါင်းသင်းနေထိုင်မိတယ်
အကြောင်းကြောင်းကြောင့်
ခေါင်းမီးတောက်တဲ့ညတွေကြုံခဲ့ရတယ်
အကြောင်းကြောင်းကြောင့်
နောက်ဘ၀အကြောင်းကိုမေ့နေတယ်
အကြောင်းကြောင်းကြောင့်
ရှိစုမဲ့စုလေးတွေထုတ်ရောင်းခဲ့ရတယ်
အကြောင်းကြောင်းကြောင့်
ခေါင်းလောင်းသံတွေနဲ့ဝေးခဲ့ပါပြီ
အကြောင်းကြောင်းကြောင့်
ဘောလုံးပွဲအကြောင်းပြောနေရတယ်
အကြောင်းကြောင်းကြောင့်
အကောင်းမြင်စိတ်တွေမွေးနေရတယ်
အကြောင်းကြောင်းကြောင့်
အမျိုးသမီးတစ်ယောက်အကြောင်း တွေးနေမိတယ်
အကြောင်းကြောင်းကြောင့်
သင်္ချိုင်းကုန်းကို မျက်စောင်းထိုးနေရတယ်
အကြောင်းကြောင်းကြောင့်
ကိုယ့်အလောင်းကိုယ် ပြန်ထမ်းရမလိုဖြစ်နေပြီ
အကြောင်းကြောင်းကြောင့်
ဇာတ်ပေါင်းခန်းကို ရင်ခုန်နေမိတယ်
အကြောင်းကြောင်းကြောင့်
ဘ၀နဲ့ရင်းရတဲ့လောင်းကစားဝိုင်းထဲကို ၀င်မိတယ်
အကြောင်းကြောင်းကြောင့်
လက်ခမောင်းခတ်ရမယ့်နေ့ကိုမျှော်နေမိတယ်
ကြည်မောင်သန်း(၂၀၀၈ ဇုလိုင်လ သရဖူ)

ဗုဒ္ဓ-လူပညာရှိနှစ်ဦးနှင့် ပူဇော်ရာကဗျာ့ပန်း (တင်မိုး၊ ဒေါက်တာသန်းထွန်း)

ဗုဒ္ဓနှင့်တွေ့ဆုံခြင်း

ဘာမဟုတ်ညာမဟုတ်နဲ့
ငါဗုဒ္ဓဘုရားကိုတောင်မှ
ရှေးဟောင်းပစ္စည်းတွေအကြားမှာ
ရောင်းစားခံရ
စီးပွါးရေးမျက်စိ စူးရှတဲ့
ဒီလိုဥရောပမှာ
မင်းကဘာလာလုပ်သလဲတဲ့
ဗုဒ္ဓက မေးတော်မူတယ်။
ကိုယ်တော်မသိလို့နော်
ကိုယ်တော်သာ မြန်မာနိုင်ငံမှာရှိရင်
ပူဇေမိအမျိုးမျိုးနဲ့
ရှိခိုးခံရမှာတော့ အမှန်ပါပဲ။
ဒါပေမယ့်
မမှန်တာတွေပြော မမှန်တာတွေဟောနေရ
ကိုယ်တော်ကော ဗုဒ္ဓေါတ,မိပြီး
ပြေးကြွချင်မှာ သေချာတယ်။
မမှန်တာတွေ ပြောတော့လဲ
သံသရာတကြောမှာ
အဖန်တစ်ရာ မောနေဦးမှာကိုး ဘုရာ့။
လက်နက်ကိုင်စစ်တပ်က
အရပ်ရပ်နေပြည်တော်
ကြားလို့မှ မလျော်အောင်
အော်ဒါတွေထုတ် မတော်တာတွေ လုပ်နေတော့
ဗုဒ္ဓကိုကြိုးတုပ်
အချုပ်ထဲသွင်းရင် မခက်ပါလား။
ဒီကောင်တွေက ဥာဏ်လဲမရှိ
အမှန်လဲမသိ
ကတိလဲမတည်
အပလီအမျိုးမျိုးနဲ့
ဝစီအိုးကလဲ ပုပ်စော်န
ံနိုင်ငံကိုလဲမလေးစား
ကလေးကလား စိတ်ဓါတ်နဲ့
သိပ်ပြီးညစ်ပတ်ကြပါတယ်။
စစ်တပ်ဆိုတာ ပြည်သူကိုအနိုင်ကျင့်ဖို့
မြှောက်ပင့်အားပေး
ဓါးသွေးခိုင်းထားတဲ့
အရိုင်းများရဲ့ ခိုလှုံရာ
ဗိုလ်တကာတို့ရဲ့ဘုရင်ပါဘုရား
ဗိုလ်နေ၀င်းစစ်တပ်ဆိုတာ
ပစ်ခတ်ဖို့နဲ့ ညစ်ပတ်ဖို့ပဲ သိတာမဟုတ်လား။
ပြည်သူတွေကတော့ တက်တက်မွဲ
ရဟန်းကောင်းတွေက ခွက်လက်စွဲ
ဒင်းတို့တတွေက သဘက်သရဲ
လက်နက်ပဲ အဓိက
လက်နက်ပဲ ပဓါန
လက်နက်စိုးမိုးတဲ့ စစ်ဝါဒပါ။
ကိုယ်တော့်အဖို့ကတော့
ဥရောပ စူပါမားကက်မှာ
ငြိမ်သက်စွာ စံပါယ်တာကမှ
အန္တရာယ်ခပ်သိမ်း ကင်းပျောက်ငြိမ်းပြီး
သိန်းသန်းမက တန်ဘိုးတက်
ဗုဒ္ဓ ဗုဒ္ဓ ဆိုပြီး
နှုတ်ဟလို့ အမြွက်ခံရဦးမယ်
စိတ်လက်မသာ ရှိတော်မမူပါနဲ့ ဘုရား။
မြန်မာစစ်ဗိုလ်တွေ လုပ်သမျှနဲ့တော
့ဗုဒ္ဓ ဗုဒ္ဓ အချုပ်ကမတက်
ဒုက္ခဖက်ရရင်
မုချမသက်မသာ ဖြစ်နေရမှာပါ။
တပည့်တော် ငပါမွှားက
တရားချတယ် မထင်ပါနဲ့
တိုင်းပြည်က တကာတကာမအပေါင်း
အထောင်းခံရတာများလွန်းလို့
ပြားပြားမှောက်နေရင်းက
တရားပေါက်ရခြင်း ဖြစ်ပါတယ်
ခွင့်လွှတ်တော်မူပါအရှင်ဘုရား။
တင်မိုး (ဧပြီ ၁၂၊ ၂၀၀၀)("ဗုဒ္ဓနှင့်တွေ့ဆုံခြင်းနှင့် အခြားကဗျာများ" စာအုပ်မှ)

....................................................

ဂေါတမရေ မပြန်လေနဲ့-အောင်ခြင်းကိုးပါး

အ, ပါပေ့ တင်မိုးရယ်
ကျောက်ဆင်းတု ကိုယ်တော်ကို
ဒီက အကျိုးအကြောင်း
ကုန်စင်အောင် လျှောက်ထားပြီးမှ
မပြန်လေနဲ့လို့
မင်းတားလို့ ရမတဲ့လား....။
ရှင်တော်ဘုရားက
အယုတ်ဆုံး အရိုင်းဆုံးဆိုရင်
ချက်ချင်းတွေ့၊ ရအောင်ချွတ်
အောင်ခြင်းကိုးပါး လာမယ်လေ
မင်းမမီမှာ ငါစိုးတယ်....။ ။
ငါ ကဗျာဆရာ မဟုတ်ဘူး....။ တင်မိုး ကဗျာဖတ်ပြီး ရေးချင်လွန်းလို့ ရေးတယ်။
ဒေါက်တာသန်းထွန်း
ဤကဗျာ နှစ်ပုဒ်အား မာယာမဂ္ဂဇင်း မှကူးယူ ဖော်ပြသည်။

ဘောလုံးသမား သူငယ်ချင်းများ (မင်းကိုနိုင်)

ပိုးကုန် အချိန်ကုန်
စောင်းတီးသင်ဖို့ အခွင့်မကြုံသမျှ
ငါတို့လက်တွေ
မိုးစက်တွေကို ဆုပ်ကိုင်
ကျောင်းခေါင်းလောင်းကို လှုပ်ယမ်းစေနိုင်ခဲ့။
ဂိုးအသွင်းမခံရဖို့
အနိုင်ဂိုးဖိသွင်းဖို့ 
ဘောလုံးကွင်းမရှိသေးတော့အတူ
အပြေးပဲ ကျင့်ခဲ့ကြပေါ့။
လေသွင်း လေထုတ်
အလုပ်နှစ်ခုပညာ
ပယောဂ မပါပဲ တတ်ခါစ...
တစ်ယောက်ဒဏ်ရာတစ်ယောက် လျှာနဲ့ လျှက်ပေးကြ
တစ်ယောက်ကွေးရင် တစ်ယောက် ထုရိုက်ဖြောင့်ပေးကြ
တကယ်ပါ ဒါတွေဟာ
ငါတို့ လျော်နိုင်လို့ အထိုးခံဝံ့တဲ့
လောင်းကြေးတွေပါ။
"တစ်သက် ထာဝရ သတိရနေမယ်"
အဲဒါတွေက
ငါတို့ လုသောက်နေကြ အုန်းမှုတ်ခွက်က
ို"ရွှေခွက်" လို့ လာရေးတဲ့ အက္ခရာတွေပါ။
တွေ့ ဆုံခွဲခွာ
မျက်နှာနှစ်ဘက်ပါတဲ့ အသပြာ တစ်ချပ်
ကိုယ်ကြိုက်ရာ ဝယ်စားတတ်ပြီးတဲ့အခါ
ချိုချဉ်ဖန်ခါး အသားတစ်ဆုပ် အရွက်တစ်ရာ
စားမြုံ့ ပြန်မယ်လုပ်ခါမှ
မှန်ထဲမှာငါ့ကိုယ်နဲ့ ဘယ်သူ့ မျက်နှာလဲ...
အလီတွေရွတ် ချွတ်ကြည့်လည်းမရ
ဂါထာတွေရွတ် ချွတ်ကြည့်လည်းမရ
ဘယ်သူ့ ပယောဂ လည်းဟေ့...
မဟုတ်ဘူး
ငါတို့ အတတ်ကြူး စွပ်ခဲ့ကြတာ။
ချွတ်မရတော့တဲ့ မျက်နှာဖုံးတွေအောက်
တစ်ယောက်မျက်နှာ တစ်ယောက်မမြင်
ခုတော့
တစ်ယောက်ဂိုးပေါက်ပဲ တစ်ယောက်မြင်
ရွှေဂိုးတွေ တစ်ဒိုင်းဒိုင်း ကန်သွင်းချင်နေကြတယ်။
မင်းကိုနိုင်

မိသားစု (စိုင်းဝင်းမြင့်)

မိသားစုဆိုတာ
တစ်ယောက်ရှေ့ရောက်ဖို့
တစ်ယောက်
နောက်ဆုတ်လိုက်ရတယ်
သစ်ကိုင်းတစ်ကိုင်းတိုးထွက်ဖို့
သစ်ကိုင်းတစ်ကိုင်း အခုတ်ခံရတယ်
မိသားစုသီချင်းဟာ အတက်အဆင်းရှိတယ်
သံစုံမြည်တယ်။
လူခြောက်ယောက်ရှိ လူခြောက်ယောက်
လက်ဆယ်ချောင်းရှိ လက်ဆယ်ချောင်း
ခေတ်က တောင်းဆိုတဲ့အတိုင်း လှုပ်ရှားရတယ်
အိမ်ရှိလူအကုန်။
မိသားစုဆိုတာ
ရှင်သန်ဖို့အတွက် အဆက်မပြတ်တိုက်ပွဲဝင်ရတယ်
ရန်ကုန်ဟာ စစ်မြေပြင်
လဲကျသွားတဲ့ ငါ့အဖေနေရာကို
ငါ့ညီလေး ၀င်ခဲ့ရတယ်
မိသားစုကိုငါမမြင်ခဲ့ဘူး
ငါ့အတွေးအခေါ်က
သားသမီးဆိုတာ သီးခြားရှင်သန်ရတဲ့ဘ၀တစ်ခု။
ငါဟာ လမ်းပေါ်မှာကြီးပြင်းခဲ့လို့
လမ်းနဲ့သွေးသားတော်စပ်တယ်လို့ထင်တယ်။
ငါ့မိသားစုမှာ ငါဟာ မလင်းတဲ့မီး
ငါ့မိသားစုမှာငါဟာ မလုံခြုံတဲ့ထရံ
ငါ့ကြိုးကိုတီးခတ်လိုက်တိုင်း သံကြောင်ထွက်တယ်
ငါ့မိသားစုမှာ
မိုးယိုပေါက်ကလေးတစ်ပေါက်ရှိနေတယ်ဆိုတာလဲ
ငါပဲဖြစ်မှာ
ငါ့မိသားစုမှာကြမ်းခင်းတစ်ချပ်ကျိုးပဲ့နေတယ်ဆိုလဲ
ငါပဲဖြစ်မှာ
မအောင်မြင်တဲ့ဘောလုံးအသင်းဟာ ငါ့မိသားစုပဲ
မ၀င်တဲ့ ဂိုးတွေကိုငါသွင်းခဲ့တာ။
စိုင်းဝင်းမြင့်(လူငယ်တွေရဲ့ကဗျာစာအုပ်၂၀၀၃မှ)

ကြောင် (နေမျိုး)

သူဟာကြောင်တစ်ကောင်ဖြစ်တယ်လို့
ပြောကြတယ်
သူဟာ ငါးတစ်ကောင်မှ မစားဖူးဘူး
သူ့အဖေလဲ ငါးတစ်ကောင်မှ မစားဖူးဘူး
သူ့အဘိုးလဲ ငါးတစ်ကောင်မှ မစားဖူးဘူး
(သူဟာကြောင်တစ်ကောင်ဖြစ်တယ် လို့ပြောကြတယ်)
သူ့ရန်သူတွေကသူ့အကြောင်းရေးဖွဲ့ထားတဲ့
ကဗျာတွေဖတ်ပြီးသူငိုတယ်
ဒါပေမယ့် သူဟာကြောင်တစ်ကောင်ဖြစ်တယ်
သူဟာပြင်သစ်ဘာသာနဲ့ချောင်းဆိုးပြီး
ဂျာမန်ဘာသာနဲ့သန်းဝေတယ

“ကြောင်တစ်ကောင်၏တစ်နေ့တာ”စာအုပ်ကို
မြန်မာဘာသာနဲ့ထုတ်ဝေခဲ့တယ်
အဲဒီစာအုပ်ဟာ အရောင်းစွံခဲ့လေတော့
သူဟာ ကြောင်တစ်ကောင်ဖြစ်ကြောင်းပိုသေချာလာတယ်
ကုတ်အင်္ကျီအကြီးကြီးထဲမှာ
သူ့ကိုယ်လုံးသေးသေးလေးဟာမြုပ်နေတတ်ပြီး
သူ့တွေးခေါ်မြော်မြင်မှုတွေကို
ကုတ်အင်္ကျီဘယ်ဘက်အိတ်ထဲမှာ
ထည့်ထားတတ်တယ်
(ညာဘက်အိတ်ထဲမှာတော့မက်ဒေါနားနဲ့လီနင်ရဲ့ဓာတ်ပုံတွေရှိတယ်)
သူ့ကိုမယုံကြည်သူတွေက ၅.၂စင်တီရှိတဲ့
နှုတ်ခမ်းမွှေးကိုအတုကြီးလို့ပြောကြတယ်
ဒါပေမယ့်သူလက်သည်းတွေကိုတော့
အားလုံးကြောက်ရွံ့ကြရဲ့
သူဟာမြို့တစ်မြို့ကိုခုန်အုပ်နိုင်တယ်
ပင်လယ်ထဲကမျောလာတဲ့စံပယ်ပန်းလေးတစ်ပွင့်ကို
ဟိုတယ်တစ်ခုပေါ်ကနေပြီးအနံ့ခံနိုင်တယ်
စာအုပ်တစ်အုပ်ထဲမှာ ပုန်းအောင်းနေတဲ့ဝါကျတစ်ကြောင်းကို
မှန်ပြောင်းတစ်လက်နဲ့ကြည့်တတ်တယ်
(သူဟာကြောင်တစ်ကောင်ဖြစ်တယ် လို့ပြောကြတယ်)
သူဟာမနက်တိုင်းနွားနို့မှန်မှန်သောက်တယ်

လေကို၀၀ရှူသွင်းတယ်၊ သတင်းစာဖတ်တယ်၊ ပေါင်ချိန်တယ်
ရွှေဈေးအတက်အကျကိုမှတ်သားတယ်၊
ပြီးရင် ဂေါက်ရိုက်တယ်ပြီးရင်
ဘီယာသောက်တယ်
ခေတ်ပေါ်ကဗျာ(မာရ်နတ်မင်းမေ့ဆေးပြယ်သောအခါ)ဖတ်တယ်
နတ္ထိ၀ါဒီတွေဆီဖုန်းဆက်တယ်
သူဟာရေခဲသေတ္တာထဲ ဆောင်းကိုသိမ်းထားပြီး
မီးလင်းဖိုထဲမှာ နွေကိုဝှက်ထားတယ်
ရေချိုးခန်းထဲမှာတော့ မိုးဟာရွာသွန်းအမြဲ
ဝက်သစ်ချပင်ကြီးက အရွက်တွေကြွေတော့
သူအသက်၄၀ ရှိပြီ
နွေတစ်ရက်မှာ သူဟာ
မိန်းမတစ်ယောက်လဲလျှောင်းနေတဲ့ အခန်းတံခါးသော့ကို
လွှင့်ပစ်ပြီးပင်လယ်ဆီ ခရီးထွက်လာခဲ့တယ်
ငါးတစ်ကောင်အကြောင်းဟောပြောဖို့ပါ။

နေမျိုး

“ပလုံ” (တာရာမင်းဝေ)

“ပလုံ”
ရေထဲကိုခဲကျသွားတာလဲဖြစ်နိုင်တယ်
ရေထဲက ငါး
ခုန်တက်လာတာလဲဖြစ်နိုင်တယ်...
တစ်နေ့မှာ ငါ့အတ္ထုပ္ပတ္တိကို
ငါဖွင့်ကြည့်လိုက်တယ်
ဘယ်လိုဖြစ်သွားလဲမသိဘူး
“ပလုံ”
တာရာမင်းဝေ
(နောက်ဆုံးရေးသွားတဲ့ကဗျာ)

ကိုက်လမ်း (မောင်ချောနွယ်)

ငါဟာ
ကမ္ဘာကြီးကိုနားစွင့်ထားသူ ယုန်ကလေးပါ...
နေ့စဉ် နေ့စဉ်
ငါ့ဝပ်ကျင်းကလေးကနေ ငါ
အစာရှာထွက်လာတိုင်း သစ်ပင်မြက်ပင်လေးတွေ
ကိုက်ကိုက်ပြီးငါထွက်လာခဲ့မြဲ
ခု....
လူနဲ့ခွေးများတောခြောက်ကြ
အပြေးအမြန် ငါ့ကိုက်လမ်းလေးအတိုင်း
ပြန်လာခဲ့ရာ
ပိုက်ထဲ....
ငါ့သစ္စာတရားဟာ
ငါ့အသက်ကိုယူသွားကြပေါ့။
မောင်ချောနွယ် (ငှက်ဆိတ်တဲ့ သစ်စည်း မှ)

မီးအိမ်တစ်လုံးပေးပါ ကျွန်တော်လမ်းလျှောက်ထွက်မလို့ (လင်းလွန်းဖြူ)

အပြင်မှာမှောင်နေပြီလား
ပြတင်းပေါက်ဖွင့်ကြည်တေ့ာ့
မနက်ဖြန်တွေ အိပ်ယာမထသေးဘူး
တကယ်ဆို
ခိုတွေငှက်တွေ
အစာရှာဖို့သင့်ပါပြီ အမေ
ချော့ချော့မော့မော့
ကိုယ့်ကိုယ်ကို တွေးကြည့်လို့ရနေသရွေ့
လူဖြစ်မရှူံးသေးဘူး
ကျွန်တော်ဒီလို ယူဆတယ်
ကျကျန်ခဲ့သမျှ ပြန်ကောက်ဖို့ စိတ်မကောင်းဘူး
လောလောဆယ်ဆိုတာ ပိုအရေးကြီးလိမ့်မယ်
ထင်ရာမြင်ရာ
စွဲမိစွဲရာ
ကိုယ့်အနာဂတ် ကိုယ်ရှာဖို့
ဆံသဆိုင်သွားရမလား
ဘီယာဘားသွားရမလား
ကာရာအိုကေဆိုင် သွားရမလား
ချက်တစ်ပွဲလောက် ထိုးရမလား
သင်တန်းတစ်ခုခုတက်ရမလား
စာအုပ်တွေဖတ်ရမလား
ရည်းစားတစ်ယောက်လောက်ရှာရမလား
ဆေးမင်ကြောင်ထိုးကြည့်ရမလား
အလိမ်အညာတွေ ခံကြည့်ရမလား
................။
ဘာပဲဖြစ်ဖြစ်ပါအမေ
မီးအိမ်တစ်လုံးလောက်ပေးပါ
ကျွန်တော်လမ်းလျှောက်ထွက်ကြည့်ချင်တယ်။
လင်းလွန်းဖြူ

လက်ယာ အစွန်းရောက်ဆောင်း (ယောဟန်အောင်)

အနွေးထည် ပွပွကြီးတွေ
ထပ်ထပ် ကျပ်စည်းထားတဲ့သူ
ငါလည်းအနှစ်အသား နည်းနည်း
အခေါက်အပွေးထူထူ လူလိုဖြစ်နေရ။
ခေတ်ကိုက မကောင်းတာပါ
ဒီတစ်ခါဆောင်းက အကြောင်းဖန်တယ်
ဒို့မိဘများပြောတတ်တဲ့ ဆုတ်ကပ်ဆိုတာမျိုးပေါ့။
ဂလိုဘယ်လိုက်ဇေးရှင်းကြီးလဲ လာပါလေရော၊
ငါလည်း
ဘောင်းဘီတိုဝတ်ရ
က်ပ်သီချင်းကြိုက်ရ
သီချင်းသံကြားရင် ကိုယ်တွန့်ခါရ
ကိုယ့်ကိုကိုယ် လစ်ဘရယ်လိုက်ဇ်နည်းနည်းလုပ်ရ၊
အဆီလျော့စားတာနဲ့ယောဂ အကြောင်းပြောရ။
အမေရိကန်ဆန်အောင်
အလံထောင် ဟိတ်ဟန်လုပ်ရ။
အရှေ့ အလယ်ပိုင်းဒေသမှာ
လူတွေသေနေတာကို
တယ်မိုက်ကြသကွယ် လို့ ဟန်လုပ်နေရ။
စစ်ကတော့ဖြစ်မှာပဲ
ကိုယ်ဘာသာ လွတ်အောင်နေ
ကိုယ့်အရေးကလွဲပြီး များများ
ဘာမှ မစဉ်းစားနဲ့
ကိုယ့်ဘာသာ အားပေးပြန်ရ။
(အေးလွန်းတဲ့ဆောင်းကငါ့နှလုံးသားကိုခဲခံစားမှုနည်းအောင် ပြောင်းခဲ့ပုံရတယ်)
မျိုးရိုးဗီဇပြောင်းထားတဲ့
ပန်းသီးမွကိုကိုက်
ဆိုဒါရှိန်းမြရေကို ကျိုက်ချရင်း
CNN ဟိုက်ဘရစ်သတင်းကိုကြည့်
အဆာမပြေဘူး
ရေငတ်တယ်
ရေငတ်တယ်။
သစ်ခေါက်တွေဝါးနေရသလိုပဲ
စမ်းချောင်းလေးကိုငတ်တယ်
တောအရက်ကိုငတ်တယ်
ဂန္ဒီရုပ်ရှင်ကားကိုငတ်တယ်
ငြိမ်းချမ်းရေးကိုငတ်တယ်
ရွှေဘကိုငတ်တယ်
မောင်သာနိုးရဲ့ “မလင်းပြာ” ကိုငတ်တယ်
စွန့်လွတ်ပေးဆပ် သူရဲကောင်းဇာတ်လမ်းထဲက
ဓါးတောင် သံချောင်းကို ငတ်တယ်။
ဒီတစ်ခါဆောင်းက
ပိုတစ်ကိုယ်ကောင်းဆန်တယ်
ပိုဟိတ်ဟန်ကြီးတယ်
ပိုဖြီးလုံး ဖြန်းလုံးထုတ်တယ်၊
မှန်ပြတင်းမှာနှင်းခိုးပိန်းရိုက်လာ
ဟုတ်ပါရဲ့ လား
အဆိပ်ခိုးတွေ
ဓါတုမိုးရည်ဆားစ်ပိုးတွေလို့ ထင်နေသေးတယ်။
(မျက်ရည်နဲ့ သွေးတွေလည်းဖြစ်နေနိုင်ခဲ့)
ခေါင်းစွပ်မဲမဲ
လက်အိတ်မဲမဲနဲ့ လမ်းထဲသွားရင်
အကြမ်းဖက်သမား ထင်လေလားလို့
ငါ့ကိုယ်ငါ စိုးလာရပြန်
နှင်းခါးကြားထဲ မျက်နှာကိုပြန်ပြန်ဖွင့်ပြရတယ်။
ဟလိုက်ရင် “၀ှားကနဲ” ထွက်သွားတဲ့
အငွေ့တွေပြန်ပြန်လိုက်သိမ်း
အမေရိကန် ဆန့်ကျင်ရေးလေစိမ်းတွေ
ထင်သွားမှာစိုးလို့ မြိုချ
ရာဘာချိုဝါးရည်နဲ့ လှိမ့်ချရတယ်၊
ကိုယ့်လျှာကို ပြန်ကိုက်သိမ်း
မျက်မှန်စိမ်းတပ်နားတွေလည်း ပြားကပ်နေတော့တယ်။
ကွင်းပြင်တွေက တစပြင်လိုဖြူဖွေး
သစ်ကိုင်းတွေက အရိုးပြိုင်းပြိုင်းထောင်
ခဲနေတဲ့လေတွေက စောစောအမှောင်ချပစ်တယ်။
ကမ္ဘာတစ်ဘက်ခြမ်းမှာ ငတ်နေတာမဖြစ်နိုင်ဘူး။
တောင်းဆိုလွှာ တော်တော်များများမှာ
ငါ လက်မှတ်ထိုးခဲ့သားပဲ။
ဝေလငါးတွေ မသတ်ဖို့
မြေမြုပ်မိုင်းတွေရပ်ဖို့
သစ်ပင်တွေ အခုတ်ရပ်ဖို့
စီးကရက်ဖြတ်ဖို့
ငါလက်မှတ်ထိုးခဲ့ပါတယ်။
မလင်းပြာရယ်...
အခုတော့
ဒီလိုဖြစ်နေရတာ အခါခါစိတ်ဓါတ်ကျတယ်
ငါ ...
အီရတ်ကို မသွားပါရစေနဲ့။
ယောဟန်အောင်

ပြန်ပေးဆွဲခံထားရတဲ့ ဒုက္ခသည် စခန်းကြီးတစ်ခု (နှင်းခါးမိုး)

အဲဒီမှာ...
ကလေးတွေအတွက်
စာသင်ခုံတွေ အလုံအလောက်မရှိပေမယ့်
အလုပ်လက်မဲ့တွေအတွက်
ဘိလိယက်ခုံတွေ အလုံအလောက်ရှိတယ်။
အဲဒီမှာ...
ကမ္ဘာကြီးနဲ့ ဝင်ဆန့် နိုင်ဖို
့အင်တာနက်ကဖေးတွေ မရှိပေမယ့်
ကိုယ့်နွားခြေရာခွက်ထဲမှာတကိုယ်တော်ရွက်လွှင့်ဖို့
စည်ဘီယာဆိုင်တွေ ရှိတယ်။
အဲဒီမှာ...
အိပ်မက်တွေအတွက်မနက်ြဖန်မရှိပေမယ့်
ဒီနေ့အတွက်နှစ်လုံးထီရှိတယ်။
အဲဒီမှာ...
ရိုးရိုးကျင့် မြင့်မြင့်ကြံဖို့
ကောင်းရောင်းကောင်းဝယ် ဈေးကွက်မရှိပေမယ့်
ဒီကွေ့ ဒီတက်နဲ့ လှော်ဖို့အပေါင်ဆိုင်တွေ ရှိတယ်။
အဲဒီမှာ...
မရှိပေမယ့်.. မရှိပေမယ့်
ရှိတယ်..ရှိတယ်..ရှိတယ်။
ခေတ်မီ တိုက်လေယာဉ်ကြီးတွေရှိတယ်...ကြံ့ဖွံ့ရှိတယ်...
ဖယောင်းတိုင်ရှိတယ်ကြားကားရှိတယ်...
ဂြိုဟ်တုလောင်းကစားရှိတယ်
ဘောလုံးနဲ့ ဘင်လာဒင်ကို
ဘုရားစင်မှာတင်ထားတဲ့ ဂျာနယ်တွေရှိတယ်
ဖာခန်းဖွင့်စားတဲ့
ကြယ်ငါးပွင့်ဟိုတယ်ကြီးတွေရှိတယ်။
ပြီးတော့...
သေနတ်နဲ့ ပိုက်ဆံပေါင်းထားတဲ့
တရားဥပဒေရှိတယ်
ရေဒီယိုနဲ့ ကောလာဟာလပေါင်းထားတဲ့
မျှော်တလင့်လင့်နိုင်ငံရေးရှိတယ်
စာပေစိစစ်ရေးနဲ့ ထောင် ပေါင်းထားတဲ့
စာနယ်ဇင်းလွတ်လပ်ခွင့်ရှိတယ်။
ပြီးတော့...
ဗိုလ်ချုပ်ကြီးတွေက... အပီခိုးသွားတယ်...
လူအုပ်ကြီးတွေက...ဆီတိုးစားတယ်...
အမှားတွေပျောက်မလားလို့တံတားတွေဆောက်ထားတာ ရှိတယ်။
မြို့ပြင်လယ်ကွင်းပြင်ကြီးထဲ ထုတ်ထားတဲ့တက္ကသိုလ်ကောလိပ်ကြီးတွေနဲ့
ဆရာတွေ လက်ပတ်ဝတ်ကင်းစောင့်နေတဲ့
အေးချမ်းစွာပညာသင်ကြားရေး ရှိတယ်။
ပြီးတော့ ...
အိမ်ထဲကအိမ်ပြင်မထွက်ရတဲ့ လူတစ်ယောက်နဲ့
အိမ်ထဲကအိမ်ပြင်မထွက်ရဲတဲ့ လူတစ်ယောက်ရှိတယ်။
ပြီးတော့ ...
တရုတ်တန်းဖြစ်သွားတဲ့နန်းတော်တစ်ခုရှိတယ်။
နှင်းခါးမိုး
(ကဗျာရွတ်သံနားဆင်ရန်)

မင်းကိုလောကကြီးကစောင့်ကြည့်နေတယ်

ရေသေအိုင်ဆွေးလို
ငြိမ်အီမနေစမ်းပါနဲ့
စုန်ရဲဆန်ရဲတဲ့ မြစ်တစ်မြစ်အဖြစ်
ကိုယ့်မာန်ကိုယ်သွေး
ခပ်ဝေးဝေး လှမ်းကြည့်လိုက်စမ်းပါ...
ဝါးမျှစ်စို့တိုင်း
မြေကိုတိုးထွက်ခဲ့ကြတယ်
လောကကို ရင်မဆိုင်ရဲတဲ့သစ်စေ့ဟာ
အမှိုက် ယက်ရှာတဲ့
ကြက်တစ်ကောင်ရဲ့ နှုတ်သီးဖျားမှာ
လည်စင်းပေးလိုက်ရမှာပဲ။
တောက်ပခဲ့ဖူးတဲ့
ရှေးရှေးက ကြယ်ပွင့်များ
အတိတ်ည ရှည်ရှည်တွေကို
ဘယ်ပုံဘယ်နည်း ဖြတ်သန်းခဲ့ကြသလဲ
ကိုယ်တိုင် ကြုံတွေ့နေရတဲ့ ညမှာ
ကိုယ်တိုင် အလင်းဆုံး ကြယ်တစ်ပွင့်
မဖြစ်သင့်ဘူးလား
ရှည်ရှည်ဝေးဝေး စဉ်းစားစရာမလိုတဲ့
အဖြေမှန်တစ်ခု မင်းရင်ထဲ
အသေအချာရှိနေမယ်ဆိုတာ ယုံတယ်။
ခေတ်က မြန်လွန်းတယ်...
တကယ်တော့ နည်းပညာတွေရဲ့ နှုန်းစံနဲ့
ခေတ်က လိုက်မြန်နေရတာပါ
အရှိန်နဲ့ပြန့်ကားနေတဲ့ ရဲရင့်မှုတွေထဲ
စိမ့်ဝင်နိုင်ဖို့ရာ ဘွာမခတ်မိစေနဲ့
တစ်ထစ်ချင်း နင်းတက်စမ်းပါ...။
“မစူးစမ်းတဲ့အရွယ်
ရူးနှမ်းနှမ်း အရွယ်ပါတဲ့”
မင်းနားတွေကို ပိတ်ထားလိုက်...
အထင်သေး အမြင်သေး အကြည့်အပြောတွေ
မင်း တည့်တည့်က အဆို့အပိတ်တွေကို
တွန်းတိုးဖောက်ထွက်လိုက်
နှင်းဆီတွေခင်းထားတဲ့ အရုဏ်သစ်
အရှေ့မိုးကောင်းကင်မှာ ၀င်းဝင်းပြက်ပြက်
မင်းယုံကြည်ရာ မုခ်ဦးမှာ
ပန်းဝတ်မှုံတွေ ထုံမွှေးနေမှာ...။
စိတ်ရိုင်းကို အလိုလိုက်တာ
ကိုယ့်ပဲ့ကို ကိုယ်ဖြုတ်ချလိုက်တာပဲ
မြားရွက်နောက်မြီး မပါရင်တော့
ဘယ်လောက်ချွန်ချွန် ဘယ်လောက်ဖြောင့်ဖြောင့်
ဘယ်ပစ်မှတ်ကို စိုက်မှာလဲ
အပျင်းဓာတ်ကလည်း
မင်းသွေးစီးနှုန်းတွေကို နှေးစေတဲ့
ခပ်ဆိမ့်ဆိမ့် အဆိပ်ပြင်းပဲ
ညံ့ဖျင်းမှုဆိုတာ
အစာမတပ်ဘဲ ရေထဲချထားတဲ့
မင်းရဲ့ ငါးမျှားချိတ်
တစ်နေ့မှာ ကိုယ့်အလွမ်းမှားတွေနဲ့
ကိုယ်ပဲ ရှက်သွေးမဖြာရအောင်
ကိုယ့်ကိုယ်ကိုယ် လှုပ်နိုးရမှာပေါ့။
မင်းရဲ့ တင်းတင်းဆုပ်မိတဲ့ လက်တွေ
မင်းရဲ့ တင်းတင်းကြုတ်မိတဲ့ မျက်မှောင်တွေ
မင်းရဲ့ တင်းတင်းစေ့မိတဲ့ နှုတ်ခမ်းတွေ
မင်းရဲ့ တိတ်ဆိတ်စွာ ပေါက်ကွဲမှုတွေ
မင်းဆက်မယ့် ခြေလှမ်းတွေထဲ အားဖြည့်ဆေးအဖြစ်
ခပ်သာသာ ပြောင်းလဲပစ်လိုက်ပါ။
မီးမနာတဲ့ ဓား
အသွားပဲ့မြန်သတဲ့
ခြေဖ၀ါး မြေစားလို့ပွန်းရော့
အမာရွတ်တိုင်းမှာ သင်ခန်းစာရှိရမယ်
သံလွင်တစ်ခက်အတွက်
ချွေးစက်ကုဋေ ခြွေရဲဖို့
မင်းမျက်ဝန်းထဲ မီးစုန်းတွေထည့်လို့
အမှောင်ဆိုတာ အရောင်တစ်ရောင်ပဲ
မဖြစ်မနေ နှိုက်ရမယ့် မဲလိပ်ထဲ... စိတ်ချ
ကံတရား တစ်ခုတော့ ပါလိမ့်မယ်။
ကျောက်ဘယ်လောက်မာမာ
ခတ်တတ်မှလည်း မီးပွင့်တယ်
ဆီးဆူး ဆီးချွန် ခံဆူး ခံချွန်တဲ့
သောင်ပြင်ပေါ် မှောက်လျက်လဲ
ခပ်ယို့ယို့ ပြန်သွားတဲ့ လှိုင်းညံ့တွေလို
မင်း မညွတ်ခွေဖို့တော့ လိုတယ်
ပဉ္စလက် မာယာတွေ ပွက်ထ
ညှို့ကွက်တွေ ရှို့ချက်တွေ လျှို့ဝှက်တွေပြွမ်းလို့
မင်းဦးနှောက်ထဲ အချက်ပြ ခေါင်းလောင်းထည့်ခဲ့
ပြီးတော့... ရှေ့ပဲ တွင်တွင်တိုး ပြီးတော့... ထပ်ပြီးတိုး
အရွဲ့မတိုက်နဲ့ အတည့်တိုက်
မင်းရဲ့ ယုံကြည်ချက် သစ္စာတရားတွေ
မင်းအပေါ် ထိန်ထိန်ညီးစေရမယ်။
သစ်တောကြီးတွေနဲ့ ဝေးရာမှာ
တစ်ပင်တည်း ထီးထီးပေါက်နေတဲ့
ဝက်သစ်ချပင်ရဲ့ ကြံ့ခိုင်မှုမျိုး
မင်း အသည်းညွန့်မှာ ကွန့်မြူးပါစေ
လေယာဉ်ပျံ ထိုးဖောက်သွားတဲ့ တိမ်မဖြစ်ရ
တိမ်တိုက်တိုင်းကို ဖောက်ထွက်မယ့် လေယာဉ်ပျံဘ၀
မင်း ရွေးချယ်မှုက
မင်း စံမြန်းရမယ့် ရဲတိုက်ဗိမာန်
မင်းကို လောကကြီးက
လက်ခုပ်သြဘာပေးဖို့ မျှော်လင့်တကြီး
စောင့်ကြည့်နေတယ်။
တိုးဝေ

နှင်းဆီလွင်ပြင်

ဝတ်ရွတ်သံ၊ ဘုရားဝတ်ပြုသံတွေ
ကြားနေရတယ်
ဘုရားတန်ဆောင်း မဟုတ်တာတော့သေချာတယ်
ဖျာတစ်ချပ်တော့ ရှိရဲ့
ပုပ်အဲ့အဲ့ အနံ့တချို့လဲရှိ
ဆွံ့အအ အလင်းတချို့လဲ ရှိနေတဲ့ ဒီအခန်း
ကြမ်းပြင်က အေးစက်စက် စွတ်စို
တံခါးရွက်ကို သွပ်ပြားတစ်ချပ်နဲ့
ထပ်ကာထားတယ်။
တခြားအခန်းတွေကို စကားလှမ်းမပြောရဲဝံ့တဲ့
ရမ်းကားတင်းမာလွန်းတဲ့ လေသံတွေ
တံခါးသော့ခတ်သံ ခပ်ကြမ်းကြမ်း
လျှောက်ထွက်သွားတဲ့ဖိနပ်သံတွေ ဝေးသွား၊
သွပ်ပြားပေါက်ကြားက ချောင်းကြည့်
သူတို့လဲကျုပ်ဖက်ကို ကြည့်နေကြ၊
ဒုက္ခသည်အသစ်ကို စိတ်မကောင်းစွာကြိုဆိုနေကြတာ၊
သူတို့ မျက်နှာတွေပေါ်မှာ
ဂုဏ်ယူတာလဲပါ၊နွေးထွေးခြင်းလဲပါ၊
ဒါ မဟာကာလ ငရဲရဲ့ ရင်ကွဲတိုက်ပါ မိတ်ဆွေ။
မှေးကနဲ အိပ်ပျော်သွားတော့
အားလုံးကောင်းကြရဲ့လား
ငှက်ဆိုးတစ်ကောင်ရဲ့ မေးသံနဲ့ လန့်နိုးလာတယ်၊
ကျုပ်ဘေးမှာ လူတစ်ယောက်ရောက်နေသလိုမျိုး
အိုး... ကာနယ်ချစ်ကောင်းပါလား၊
စာအုပ်အဟောင်းတစ်အုပ်ကို လှမ်းပေး၊
ကျနော်ရေးတဲ့ အနှစ်နှစ်ဆယ်လေတဲ့
ချစ်စရာကောင်းတဲ့ အပြုံးမျိုးနဲ့
သခင်သာခင်ရဲ့ လူဖမ်းနှုန်း
အခုထိ ကြမ်းတုန်းပါလားဗျ။
အားရပါးရ ဟားတိုက်ရယ်၊
ပြီးတော့ ပြန်တည်သွားတယ်
မြန်မာပြည်သစ်ကို ဆက်ဆောက်ပါ ရဲဘော်တဲ့၊
ကျုပ်လက်ကို ကျစ်ကျစ်ပါအောင် ဆွဲကိုင်နှုတ်ဆက်
အခန်းထဲကနေ လှမ်းထွက်သွားတယ်၊
အိပ်မလို့ လှဲနေတုန်း
ခပ်ပြုံးပြုံးဝင်လာသူက ကိုဗဟိန်း
မင်္ဂလာပါ ရဲဘော်၊
ကျနော်နဲ့ အတူ ကိုဖုန်းမော်၊ ကိုအောင်ကျော်တို့လဲပါတယ်၊
တကသ ဘယ်တော့လောက် ပြန်ဆောက်ကျမလဲ
အာရှနဲ့ ပစ္စိဖိတ်တက္ကသိုလ်၊
နိုင်ငံတကာ အဆင့်မြင့် နည်းပညာ ဗဟို
သစ်ပုပ်ပင်အိုဘေးမှာ ဆောက်ချင်တယ်ဗျာ၊
ဒါ ကျနော်တို့ရဲ့ အပြင်းပြဆုံး ဆန္ဒပါ၊
ရဲဘော်တို့ရဲ့ဒီဇင်္ဘာ
အားလုံးကိုလဲလုံးဝ ဂုဏ်ယူပါတယ်ဗျာ၊
ကြင်နာစွာ ပွေ့ဖက်နှုတ်ဆက်
တယောပြားတစ်လက်ကို တီးခတ်ရင်း
ကျုပ်ကို ဒို့ဗမာ သီချင်းတက်ပေးသွားတယ်။
ဘာသံတွေပါလိမ့် ဒီဘက်ကို လာနေတာ
သခင် ဖိုးလှကြီး မဟုတ်လား၊
အိပ်ပျော်ရဲ့လား ကိုရင်ကျုပ်ဝင်ခဲ့မယ်နော်တဲ့
ဆင်မလိုက်နဲ့ သမိုင်းက လူတွေ
ကျုပ်နဲ့အတူ မနက်ဖြန်မနက် ချီကာဂိုကိုချီတက်ကြတော့မှာ
နိုင်ငံတကာ အလုပ်သမားမိတ်ဆွေအတွက်
ကိုရင်ရဲ့ နှုတ်ဆက်သ၀ဏ်လွှာ
ကျုပ်ယူသွားချင်တယ်ဗျာ။
ကျေးဇူးတင်လိုက်တာ အာဠာဝကကြီးရယ်
ရေးမယ် ကျနော်ရေးမယ်
တန်ဖိုးတံတား နက်နက်ရှိုင်းရှိုင်းကို ရေးမယ်
သမိုင်းဘီးဟာ ဘယ်တော့မှ နောက်ပြန်မလှည့်ဘူးဆိုတာ
ရိုးပြတ်နံ့တွေ ကျုပ်အခန်းထဲ
ရုတ်တရက်ရောက်လာလေသလား
သိပ်ဟုတ်တာပေါ့ဗျာ။
ခင်ဗျားအိပ်တဲ့အခန်းနွေးအောင်
“ကျုပ်လက်ဆောင်အဖြစ်ကောက်လှိုင်းသစ် တစ်ထုံးယူခဲ့တယ်”
အသေအချာလှည့်ကြည့်လိုက်တော့ ဆရာစံ
ဆေးတံကို ခဲရင်း
ဘုရင်ခံ ဆာဂျေအေမောင်ကြီး
အသက်ဘယ်လောက်ကြီးကြီး
လက်သံကတော့ ပြောင်ဆဲပဲနော်။
ကျောက်ကုန်းပေါ်က အရေစုတ်အောင်နံပါတ်တုတ်နဲ့
အရိုက်ခံရဆုံးလူဟာကျုပ်တို့ပဲ ဆက်ဖြစ်နေတာ
ဂလိုဘယ်ရွာမှာ ဘယ်လို စဉ်းစားကြမလဲ
ခင်ဗျားနဲ့ တိုင်ပင်ချင်သဗျာ၊
ပါလာတဲ့ ကောက်ညှင်းပေါင်းထုပ်ဖြေကျွေးရင်း
မိုးလင်းလုထိ ထိုင်ပြီးဆွေးနွေးဖြစ်ကြတယ
်“သား.. နိုးပြီလား”တဲ့
ကရုဏာအပြည့်နဲ့ ဒီအသံ
ဟန်ဆောင်မှုကင်းတဲ့ ဒီရုပ်သွင်
ကျုပ်နှလုံးသားထဲ အမြဲရှင်သန်နေတဲ့ဆရာကြီးမှိုင်း
ကဗျာကယာထပြီး ခြေအစုံကို ကန်တော့မ
“ဒီမိုကရေစီမရှိရင် ငြိမ်းချမ်းရေး မရှိနိုင်ဘူးသား
ပန်းတိုင်မရောက်ရောက်အောင်သွားကြ
အရိုးသားဆုံး ဆွေးနွေးကြကွာ”တဲ့
ဆရာမှိုင်းရဲ့ အမှာစကား
ဆရာမှိုင်း သင်္ကေတကြားမှာ
အသက်ဝင်ရွေ့လျားနှင်းဆီတစ်ပွင့်ဖြစ်သွားတယ်။
တစ်ပွင့်၊ နှစ်ပွင့်၊ သုံးပွင့်
တစ်ပွင့်ပြီး တစ်ပွင့်ဆင့်ဆင့်ပြီးပွင့်လာလိုက်တာ
ဟောဒီအရုဏ်ဦးမှာကျုပ်အခန်းဟာ
နှင်းဆီလွင်ပြင်ဖြစ်သွားတယ်။
ခဏအကြာမှာတော့ မျက်စိရှေ့မှာတင်ပဲ
နံရံတွေ ပြိုလဲကျ၊
သံတိုင်ညိုတွေ ကျိုးပြတ်ပျော့ခွေ
အရုပ်ဆိုးဆိုး အုတ်ရိုးမြင့်ကြီးတွေတောင်တစစီ ကြေမွပြုတ်ထွက်
နံနက်ခင်းနေခြည်အောက်မှာတော
့မြင်ကွင်းအားလုံး တောက်ပ ရွှန်းလဲ့
အောင်စည်ရွှမ်းသံ လွှင့်လွှင့်ပျံ
မိုးယံသိမ့်သိမ့်သာတော့တယ်။
ဇွန်မှိုင်း

ဒီဇင်္ဘာ၂၀ ရက်၏ တမ်းခြင်း သို့ မဟုတ် ရဲဘော်ရဲ့ ကဗျာ

တင်းတင်းကိုက်ထားတဲ့
ငါ့ရဲ့ နှုတ်ခမ်းဟာ
ဖြန်းခနဲကွဲထွက်ပြီး
သွေးအစက်စက် စီးလိမ့်လာတယ်။
ငါ အံကိုကြိတ်ပြီး
လက်သီးကျစ်ကျစ်ဆုတ်မိတယ်
ဒီနေရာမှာ
ရဲဘော်ဟာ ကျဆုံးခဲ့တယ်။
ကတ္တရာလမ်းကိုခွာ
ရာဇ၀င်ရေးအရ
သုတေသန လုပ်ရင်
ရဲဘော်ရဲ့ ဂုဏ်ပုဒ်ကို တွေ့ ရမယ်။
ဘယ်သူငြင်းနိုင်သလဲ
စီးဆင်းခဲ့တဲ့ ရဲဘော်ရဲ့သွေးတွေအကြောင်း။
စပါးတားကပ်ရဲ့ ဂုဏ်ရောင်
ကုန်းဘောင်သူပုန် ဂဠုန်ဆရာစံ
ငုယင်ဗန်ထရွိုင်း အတိုင်းမသိသော
ချေဂွေဗားရား စသော
အာဇာနည် ရာထောင်သောင်းတို့ နှင့်အတူ
တရားတဲ့ပြည်သူတွေရဲ့ တိုက်ပွဲမှာ
ရဲဘော်ရဲ့သွေးဟာ နီရဲခဲ့တယ်
သူတို့် က ရဲဘော်ရဲ့ ဂုဏ်အထူးထူးကို
ဖော်ကျူးဖို့ ငြင်းဆန်ကြတယ်။
ဘယ်သူတွေရှိဦးမလဲ
ရဲဘော်မုန်းခဲ့တဲ့သူတွေ။
သူတို့ မုန်းတာကို
ရဲဘော်က စိမ်းကားတဲ့အပြုံးနဲ့ 
ပြုံးမှာပဲ၊ ယုံတယ်။
ပြည်သူချစ်တဲ့ အာဇာနည်အနှစ်ဟာ
ဘယ်ခေတ်မှာမဆို နုပျိုလန်းဆန်းနေမှာပဲ
မုချယုံတယ်။
ဗိုလ်အောင်ကျော်
ရဲဘော်
ဒီနေရာမှာ
တို့ ဟာ စာရွက်တွေဝေဖူးတယ်။
ရဲဘော်ရဲ့တိုက်ပွဲ
ရဲဘော်ရဲ့ တရားတဲ့တိုက်ပွဲတွေအကြောင်း။
ဒီနေရာကိုလာပြီး
ရဲဘော်စီးဆင်းခဲ့တဲ့
နီရဲတဲ့သွေးစက်တွေပေါ်မှာ
ငါ့ ဖြူဖပ်ရော်တဲ့
မျက်ရည်နဲ့ 
သူရသတ္တိမဲ့တဲ့ ရှိုက်သံနဲ
့ရဲဘော်ရဲ့ ဂုဏ်အခန်ခန်းကို
ညစ်နွမ်းအောင် ငါမလုပ်ဘူး။
ကဗျာတစ်ပုဒ်
ဟုတ်တယ်၊ ငါ့ကဗျာတစ်ပုဒ်
ရဲဘော်ရဲ့ဂုဏ်ပုဒ်ကို
ဖော်ထုတ်ဖို့ ကြိုးပမ်းတဲ့ ကဗျာတစ်ပုဒ်။
လက်ခံပါရဲဘော် အော်ဟစ်ပြီး ငါပန်ကြားတယ်။
ဒီကဗျာဟာ ငါ့ကဗျာမဟုတ်ဘူး။
ပြန်ငြင်းပါရစေ
ဖတ်ကြည့်စမ်းလေ
စေးထန်းတဲ့ သွေးစက်တွေရယ် ဘယ်သူ့ သွေးလဲ
ရဲဘော်ရဲ့ပူနွေးတဲ့သွေးတွေ
မခြောက်သေးတဲ့ သွေးအစက်စက်နဲ့ 
ရဲရဲ လက်လက် သီယှက်ထားတဲ့
ရဲဘော်ရဲ့ ကဗျာပါလား။ ။
မောင်လေးအောင်
၁၉၆၉ ခု၊ ဒီဇင်ဘာလ ၊မိုးဝေစာပေ မဂ္ဂဇင်း

မိုးရာသီသုံးခု၊ ရန်ကုန်တိမ်နဲ့ ဂေါဝိန်လုပ်ကဗျာ


(၁)
ကိုယ့်ဘာသာ ပြန်မေးစမ်းကြည့်မိတယ်။
ကျနော်ဘယ်တုန်းကစလို့ “ကဗျာ” နဲ့ယဉ်ပါးခဲ့တာလဲလို့။
တိတိကျကျ သေးသေးစိတ်စိတ်တော့ မှတ်ဥာဏ်မှာပြန်ပေါ်လာဖို့ မလွယ်ကူလှဘူး။ ဒါပေမယ့် ကျေးလက်မှာ ကြီးပြင်းရတဲ့ လူတစ်ယောက်အနေနဲ့ မှန်းဆကြည့်ရင်တော့ ကျနော်ဟာ “လူလေးရယ်ငို၊ ခိုဖမ်းလို့ပေး” နဲ့ ပုခက်ထဲမှာ အိပ်စက်ခဲ့ရလိမ့်မယ်။
တောက်ဆတ်တောက်ဆတ် ပြေးရမောလို့ ငိုက်မြည်းနေရှာ “မိထ္ထီလာကန်တော်အောက်က ဖားကောက်ခဲ့ပါ” ကြားခဲ့ရပေလိမ့်မည်။
ကျောက်သင်ပုန်းသေးသေးလေး၊ တစ်ချပ်ထဲမှာ ကျောက်တံလေးကိုကိုင်လို့ ၀လုံးလေးဝိုင်းဝိုင်းရေးဖို့ ကြိုးစားနေစဉ်မှာ
“ညီပုလေးကို စာအံသင်
ရွှေခဲစာအံသင်
ညီလေးခင် စာပြန်တုန်း
ရွှေခဲစာပြန်တုန်း
ဝလုံးရေးဖို့ ညီလေးထိုင်
ရွှေခဲမရေးနိုင်
ငေးမှိုင်ရှာပေါ့ ကြက်တူရွေး
ရွှေခဲကြက်တူရွေး”
လို့ အမေက ကျနော့်နံဘေးမှာ ကဗျာကိုတေးလိုဆိုလို့ အားပေးနေလိမ့်မည်။
ကမ်ရိုးတန်းဒေသ မိုးတွင်းကြီး လယ်ကွင်းထဲက ကျောင်းကိုတက်ရတဲ့ မူလတန်းဘ၀မှာ “ ၀ါဆိုဝါခေါင် ရေတွေကြီးလို့၊ သပြေသီးမှည့်ကောက်စို့ကွယ်” ကို အဖော်တစ်သိုက်နဲ့ ပျော်ပျော်ပိုက်ပိုက် သီဆိုဖူးခဲ့လိမ့်မယ်။
ဥပုသ်နေ့တွေမှာ အဖွားကဘုန်းကြီးကျောင်း သီလယူဖို့အသွား အတူမလိုက်ခဲ့ရမှာစိုးတာနဲ့ “မောင်မဆော့ပေါင် စ်ိတပုတီးနဲ့ ဘုန်းတော်ကြီးလိုနေပါ့မယ်” လို့ဖွဲ့နွဲ့ခဲ့ဖူးပေလိမ့်မည်။ကဗျာကပေးတဲ့ “အသံ”၊ “ပျော်ရွှင်မှု” တွေနဲ့ကြီးပြင်းခွင့်ရရှိတဲ့အတွက် အမေ၊ အဖွားနဲ့ကျေးလက်ဒေသစရိုက်တွေကို ကျေးဇူးတင်ရပါတယ်။
ကဗျာဟာ ကျနော့်ကိုအနှီးတစ်ထည်လို ထုပ်ပိုးခဲ့။
ကျောက်သင်ပုန်းနဲ့ ကျောက်တံလေးလို လေ့ကျင့်သင်ကြားပေးခဲ့။
ခြေနှစ်ဖက်၊ လက်အစုံလို ရပ်နိုင် ကိုင်နိုင်အောင် အားမာန်အပြည့် ထည့်သွင်းတပ်ဆင်ပေးခဲ့။

(၂)
ကလေးဘ၀မှာ ကဗျာရွတ်သံတွေကြား ကြီးပြင်းလာခဲ့တဲ့ ကျနော်တို့ဟာ အထက်တန်းကျောင်းသား လူပျိုပေါက်ဘ၀ (၇၀)လွန်နှစ်များနောက်ပိုင်းမှာတော့ ကဗျာဖတ်ခြင်းကိုပဲ အားပြုခဲ့ကြရတယ်။ ကဗျာရဲ့ပုံသဏ္ဌန်တွေကလည်း ပြောင်းလဲလာခဲ့ပါပြီ။ လေးလုံးစပ်ဆိုတိုင်းလည်း ရွတ်လို့ကောင်းတာမဟုတ်။ ရတု၊ ရကန် ပုံသဏ္ဌန်မျိုးမှာလည်း စိတ်ကငြီးလေတော့ မဂ္ဂဇင်းပါ လွတ်လပ်ကဗျာတွေကိုပဲ အားထားဖတ်၊ ကြိုက်ရင်ကူးထား၊ အကြိမ်ကြိမ်ပြန်ဖတ်ကြ၊ လဲလှယ်ဖတ်ကြ၊ လက်တို့ဖတ်ကြနဲ့ ကျေနပ်နေခဲ့ကြတယ်။
ကဗျာရွတ်ဖတ်သံက ကျနော့်လို တောသားတစ်ယောက်ကို ကြက်သီးမွှေးညှင်းထသည်အထိ ခံစားလိုက်ရစေတာ ၁၉ရ၆ မိုးရာသီမှာပါ။ အဲဒီညနေမှာ ကျွန်တော် ရှော့စ်(shock)ရခဲ့ဖူးပါတယ်။
ညနေခင်းဟာ အုံ့မှိုင်းနေတယ်။
ကျနော်တို့ တစ်ယောက်ကိုတစ်ယောက် မမြင်ကြရဘူး။ ဒါပေမယ့် ကျနော်တို့ အတူတကွရှိနေကြတယ်ဆိုတာ အားလုံးသိကြတယ်။ ပုံမှန်သံနဲ့ပြောလို့ တစ်ယောက်စကား တစ်ယောက်မကြားပေမယ့် အသံကျယ်ကျယ်အော်ပြောရင်တော့ အတော်များများကြားကြရပါတယ်။ ပြောနေသူနဲ့ သိပ်လှမ်းသွားရင်တော့ ကြားချင်မှ ကြားရမယ်ပေါ့။ ဒါပေမယ့် ကျနော်တို့အားလုံး အတူတကွ ရှိနေကြတယ်လေ။
ကျနော်တို့အားလုံးဟာ နုနယ်ပျိုမြစ်တဲ့ လူငယ်လူရွယ်တွေဖြစ်ကြတယ်။ အဲဒီအချိန်လေးမှာ ကျနော်တို့အားလုံးဟာ ကိုယ့်အသိုက်အမြုံ ကိုယ့်ဝန်းကျင်က ကွဲကွာနေကြရသူချည်းဖြစ်တယ်။ ဒါပေမယ့် ကျနော်တို့ဟာ တစ်စုံတစ်ရာကို အာသာပြင်းပြင်း ငတ်မွတ်နေကြတယ်။ စူးစူးနစ်နစ် ယုံကြည်နေခဲ့ကြတယ်။ နုနယ်တဲ့ ခန္ဓာကိုယ်လေးတွေထဲမှာ စူးရှရှသွေးတွေ စီးမျောလှည့်လည်နေတယ်။ နောင်တတရားမလိုတဲ့ ချာတိတ်တစ်သိုက်ရဲ့ စိတ်တွေဟာ သံတဲုးသံခဲတွေလို မာရေကြောရေ ရှိလှတယ်။
အဲဒီညနေခင်းမှာ ကောင်းကင်ဟာတိမ်တောင်တိမ်လိပ်တွေနဲ့ ညိုညစ်လေးလံနေပေမယ့် မိုးမငြိမ်ဘူး။ တကယ့်တကယ် ဟိန်းဟိန်းညံညံ ခြိမ်းမာန်ပေးလိုက်တာက ကဗျာရွတ်သံပါ။ ရွတ်သူဟာ ကျနော်တို့အစ်ကိုကြီးလိုချစ်ခင်လေးစားတဲ့ “ကိုမှိုင်း” ၊ သူရွတ်တာ ကဗျာဆရာမောင်လေးအောင်ရဲ့ “ဒီဇင်္ဘာ ၂၀ရက်၏ တမ်းတခြင်း သို့မဟုတ် ရဲဘော်ရဲ့ကဗျာ”။ ၁၃၀၀ပြည့် အရေးတော်ပုံမှာ အင်္ဂလိပ်အာဏာရှင်တွေရဲ့ လက်ချက်နဲ့ကျဆုံးခဲ့ရရှာတဲ့ ကျောင်းသားခေါင်းဆောင် ဗိုလ်အောင်ကျော်ကို ဂုဏ်ပြုစပ်ဆိုထားတဲ့ ကဗျာပါ။
ကျနော်တို့ ရွတ်သူမျက်နှာကို မမြင်ရဘူး။ သူ့ရွတ်ဟန်ကို မတွေ့ရဘူး။ သူ့အသံချည်းသက်သက်သာ ကြားခွင့်ရခဲ့ကြတယ်။

တင်းတင်းကိုက်ထားတဲ့
ငါရဲ့နှုတ်ခမ်းဟာ
ဖြန်းကနဲကွဲထွက်ပြီး
သွေးစက်စက် စီးလိမ့်လာတယ်။
ငါ အံကိုကြိတ်ပြီး လက်သီးကျစ်ကျစ်ဆုပ်မိတယ်။

ကဗျာဆရာရဲ့ရင်ခေါင်းထဲက ထွက်လာတဲ့အသံဟာ မီးပေါင်ပြည့်ရထားတစ်စီး ကိုယ့်ဆီ တည့်တည့်မတ်မတ်ကြီး တိုးဝင်တိုက်ချလိုက်သလိုပါပဲ။ ကဗျာနတ်ဟာ ရွတ်ဆိုသူဆီမှာရော ကျနော်တို့ဆီမှာပါတစ်သားထဲ ပူးကပ်ဝင်ရောက်ခဲ့ပါပြီ။ တကယ်တော့ ဒီအခိုက်အတန့်လေးမှာ ကျနော်တို့အားလုံးဆီကို ကဗျာဆရာကိုယ်တိုင် ရောက်ချလာတာလဲဖြစ်နိုင်သလို သမိုင်းတစ်ခုလုံး ဆိုက်ရောက်လာတာလည်း ဖြစ်နိုင်ပါတယ်။ ရွတ်ဆိုသူဟာ စာရွက်ကိုကြည့်ပြီး ရွတ်နေတာမဟုတ်ဘူး။ အသည်းနှလုံးထဲမှာ ထွင်းထည့်ထားတဲ့ ခံစားမှုတွေကို အန်ထုတ်နေတာ။

စပါတာကပ်ရဲ့ ဂုဏ်ရောင်
ကုန်းဘောင်သူပုန် ဂဠုန်ဆရာစံ
ငုယင်ဗန်ထရွိုင်း အတိုင်းမသိသော
ချေဂွေဗားရား စသော
အာဇာနည် ရာထောင်သောင်းတို့နှင့်အတူ..

ကဗျာရွတ်သံဟာလမ်းမတွေကိုခွာပြီး သမိုင်းကိုတူးဖော်ပြနေတယ်။ သက္ကရာဇ်တွေနောက်ပြန်ရစ်ပြီး ပြနေတယ်။ အင်္ဂလိပ်နယ်ချဲ့ အာဏာရှင်ရဲ့ ဖိနှိပ်မှုကို အံတုဆန့်ကျင်ခဲ့တဲ့ ဗိုလ်အောင်ကျော်ရဲ့ ဂုဏ်အထူးထူးကို ဆက်ချီးကျူးခဲ့တယ်။

သူတို့မုန်းတာကို
ရဲဘော်က စိမ်းကားတဲ့အပြုံးနဲ့
ပြုံးမှာပဲ ယုံတယ်။
ပြည်သူချစ်တဲ့ အာဇာနည်အနှစ်ဟာ
ဘယ်ခေတ်မှာမဆို နုပျိုစိမ်းလန်းနေမှာပဲ
မုချယုံတယ်။
ဗိုလ်အောင်ကျော်

ရဲဘော်
ဒီနေရာမှာ
တို့ဟာ ရဲဘော်ကို အကြိမ်ကြိမ် ဂုဏ်ပြုဖူးတယ်။
ဗိုလ်အောင်ကျော်
ရဲဘော်
ဒီနေရာမှာ
တို့ဟာ စာရွက်တွေ ဝေခဲ့ဖူးတယ်။

နယ်ချဲ့ဆန့်ကျင်ရေး မြန်မာပြည်လွတ်လပ်ရေးအတွက် ခေတ်အဆက်ဆက်တိုက်ပွဲဝင်ခဲ့သော ပျိုမြစ်သူတို့ရဲ့သတ္တိသွေးနဲ့ရေးခဲ့တဲ့ မော်ကွန်းရုပ်ရှင်ဟာ နံရံတွေမှာ တဖြတ်ဖြတ် ထင်လာနေပါတော့တယ်။ အမှန်တရားအတွက် တော်လှန်ဝံ့သူ လူငယ်လေးတွေကို တိုက်ခိုက်ဖို့လာတဲ့ အင်္ဂလိပ်စစ်သားတွေရဲ့ ဘွတ်ဖိနပ်သံ၊ စစ်မြင်းခွာသံတွေ ဖြောင်းဖြောင်းညံလာခဲ့တယ်။

ငါ့ ဖြူဖပ်ရော်တဲ့
မျက်ရည်နဲ့
သူရ သတ္တိမဲ့တဲ့ ရှိုက်သံနဲ့
ရဲဘော်ရဲ့ဂုဏ်အခန်းခန်းကို
ငါ ညစ်နွမ်းအောင်မလုပ်ဘူး။
ကဗျာတစ်ပုဒ်
ဟုတ်တယ်၊ ငါ့ကဗျာတစ်ပုဒ်
ရဲဘော်ရဲ့ ဂုဏ်ပုဒ်ကို
ဖော်ထုတ်ဖို့ ကြိုးပမ်းတဲ့ကဗျာတစ်ပုဒ်။
လက်ခံပါရဲဘော်
အော်ဟစ်ပြီး ငါပန်ကြားတယ်။
ကဗျာရွတ်သံဟာ နံရံမြင့်မြင့်ကြီးတွေတောင် လွင့်ခါသွားတော့မတတ်၊ လှိုင်းပြင်းပြင်းနဲ့ လှိုက်လှိုက်ခါနေရာက ရပ်သွားတယ်။ ဒီအချိန်မှာ ဘယ်လိုမှမရပ်တန့်နိုင်တာက ကျနော်တို့ရင်ထဲက အကြီးအကျယ် တုန်ခါနေတဲ့ နှလုံးခုန်သံ၊ ကျနော်တို့ဟာ အတိတ်သမိုင်းဆီကိုခုချက်ချင်း ပြန်သွားခဲ့ကြတယ်။ ပြီးတော့ချက်ချင်းဆိုသလိုပဲ မျက်မှောက်ကို ပြန်ရာက်ခဲ့ကြရပြန်တယ်။ မြင်ခွင့်မရသေးတဲ့ အနာဂတ်ကို ဖိုးကပ်စ်(focus) လှမ်း ဖမ်းခဲ့ကြတယ်။ အဲဒီ အခိုက်အတန့်လေး အတောအတွင်းမှာ ကျနော်တို့ရင်ထဲဖြစ်ပျက်နေပုံကို ဘာကိရိယာနဲ့မှတိုင်းတာ မှတ်တမ်းတင် ထားနိုင်မယ်မထင်ဘူး။
အဲဒီညနေဟာ ….
ကျနော် အပြုစားခံရတဲ့ညနေ။
ကဗျာရွတ်ဆိုခြင်းအတတ်နဲ့ ဘူးသွင်းခံလိုက်ရတဲ့ ဆည်းဆာရီ။
ကျနော်တစ်သက်မှာ ဘယ်တော့မှ မေ့မှာမဟုတ်တဲ့ နေ့တစ်နေ့ရဲ့ အလင်းမှိန်နိဂုံး။
ကဗျာ
ကဗျာရွတ်သံ။
ပ်ိတ်လှောင်မွန်းကြပ်မှု၊ အထီးကျန်မှု၊ အားငယ်မှုအားလုံးကို ဒီကဗျာရွတ်သံတစ်ခုတည်းက သေချာပေါက်လွတ်မြောက်စေခဲ့တယ်။ ဒါဟာ ၁၉၇၆ မိုးတစ်ညနေ။ ကျနော်တို့အားလုံး အတူရှိခဲ့ကြဖူးတဲ့ သမိုင်းဝင် မြေမှာ။
(၁၉၆၉ ခု၊ ဒီဇင်ဘာလ၊မိုးဝေ မဂ္ဂဇင်းမှာဖော်ပြခဲ့တဲ့ ကဗျာဆရာမောင်လေးအောင် ရဲ့ “ဒီဇင်္ဘာ ၂၀ရက်၏ တမ်းခြင်း(သို့မဟုတ်) ရဲဘော်ရဲ့ကဗျာ” အပြည့်အစုံတစ်ပုဒ်လုံးကို ချယ်ရီမဂ္ဂဇင်း(၁၉၉၉) နဲ့ ၂၀၀၀ခုနှစ်မတ်လမှာ ပထမအကြိမ်ထုတ်ဝေခဲ့တဲ့ “အောင်ဝေး”ရဲ့ “ကဗျာအလုပ်ရုံကလေး” စာအုပ်မှာ ပြန်လည်ဖော်ပြထားတာတွေ့ရပါတယ်။ အဲဒီရဲ့ ရှေ့နဲ့နောက်မှာလဲ အကြိမ်ကြိမ်ပုံနှိပ် ဖော်ပြခဲ့ဖူးတဲ့ မှတ်တမ်းမှတ်စုတွေရှိနိုင်သေးတယ်။ လူတွေနဲ့ လူသမိုင်းဟာ ကဗျာကောင်းတစ်ပုဒ်ကို တော်ရုံနဲ့မေ့ပျောက်ပစ်လို့ မရနိုင်တာသေချာတယ်)

(၃)
ကျနော်ဟာ ကဗျာတစ်ပုဒ်ရဲ့ စာသားအနက်အဓိပ္ပာယ်ထဲ မှော်ဆန်တဲ့ရွတ်ဆိုသံ ဌာပနာထားပြီးဖမ်းစားတာလည်း ခံခဲ့ရဖူးပြီ။ အဲဒါ ၁၉၇၆ မိုးရာသီ။
အဲဒီ ကဗျာဆိုတဲ့ အလင်းအမှောင်၊ အရုပ် အရောင်တွေနဲ့ ပူးပေါင်းပြီး လူကိုယစ်မူးစွဲလမ်းအောင် သိမ်းသွင်းလုပ်ဆောင်တတ်မှန်း သိခဲ့ရတာက ၁၉၉၅ မိုးရာသီ။
ဗိုလ်ချုပ်လမ်းပေါ်က ၀ဇီရာ ရုပ်ရှင်ရုံ။
အဲဒီမှာ ဇာတ်မင်းသားလေး မောင်သိန်းဇော် ဇာတ်ကနေတယ်။ “ကိုသိန်းဇော်” ဇာတ်ကတာမမြင်ဖူးတော့ ကြည့်ချင်တယ်။ အဲလိုနဲ့ သူကနေတဲ့တစ်ရက်၊ နေ့လည်ခင်းတစ်ခုမှာ ကျနော်တို့ ရောက်သွားခဲ့ကြတယ်။ ဇာတ်ကတော့ ထုံးစံအတိုင်း ကစရာရှိက၊ ပြစရာရှိပြ၊ ပြောစရာရှိပြော၊ ပြက်စရာရှိပြက်၊ ဆိုစရာရှိဆို၊ ငိုစရာရှိငိုပေါ့။ သေသေသပ်သပ်လေး တင်ဆက်နေပါတယ်။
ကနေတဲ့ဇာတ်နဲ့ ဘယ်လိုမှ ပတ်သက်ဆက်နွယ်စရာမရှိဘဲ ကြားဖြတ်တင်ဆက်လိုက်တာကတော့ ကိုသိန်းဇော် ကဗျာရွတ်ခြင်း အစီအစဉ်ပါပဲ။ ကျနော်ငိုင်သွားခဲ့တယ်။ သူရွတ်သံထဲမှာ မိန်းမောပျော်ဝင်သွားခဲ့တယ်။ နဂိုကတည်းက ကဗျာကို စွဲလမ်းငြိတွယ် ချစ်ခင်ရင်းစွဲ ရှိနေတဲ့ ကျနော်ဟာ မာယာတောလယ်မှာ ငြိမ့်ငြိမ့်မျောခဲ့တယ်။ ကဗျာရွတ်နေသူ ဇာတ်မင်းသားလေး သိန်းဇော်(ကဗျာဆရာ) ကို ကြည့်ရတာ သူ့ကဗျာထဲမှာ သူကိုယ်တိုင်ပြန်မျောနေသလို။ သူကဗျာထဲသူပြန် ပိတ်မိနေသလို။
ကဗျာရွတ်သံဟာ တိုးညှင်းသွားလိုက်၊
ကျယ်လောင် ပီသလာလိုက်၊
အလင်းဟာ ပြက်တစ်လှည့် ဖျော့တစ်ခါ၊
အရောင်ပြောင်းတွေ လက်တစ်မျိုး၊ လျော့တစ်လှည့်။
နံရံခြောက်ဘက်စလုံး ပိတ်လှောင်ထားတဲ့ ဇာတ်ရုံ မှောင်မှောင်ထဲမှာ နှင်းတွေကျလာသယောင်၊ ဗိုလ်ချုပ်လမ်းပေါ်မှာ စွေစွေရွာနေတဲ့ မိုးတွေကပဲ ဒီပွဲခင်းထဲတဖွဲဖွဲ ကျလာသယောင်။
စာသားရွတ်ဆိုသံအပြင် အဆင်တန်ဆာအပြည့်အစုံ တင်ဆင့်ထားတဲ့ကဗျာဟာ ဇာတ်ရုံထဲကထွက်ပြီး ကမ္ဘာမြေအနှံ့ လွတ်လွတ်လပ်လပ်ကြီးကို ပျံသန်းနေတာ တွေ့လိုက်ရပါတော့တယ်။
ကျနော်လည်း ကဗျာနဲ့အတူလိုက်ချင်တယ်။
ကျနော်ချစ်တဲ့ ပြည်သူတွေနဲ့အတူပေါ့။
ဟင်းလင်းပွင့်ကောင်းကင်ယံမှာ အတိုင်းအဆမဲ့ သန့်စင်လေတွေ ရှုရင်းရှိုက်ရင်း၊ ပြောဆိုဆွေးနွေးရင်း၊ ရယ်မောပျော်ရွှင်ရင်း၊ ကျီစယ်နောက်ပြောင်ရင်း၊ ရင်းနှီးချစ်ခင်စွာ၊ အတူတကွ ။
(ရွတ်နေတဲ့ကဗျာ)ကို စာသား၊ ရွတ်သံအပြင် အခြားသော သင်္ကေတပုံတွေထပ်ပြီး ထည့်ပိုးလိုက်တဲ့အခါ သိပ်လှသွားတာ တွေ့ခဲ့ရပါတယ်။

(၄)
၂၀၀၇ မိုးရာသီတစ်ရက်၊ နေ့လည်။
မစ္စတာဂီတာကဖေး၊ ဆရာစံလမ်း၊ ရန်ကုန်။
အဲဒီမှာကျင်းပတဲ့ အိပ်ခ်ျအိုင်ပီကူးစက်ခံ မိဘမဲ့ကလေးများနဲ့ ပရဟိတကလေး စောင့်ရှောက်ရေးဂေဟာအတွက် အလှူငွေကောက်ခံပွဲတစ်ခုကို ရောက်ရှိခဲ့ပါတယ်။
စာပေ၊ ဂီတ၊ ရုပ်ရှင်၊ နဲ့ အခြားသော အနုပညာနယ်ပယ်က ထင်ရှားသူတစ်ချို့ အလှူငွေကောက်ခံပွဲ အောင်မြင်အောင်ဆောင်ရွက်ပေးကြဖို့ စုရုံးရောက်ရှိနေကြပါတယ်။ လူငယ်အများစုပါ။ အဲဒီမှာ ကဗျာရွတ်ကြပါတယ်။ သီချင်းဆိုကြပါတယ်။ တီးခတ်ဖျော်ဖြေကြပါတယ်။ ပါဖောင့်မင့်န် နဲ့တင်ဆက်ကြပါတယ်။ အားလုံးလိုလိုဟာ သူတို့ရဲ့ အကောင်း ဆိုတာတွေကို ပေးဆပ်တင်ဆက်သွားကြပါတယ်။ ဒီအထဲက ကဗျာရွတ်ဆိုမှုတစ်ခုကို ထုတ်နှုတ်ပြောပြချင်ပါတယ်။ စိုးသော်တာ ရဲ့ “ရန်ကုန်တိမ်” ကဗျာရွတ်ဆိုမှုပါပဲ။
စိုးသော်တာ စင်ပေါ်တက်လာပါတယ်။


(ဖော်ပြထားတဲ့ပုံဟာ ခင်ဗျားတို့မြင်နေရတဲ့အတိုင်းပါပဲ) မုတ်ဆိတ်ကျင်စွယ် မသုတ်သင်ထားပဲ အနီရောင်တီရှပ်တစ်ထည်ကို ၀တ်ဆင်ထားတဲ့ ကဗျာဆရာကို တွေ့ရပါ့မယ်။
စင်ပေါ်ရောက်တဲ့အခါ ကဗျာဆရာဟာ ယပ်တောင်တွန့်ခေါက်ထားတဲ့ သူ့ကဗျာစာရွက်ကို ဓားတစ်ချောင်းနဲ့ ခေါက်ရာအတိုင်း လှီးဖြတ်ပါတော့တယ်။ ကဗျာစာရွက်ဟာ အပိုင်းပိုင်း အပြတ်ပြတ်ဖြစ်သွားပါတယ်။ အစုအပေါင်းနဲ့တည်ရှိနေတဲ့ (မကြားရ) မမြင်ရသေးလို့ ဘာရယ်မှန်း ကျနော်တို့မသိရသေးတဲ့ ကဗျာ (သို့မဟုတ်) တည်ရှိမှုတစ်ခုကို သူ စတင်စိတ်ဖြာ ပြလိုက်ခြင်းပါပဲ။ အဲဒီနောက်တော့ မူလက ကဗျာတစ်ပုဒ်အဖြစ်တည်ရှိနေတဲ့ ကဗျာတစ်ရွက်ဟာ ခုတော့ လက်နှစ်လုံးသာသာ စာရွက်အပိုင်း အမွှာလေးတွေဖြစ်သွားပါပြီ။ ပြီးတော့ ခုရွတ်ဆိုမယ့်ကဗျာဟာ (ဗြူတီမဂ္ဂဇင်း၊၂၀၀၇) မှာ ပုံနှိပ်ဖော်ပြထားပြီးကဗျာ ဖြစ်ကြောင်း မိတ်ဆက်ပါတယ်။ ပြီးတော့ ရွတ်ဆိုဖို့ပြင်လိုက်ပါတယ်။
သူ့ဘယ်ဘက်လက်မှာ“ကဗျာဖြတ်သားပိုင်း” အထပ်လိုက်ကို စုကိုင်ထားပါတယ်။ အဲဒီနောက်ညာဘက်က စာရွက်အပိုင်းတစ်ပိုင်းကို ဆွဲထုတ်လိုက်ပါတယ်။ ဒီစာရွက်အပိုင်းအစလေးထဲမှာ သူ့ကဗျာတစ်ပုဒ်လုံးထဲက စာကြောင်းတစ်ကြောင်းပါပါတယ်။ သူဟာ အဲဒီကဗျာ စာကြောင်းကို ရွတ်ပါတယ်။ ရွတ်ပြီးပြီးချင်းမှာ ဆန့်တန်းထားတဲ့ ညာဘက်လက်နဲ့ ရွတ်ပြီးသွားတဲ့စာရွက်ပိုင်းကို လေထဲမှာဝဲပြီး လွှင့်ပစ်လိုက်ပါတယ်။ သူလုပ်ဆောင်ရမယ့်အလုပ်တစ်ခု ပြီးမြောက်သွားတယ်ဆိုတဲ့ သဘောပါပဲ။ စင်တစ်ဖက်က တေက်လျှောက်ထိုးမှုတ်ထားတဲ့ ပန်ကာလေနဲ့အတူ သူ့လက်ကလွှတ်လိုက်တဲ့ ရွတ်ဆိုပြီးကဗျာစာရွက်အပိုင်းလေးဟာ တလွင့်လွင့်ပါသွားပါတယ်။ ဒီအပိုင်းအစလေး ဘယ်ရောက်သွားမယ်ဆိုတာ ကဗျာဆရာလည်း မသိ၊ ကျနော်တို့လည်း မသိ။
ပြီးတာနဲ့ ခုနကလိုပါပဲ။ ဘယ်လက်နဲ့ကိုင်ထားတဲ့ စာရွက်အပိုင်းအစလေးတွေထဲကတစ်ခုကို ညာလက်နဲ့စွဲယူလိုက်၊ ဆွဲယူလို့ပါလာတဲ့ စာကြောင်းကိုရွတ်ဖတ်လိုက်၊ ပြီးပြီးချင်းအဲဒီစာရွက်ကို လေထဲလွှင့်ပစ်လိုက်၊ အကြိမ်ကြိမ်လုပ်ပြပါတယ်။ ဘယ်သူ့ကိုမှလည်း မကြည့်၊ ဘယ်လိုတုန်လှုပ်မှုမျိုးမှလည်း မရှိ၊ ဘာကိုမှဂရုမစိုက်ပဲ ကဗျာကို တစ်ကြောင်းချင်းရွတ်နေတဲ့ ကဗျာဆရာကိုပဲ ကျနော်ကြည့်နေမိပါတယ်။
ကျနော့်စိတ်အာရုံမှာ သူဟာ ကဗျာဆရာမဟုတ်တော့ပါဘူး။
သူဟာ ရှေ့နေကြီးတစ်ယောက်ဖြစ်သွားခဲ့ပါတယ်။ သူဟာစွဲချက်တစ်ခုကို ရွတ်ဖတ်နေတာပါ။ ကဗျာဖတ်နေတာ မဟုတ်တော့ပါဘူး။ သူ့ရဲ့စွဲချက်တင်ခြင်းခံနေရသူက ရန်ကုန်မြို့ကြီးပါ။ ရန်ကုန်မြို့ကြီးဆိုတာ ကျနော်တို့ခင်ဗျားပါရောက်ရှိနေတဲ့ ခေတ်ကာလကြီးတစ်ခုထဲက အထင်ကရနေရာတစ်ခု၊ အဲဒီရန်ကုန်ရဲ့ပုံရိပ်ဆိုတာဟာ လူမှုဘ၀တွေအများကြီးကို စုပေါင်းထင်ဟပ်ထားတဲ့ ပန်းချီကားတစ်ချပ်ပါပဲ။ ကဗျာဆရာဟာ သူဖြတ်သန်းနေရတဲ့ ခေတ်ကာလကြီးကို သူမြင်သလို ဖော်ကျူးနေတာ သေချာလှပါတယ်။ သူဟာ ရန်ကုန်တိမ်လို့ အမည်တပ်ပြောနေပေမယ့် ရန်ကုန်မှာ နေထိုင် ရုန်းကန် လှုပ်ရှားနေကြသူများရဲ့ဘ၀ အထွေထွေကို ရည်ညွှန်းတာလည်းဖြစ်နိုင်နေပြန်ပါတယ်။
အသံအနိမ့်အမြင့်မရှိ၊ အသံသေတစ်ခုတည်းနဲ့ ကဗျာကို တစ်ကြောင်းချင်းဖတ်သွားပုံက ပြစ်မှုတစ်ခုချင်းအတွက် စွဲချက်တွေ တစ်ခုချင်းစီ ရုံးတော်ကိုတင်ပြနေသလိုပါပဲ။ (နောက်ဆုံး အဆုံးသတ် တစ်ပိုဒ်ကလွဲလို့ပေါ့)
ကဗျာကိုစရွတ်ကတည်းက နောက်ခံဂီတသံဟာ တိမ်တစ်လှည့် ကျယ်တစ်ခါ ကဗျာစာသားအနက်များအတိုင်း လူးလိမ့်လိုက်ပါနေတာကြားရပါတယ်။ အဲဒီအခါ ကဗျာဟာ ရွတ်ဆိုသူနဲ့ နားဆင်သူကြားမှာ တစ်သားတည်းဖြစ်သွားခဲ့တယ်။
သူ့ကဗျာကို အသံထွက်ဖတ်ကြည့်၊ ရွတ်ကြည့်လိုက်ကြပါဦး။ စာတစ်ကြောင်းစီဟာ “စီနီမာစကုပ်” မြင်ကွင်းကျယ် ရုပ်ရှင်တစ်ကားစီဖြစ်တယ်လို့ အတွေးတွေကိုလွှင့်ထားလိုက်ရင်ပိုများ အဆီအငေါ်တည့်လေမလား။



ရန်ကုန်တိမ်ဟာ
ငြိမ်ငြိမ်မနေဘူး
ရန်ကုန်တိမ်ဟာ
ဆိတ်ငြိမ်ရာအရပ်ကိုလည်း မသွားချင်ဘူး
ရန်ကုန်တိမ်ဟာ
အိမ်ခြေရာခြေလည်းမဲ့
ရန်ကုန်တိမ်ဟာ
ဇိမ်ယစ်တတ်တဲ့ အပျင်းကောင်
ရန်ကုန်တိမ်ဟာ
အကြိမ်ကြိမ် ရှူံးနိမ့်ခဲ့ဖူးသူ
ရန်ကုန်တိမ်ဟာ
နွားရိုင်းသွင်းချိန် ပျော်တယ်
ရန်ကုန်တိမ်ဟာ
မြိန်ရေယှက်ရေ အစားကြူးသူ
ရန်ကုန်တိမ်ဟာ
ကလိန်ကကျစ် ၀ှက်ဖဲတစ်ချပ်
ရန်ကုန်တိမ်ဟာ
အချိန်ပြည့် မူးနေတတ်သူ
ရန်ကုန်တိမ်ဟာ
ခြေမငြိမ် လက်မငြိမ်ကောင်
ရန်ကုန်တိမ်ဟာ
ချိန်ပြီး ပစ်တတ်သူ
ရန်ကုန်တိမ်ဟာ
ကျိန်စာကိုလည်း မယုံကြည်
ရန်ကုန်တိမ်ဟာ
လိင်ကိစ္စနဲ့ နာမည်ပျက်သူ
ရန်ကုန်တိမ်ဟာ
သိဟ်ရာသီမှာ ဟိုပြေးသည်ပြေး
ရန်ကုန်တိမ်ဟာ
ထိမ်ဝှက်ခံ သီချင်းတစ်ပုဒ်
ရန်ကုန်တိမ်ဟာ
စိန်ခေါ်ရင် ဘွာမခတ်သူ
ရန်ကုန်တိမ်ဟာ
ကြိမ်ဒဏ်လည်း ခံဖူးရဲ့
ရန်ကုန်တိမ်ဟာ
တစ်ချိန်ချိန်မှာတော့
ဘ၀အနာကြီး……….နာပြီး
တိမ်များရဲ့သူကြီးအဖြစ်
မှတ်တမ်းကျန်ရစ်ခဲ့မယ် လို့
ကိုယ့်ကိုယ်ကိုယ် ယုံကြည်နေတယ်။ ။


စာမျက်နှာပေါ်မှာ သူ့ချည်းသီးသီးရှိနေဆဲ ဖတ်လိုက်ရတဲ့ကဗျာတစ်ပုဒ်နဲ့ ပံ့ပိုးမှုအပြည့်ပါတဲ့ ကဗျာတစ်ပုဒ်ကို ခံစားရပုံခြင်းကတော့ သေချာပေါက် ကွာဟမှုရှိလိမ့်မယ်လို့ ကျနော်ထင်ပါတယ်။
အခုပွဲမှာ မြင်ကွင်းကျယ်ရန်ကုန်မြို့ရဲ့ လူမှုရှုခင်းကို ဇာတ်ညွှန်းတစ်မျိုးနဲ့ ရေးသားဖွဲ့ဆိုရွတ်ပြသွားသူ ကဗျာဆရာတစ်ယောက် ရှိပါသေးတယ်။ ကဗျာဆရာ“မိုဃ်းဇော်” ပါ။ အဲဒီကဗျာက ဒုတိယအကြိမ်မြောက် ရွှေအမြုတေ စာပေဆုရ၊ “ရန်ကုန်ည” ကဗျာပါပဲ။ ကဗျာအရေးကောင်းသလောက် အရွယ်ကောင်းတဲ့ ဆရာမိုဃ်းဇော်ရဲ့အသံဟာ ထွက်ပေါက်မဲ့ လှိုဏ်ခေါင်းတစ်ခုထဲတိုးဝင်သွားပြီး လှည့်ပတ်မွှေနှောက်လိုက်တဲ့ မုန်တိုင်းတစ်ခုလိုပါပဲ။ ထိချက်တွေက ပြင်းလွန်းလှတယ်။ စိတ်ဓါတ်တွေ ဖရိုဖရဲနဲ့ ပြိုလဲကျလုမတတ် ဖြစ်ခဲ့ရပါတယ်။ ဆောင်ပါးတစ်ပုဒ်သီးခြားရေးမယ်စိတ်ကူးနဲ့ ကဗျာမြည်းလေးပဲ ဖော်ပြလိုက်ပါတယ်။ ရန်ကုန်မြို့လည်ခေါင်က လူစီးကြောင်းထဲမှာ ခင်ဗျားလမ်းလျှောက်ဖြစ်တဲ့အခါ ဒီကဗျာဟာ ခင်ဗျားဘေးနားမှာ အတူရှိနေပါလိမ့်မယ်။



ဆုပ်ကိုင်နိုင်သမျှ ဆုပ်ကိုင်
ရပ်တည်နိုင်သမျှ ရပ်ထား
ဘာမှ အလကားမရဘူးဆိုလို့
စတိုးဆိုင်ရှေ့က လမ်းဖြတ်ကူးခဲ့တယ်။
ဒီမှာလေ
ကြပ်မပြည့်တဲ့ ညဥ့်ငှက်တွေ
ပြန်လည်ရှင်သန်လာကြတဲ့
ရန်ကုန်ဆိုတဲ့ ရန်ကုန်ညမှာ
ပန်းဆိုးတန်းတစ်ဝိုက်
လမ်းသလားကြည့်လိုက်တော့
ရန်ကုန်ညဟာ
ကားမီးရောင်နဲ့တုန်နေခဲ့၊
………………………….
………………………….
………………………….
အနော်ရထာ လမ်းမကြီးဟာ
ခြေသံတွေကို ထမ်းထားဆဲ
ချွေးတစိုစို လမ်းမကြီးတွေနဲ့
ဂုံးကျော်တံတားကြီးတွေအောက်
ဘ၀တွေ စီးဆင်းနေလေရဲ့
ဘယ်ဆီ ဘယ်ဝယ်မသိ
ဘ၀တွေ စီးဆင်းနေလေရဲ့ ။



(၅)
စိုးသော်တာ ကဗျာရွတ်ပြီးလို့ စင်ပေါ်ကဆင်းသွားပါပြီ။ အခမ်းအနားဟာ သူ့အစီအစဉ်အတိုင်း ဆက်သွားနေပါတယ်။ အသံဗလံတွေလည်း ဆက်ထွက်လို့ပေါ့။
ကျနော့်နားထဲမှာအသံတွေ ခဏတိတ်သွားခဲ့တယ်။
(အဲဒီခဏဆိုတာ အချိန်ဘယ်လောက်ကြာမှန်း ကျနော်မသိ)
ကျနော်ဆီ “ရန်ကုန်တိမ်” ဟာဆိုတဲ့ အသံနဲ့တူတဲ့အသံတစ်ခု ၀ဲပျံတိုးဝင်လာနေတယ်။ ဒီလိုစွဲချက်မျိုးမဟုတ်ပေမယ့် ဒီလို သရုပ်ဖော်မှုမျိုး ကျနော်ဘယ်မှာကြားသိခဲ့ဖူးပါလိမ့်။ ကျနော့်အတွေးတွေဟာ ပစ်မှတ်ရှာမြှားတစ်စင်းလို အဝေးကြီးကိုထွက်သွားခဲ့တယ်။ အဲဒီနောက် ကျနော့်မှတ်ဥာဏ်မှာ ကျနော်ကြားဖူးတဲ့အသံ ပြန်ထင်လာပါတော့တယ်။ အဲဒီအသံကတော့ “ဂေါဝိန်ဟာ အိပ်ရာကနိုးပြီဆို ခိုတောင်မုန့်တီ တစ်လုံးစားတယ်” ဆိုတဲ့ဝါကျတစ်ကြောင်းဆီကထွက်လာတဲ့အသံပါ။
အိမ်ပြန်ရောက်တဲ့အခါ အိပ်မပျော်ပါဘူး။ စိုးသော်တာနဲ့ “ရန်ကုန်တိမ်” က ပေးလိုက်တဲ့အတွေးဟာ ဖုံတသောသောတက်နေတဲ့ စာအုပ်ပုံကြီးကို မွှေနှောက်ရှာဖွေဖို့ အရေးဖြစ်လာပါတော့တယ်။ ရန်ကုန်တိမ်တွေ အုပ်ဆိုင်းနေတဲ့ ရန်ကုန်မိုးရာသီ မီးမှိန်မှိန်နဲ့ပဲ ကျနော်နှစ်သက်စွဲလန်းဖူးတဲ့ ဂေါဝိန်ကိုပြန်ရှာရပါတော့တယ်။ ကျနော်နှစ်သက်ဖူးတာ “ဆရာသိုက်ထွန်းသက်” ရဲ့ “ဂျီသြမေတြီဂေါဝိန်” ပါ။ ၁၉၉၁ ဇန္န၀ါရီ ပေဖူးလွာမှာ ဖော်ပြပါရှိခဲ့ပါတယ်။ လွန်ခဲ့သော (၁၆)နှစ်လောက်က ဆရာသိုက်ရဲ့လက်ရာ အလွန်ရိုးသားတဲ့ရေထမ်းသမား “ကိုမှတ်တင်” နဲ့စိတ်ကစားပြီး မိဘအသိုင်းအ၀ိုင်းကို မလွန်ဆန်နိုင်တဲ့ “စိန်စိန်သီ” ဆိုတဲ့ ကောင်မလေးတစ်ယောက်ကို ပင်တိုင်ထားပြီး ဂေါဝိန်ဆိပ်ရဲ့ ရုပ်ပုံလွှာကိုဖွဲ့ထားတဲ့ ၀တ္ထုတိုလေးပါ။


မိုးတစ်စိမ့်စိမ့်မှာ ကျနော်ဂေါဝိန်ဆိပ်ကို ရောက်သွားခဲ့ရပြန်ပါတယ်။ မန္တလေးဘက်ကမ်းဆီ အိပဲ့အိပဲ့လာနေတဲ့ ခိုတောင်မုန့်တီသည်လေးတွေကို ငေးမျှော်ရင်း အရောင်းအ၀ယ်ပါးနေတာရှာတဲ့ ဟိုးတုန်းက “ဂေါဝိန်ဈေး” ချောက်တီးချောက်ချက်ထဲကို လည်ပတ်ကြည့်ရှုငေးမောရင်း၊ “ကိုမှတ်တင်” နဲ့စကားစမြည်ပြောရင်း “စိန်စိန်သီ” ကိုလူကဲခတ်ရင်း ဂျီသြမေတြီဘာသာရပ်ထဲက အမြင်ပြောင်းကြည့်ခြင်း နည်းနာတစ်ရပ်ကို သတိတရဖြစ်လာပါတယ်။
ဆရာသိုက်ဟာ သူ့ဝတ္ထုကို ၀ါကျနှစ်ကြောင်းနဲ့ အဆုံးသတ်ခဲ့တယ်။ ဒီလိုပါ။
လှအောင် ကဗျာဆရာမဟုတ်ဘဲနဲ့ စမတ်ကျကျ ကဗျာရွတ်နေသေးတယ်။
“ဂေါဝိန်ဟာ လိပ်ပြာမလှတဲ့ မိန်းမငယ်တစ်ယောက်အတွက် ရေထမ်းသမားကြီးတစ်ယောက်နဲ့အတူ အရက်ဖြူ သောက်တယ်” တဲ့။
ဝတ္ထုရေးဆရာဟာ သူ့ဝတ္ထုထဲမှာ ကဗျာဓါတ်တွေပါတယ်။ ဒါမှမဟုတ် ကဗျာစာကြောင်းတွေပါတယ်လို့ အခိုင်အမာ ယူဆထားလိုက်တယ်လို့ ကျနော်ထင်မိလိုက်တယ်။ အရင်ကအကြိမ်ကြိမ်ဖတ်မိစဉ်မှာ ဒီလိုအတွေးမ၀င်မိပေမယ့် ခုတစ်ကြိမ်မှာတော့ အဲဒီလိုအတွေးမျိုးတိတိကျကျကြီးဝင်ချလာပါတယ်။
ကျနော့်နားထဲမှာ “စိုးသော်တာ” ရဲ့ “ရန်ကုန်တိမ်” ကဗျာထဲက “ရန်ကုန်တိမ်ဟာ ဇိမ်ယစ်တတ်တဲ့ အပျင်းကောင်” ရိုးစွပ်သံ တစ်ခုဝင်လာချိန်နဲ့ ရှေ့ဆင့်နောက်ဆင့်မှာပဲ “ဂျီသြမေတြီဂေါဝိန်” ၀တ္ထုထဲက “ဂေါဝိန်ဟာ ဧရာဝတီရဲ့ ရွက်ကျပင်ပေါက် မယားတစ်ယောက်” ဆိုတဲ့ ခပ်ငေါက်ငေါက် ၀ါကျတစ်ကြောင်းကပ်လျှက် လိုက်ပါလာပါတယ်။ ဒါနဲ့ သူ့ဘာသာ ပြည့်စုံလှပပြီးသား ဘ၀သရုပ်ဖော်ဝတ္ထုတိုတစ်ပုဒ်ထဲက “ဂေါဝိန်ဟာ” နဲ့ အစချီတဲ့ ၀ါကျတွေချည်းဆွဲထုတ်ပြီး ထက်အောက်ဆီရေးချလိုက်တယ်။ “ဂေါဝိန်ဟာ” နဲ့ အစချီတဲ့ ၀ါကျတွေဟာ တစ်နေရာထဲမှာ ပြွတ်ခဲတည်ရှိ နေတာမဟုတ်ပါဘူး။ အလျဉ်းသင့်သလို ဟိုနားဒီနားပါပါပဲ။ “ဂေါဝိန်ဟာ” အစချီပေမယ့် အဲဒီဝါကျတွေနဲ့ကပ်လျှက်ရေးထားတဲ့အထဲက တစ်ချို့ဝါကျတွေကိုလည်းဆွဲထုတ်ပြီး လက်သည်းကွင်းခတ် ဆက်စပ်ကြည့်ပါတယ်။ သူ့မူရင်းဝါကျကိုတော့ တစ်လုံးတစ်ပါဒမှ ပြင်ဆင်ဖြည့်စွက်တာမလုပ်ခဲ့ပါဘူး။ (တိုက်ဆိုင်စစ်ဆေးကြည့်ရှုနိုင်ပါတယ်)။ ပြီးတော့ “ဂေါဝိန်” လို့နာမည်တပ်ပေးလိုက်မိတယ်။ ဘယ်လိုတွေ့ရသလဲဆိုတာ ကြည့်လိုက်ကြပါဦး။



ဂေါဝိန်
ဂေါဝိန်ဟာ အိပ်ယာကနိုးပြီဆို ခိုတောင်မုန့်တီတစ်လုံးစားတယ်။
ဂေါဝိန်ဟာ ဂေါဝိန်ဟာ ဧရာဝတီရဲ့ ရွက်ကျပင်ပေါက် မယားတစ်ယောက်
(သဘောဖြူအူစင်း မာယာကင်းတဲ့ဂေါဝိန် ယုံလွယ် ပုံလွယ်တဲ့ ဂေါဝိန်)
ဂေါဝိန်ဟာ ၀ါခေါင်လတွေမှာ ဧရာဝတီနဲ့ရန်ဖြစ်တယ်။
(ခြေတံရှည်အိမ်လေးတွေ ရေအောက်မှာတူတူပုန်းကြ)
ဂေါဝိန်ဟာ ပတ္တမြားစေတီဘုရားပွဲ သနပ်ခါးဘဲကြားနဲ့ က,တယ်။
ဂေါဝိန်ဟာ လက်ပံပွင့်လေးတွေကြွေတဲ့အခါ နွေဘွဲ့ကဗျာစပ်တယ်။
ဂေါဝိန်ဟာ ဘိလပ်မြေသမ္ဗာန်ပေါ်က ဆံညှပ်တစ်ချောင်းကောက်ရတယ်။
ဂေါဝိန်ဟာ ကင်းဝန်မင်းကြီးဦးကောင်းနဲ့အတူ လူလိမ်ခံရဖူးတယ်။
ဂေါဝိန်ဟာ ကမ်နားဈေးထဲမှာ ငွေတိုးလည်းချေးယူဖူးတယ်။
ဂေါဝိန်ဟာ ဆိပ်ကမ်းလုပ်သားကြီးတစ်ယောက်နဲ့အတူ အရက်ဖြူသောက်တယ်။
ဂေါဝိန်ဟာ လိပ်ပြာမလှတဲ့မိန်းမတစ်ယောက်အတွက် ရေထမ်းသမားကြီးတစ်ယောက်နဲ့အတူ အရက်ဖြူသောက်တယ်။
ဒါဟာ ကျနော်တို့မြင်နေကျ ဖတ်နေကျခေတ်ဖွဲ့ကဗျာတစ်ပုဒ်ဆိုတာ သေချာပါတယ်။ ကျနော်တို့ပြောဖို့သေချာတာက ဆရာသိုက်ထွန်းသက်ဟာ သူ့ဝတ္ထုထဲမှာကဗျာတစ်ပုဒ်ကို တမင်တကာ ၀ှက်မြှပ်ထားခဲ့တာလား။ သူကိုယ်တိုင်မသိလိုက်ပဲ ကဗျာတစ်ပုဒ်ရေးဖွဲ့မိခဲ့လေသလား ဆိုတာပါပဲ။
ဘာပဲဖြစ်ဖြစ် ၁၉၉၀ ၀န်းကျင်ကရေးတဲ့ “ဂျီသြမေတြီ ဂေါဝိန်” ၀တ္ထုထဲမှာခေတ်ပေါ်ဟန်နဲ့ ရေးဖွဲ့ထားတဲ့ ဘ၀သရုပ်ဖော်ကဗျာတစ်ပုဒ် ပါရှိနေတယ်ဆိုတာ မြင်သာပါလိမ့်မယ်။



(၆)
ကျနော်ရေးထားသမျှဖော်ပြထားပြီးတဲ့နောက်မှာ ဘာတွေလာပြောနေတာလဲလို့ ခင်ဗျားကဆိုမယ်၊ ထင်မယ်။
ကျနော်ပြောချင်တာကဒီလိုပါ။
၂၀၀၇ ခု ဇူလိုင်လ(၂၉)ရက်နေ့ MRTV 4 တီဗီက ထုတ်လွှင့်သွားတဲ့ အစီအစဉ်တစ်ခုမှာကဗျာရွတ်ပွဲမှာပါဝင် ရွတ်ဖတ်ခဲ့တဲ့သူတွေကို အင်တာဗျူးလေးတစ်ခု မေးသွားတာမြင်ကြားလိုက်ရပါတယ်။ အဲဒီမှာဗျူးသူက “ကဗျာဟာ တစ်စုံတစ်ရာကို ပြောင်းလဲနိုင်တယ်လို့ ထင်ပါသလား” ဆိုတဲ့မေးခွန်းတစ်ခု မေးသွားခဲ့ပါတယ်။ မေးသွားတာက ဆရာမ “မအိ” ကိုလား၊ “လွင်မိုး” ကိုလား၊ “ရဲလေး” ကိုလား မမှတ်မိတော့။
အခုတင်ပြခဲ့တဲ့အရေးအသားဟာ အဲဒီမေးခွန်းကို ကိုယ်နားလည်သလိုဖြေလို့ရသမျှ ဘောင်လေးထဲက (လွတ်လပ်ရေး မရခင် နောက်ခံအထိရောက်အောင် ပြန်မသွားတော့ပဲ) ပေါ့ပေါ့ပါးပါး ပြေးကြည့်လိုက်မိတာပါပဲ။ ဖော်ပြပါ ဒီအရေးအသားထဲမှာ ကဗျာကို ရေလို လေလို သောက်သုံးရှူရှိုက်ကြီးပြင်းခဲ့ရသူ “ကလေး” တစ်ယောက်ရှိမယ်။
မိုးရာသီ ချင်းသာတူပြီး နေရာဒေသ၊ နောက်ခံသမိုင်း၊ ခုနှစ်သက္ကရာဇ်မတူတဲ့ အခြေအနေသုံးခုမှာ သဏ္ဌန်သုံးမျိုးနဲ့ ဖြစ်တည်ခဲ့တဲ့ ကဗျာတွေအပေါ် ခံစားရသူ (လူတစ်ယောက်တည်း)ရဲ့ အာရုံရိပ်တွေပါမယ်။ ကဗျာကကိုယ့်ရင်ဆုံကို ထိမှန်သွားပြီးတဲ့အခါ ပေါက်ကွဲတယ်။ ယစ်မူးတယ်။ အံသြတယ် ဆိုတဲ့ခံစားမှုမျိုးတွေဟာ အဲဒီလူတစ်ယောက်တည်းရဲ့ ဒီခန္ဓာတစ်ခုတည်းမှာ ဖြစ်တည်ခဲ့တာ။ ဦးနှောက်နဲ့ နှလုံးသား တစ်ခုတည်းမှာ စုဖွဲ့ခဲ့တာ၊ ကဗျာဟာ လူတစ်ယောက်က အင်္ကျီ၊ ဘောင်းဘီသစ်တစ်ထည် ကောက်စွပ်ပုံပြောင်းလိုက်လို့ ချက်ချင်းကြီးသဏ္ဌန်ပြောင်းသွားတာမျိုး၊ ဒေးဗစ်ကော့ပါးဖီးရဲ့ လက်တစ်ဖက် အနွဲ့အလှည့်မှာ “Oh” “ amazing” လို့ ၀ိုင်းအော်ကြရလောက်အောင် သိသိသာသာကြီး ဥုံဖွတိုက် ပြောင်းသွားတာမျိုးတော့ ဘယ်လုပ်နိုင်ပါ့မလဲ။
ဒါပေမယ့်……………ကဗျာဆိုတာ……………။
ကဗျာဟာ သူ့ကို တကယ်နှစ်နှစ်သက်သက် ချစ်မက်သူတွေကို ထူးဆန်းတဲ့လောကသစ်တစ်ခုဆီ အရောက် ခေါ်ဆောင်သွားတတ်တာ အသေအချာ။
ရင့်ကျက်ပြောင်းလဲပြီ။ တရားမျှတမှုနဲ့ အမှန်တရားဆီ ချဉ်းကပ်သွားစေတာ အသေအချာလို့ ကျနော်ယုံတယ်၊ အမှန်ပါပဲ။ ကျနော်ဟာကဗျာခေါ်သွားတဲ့ နေရာသစ်တွေဆီ အကြိမ်များစွာရောက်ဖူးခဲ့ပါတယ်။ ခေါင်းထဲမှာ အခွံချည်းရှိတဲ့လူတွေဟာ ကဗျာကို မဖတ်တဲ့အပြင် ကဗျာရဲ့အားကို တစ္ဆေသူရဲလို ကြောက်လန့်တတ်ကြပါတယ်။
ကဗျာဟာ စာရွက်တွေပေါ်မှာချည်း ကြပ်ညှပ်ပိတ်လှောင်နေတယ်လို့ ကျနော်မယူဆပါဘူး။ ကဗျာဟာ လူတွေကြားမျာလည်း လှည့်လည်သွားလာနေတတ်ပါတယ်။ လူတွေနဲ့အတူ အလုပ်တွဲလုပ်လိုက်၊ စားသောက်နေထိုင်လိုက်၊ ကခုန်ပျော်ပါးလိုက်ရှိတတ်တယ်လို့ထင်ပါတယ်။ ကောက်စိုက်တေး၊ ဗုံကြီးသံတွေနဲ့ကျေနပ်၊ နေတတ်ခဲ့တဲ့ ကျေးလက်ပြည်သူတွေ ရှိခဲ့၊ တစ်ချို့ရှိဆဲ ဖြစ်ပါတယ်။
ဘယ့်နှယ်လဲ၊ ကဗျာဆိုတာ လူမသိသူမသိ ရပ်ဝန်းတစ်ခုမှာ ဘာအလုပ်မှမလုပ်ပဲ၊ သူ့ဘာသာ ဧကစာရီကျင့်ကြံနေတတ်တဲ့ “ငပျင်း”တစ်ကောင်မျိုးလို ခင်ဗျားထင်မြင်ယူဆနေသေးတာလား။
ကျနော်ကတော့ ပိတောက်ပွင့်သစ်မဂ္ဂဇင်း၊ အမှတ် (၁၃)ဇူလိုင် ၂၀၀၇၊ စာမျက်နှာ (၁၂၄)၊ ကော်လံ(၁) စာကြောင်းရေ (၃) ကစတဲ့ “ဆရာမြင့်ခေါင်” ရဲ့အရေးအသားလေးကိုပဲ မိုးအေးအေးမှာဖြေးဖြေး ဖတ်နေမိတော့တယ်။



“ကဗျာသည် အကြောင်းအရာ စိတ်ကူးတစ်ရပ်ကို သယ်ပိုးထားသည့်စာပေပစ္စည်းတစ်ရပ်ထက် ရိုးလွန်းလာသည့်အခါ လက်နှက်သဖွယ်ဖြစ်လာရတော့တယ်။ နိုင်ငံရေးဆိုသည်မှာ ဖြစ်နိုင်ရေးကို သိမြင်နားလည်မှုဆိုင်ရာ အနုပညာဖြစ်သည်။ အနုပညာတစ်ရပ်ဖြစ်သည့် နိုင်ငံရေး ရှိသည့်နေရာတွင် အနုပညာတစ်ရပ်ဖြစ်သည့် ကဗျာသည် ရှိလာရတော့သည်။ ထိုအချိန်တွင် ကဗျာတစ်ပုဒ်၏ တာဝန်သည် ကျယ်ပြန့်နက်ရှိုင်းလာတော့သည်။”
ငြိမ်းအေးအိမ်
(၂၀၀ရ ဇူလိုင်လ ၂၇ ရက်၊ရန်ကုန်)



ဆရာငြိမ်းအေးအိမ်၏ ဤဆောင်းပါးနှင့်အခြား ဆောင်းပါးများကို အခက်အခဲအရဆရာ့ထံမှ ခွင့်ပြုချက်တောင်းခံနိုင်ခြင်း မရှိဘဲ ဖော်ပြခြင်းသာဖြစ်ပါသည်။ ဤဆောင်းပါးမူရင်းကို ဒေါက်တာလွဏ်းဆွေ Blog မှရယူပြီး မူရင်းသည် image ဖိုင် မဖြစ်သောကြောင့် ထင်ထင်ရှားရှားမရှိပါ။ ထပ်ဆင့်ကူးယူဖော်ပြခြင်းသာဖြစ်ကြောင်း ၀န်ခံပါသည်။ (ဂျိုး-ငြိမ်းချမ်းရေး)
မူရင်း …. ဒေါက်တာလွဏ်းဆွေမှ